Գվարդիոլան անվանել է «Մանչեսթեր Սիթիի» գլխավոր խնդիրը «Բորուսիայի» դեմ պատասխան խաղում

«Մանչեսթեր Սիթին» կփորձի հաղթել Չեմպիոնների լիգայի քառորդ եզրափակչի Դորտմունդի «Բորուսիայի» դեմ պատասխան խաղում, ասել է անգլիական ֆուտբոլային ակումբի գլխավոր մարզիչ Խոսեպ Գվարդիոլան: Ինչպես հայտնի է, «Մանչեսթեր Սիթին» երեքշաբթի օրը Չեմպիոնների լիգայի քառորդ եզրափակչի առաջին խաղում 2:1 հաշվով հաղթեց Դորտմունդի «Բորուսիային»:
«Մենք գնալու ենք Դորտմունդ՝ հաղթելու նպատակով: Այսօր առաջին խաղակեսում գնդակի հետ անխոհեմ վարվեցինք: Երկրորդ խաղակեսը շատ ավելի լավ ստացվեց․ մենք երկու-երեք լավ հնարավորություն ունեինք, բայց չկարողացանք դրանք փոխարկել: Հետո, ի վերջո, կարողացան գոլ խփել», - Գվարդիոլայի խոսքերը մեջբերում է BBC-ն:
«Բորուսիան» ուժեղ է, բարձր մակարդակի թիմ է, նրանց դեմ խաղում դժվար է անել այն, ինչ ցանկանում ենք, բայց հաջորդ շաբաթ հաջողության մեծ շանսեր ունենք: Մենք որոշ փոփոխություններ կկատարենք, որպեսզի գնանք այնտեղ և փորձենք հաղթել», - ավելացրել է նա:

Պատասխան հանդիպումը տեղի կունենա Դորտմունդում՝ ապրիլի 14-ին:

Այս թեմայով ՉԼ-ի եզրափակչում կմրցեն Մադրիդի «Ռեալ»-ը և Դորտմունդի «Բորուսիա»-ն Դորտմունդի «Բորուսիա»-ն Չեմպիոնների լիգայի եզրափակիչում է ՊՍԺ-ն և Դորտմունդի «Բորուսիա»-ն Չեմպիոնների լիգայի կիսաեզրափակչում են Այս հանդիպումն իսկապես հիանալի ստացվեց․ Գվարդիոլա «Ինտեր»-ը դուրս մնաց ՉԼ-ից. «Ատլետիկո»-ն և «Բորուսիա»-ն ՉԼ հաջորդ փուլում են Մենք շատ լավ հանդիպում անցկացրեցինք․ Գվարդիոլա Հիմա թիմում բոլորը հավատում են, որ մենք ունակ ենք նորից հաղթել այս մրցաշարում․ Գվարդիոլա «Չելսիի» ֆուտբոլիստը տեղափոխվեց Դորտմունդի «Բորուսիա» Գվարդիոլան դարձել է առաջին մարզիչը, ով նվաճել է ՈւԵՖԱ-ի Սուպերգավաթը երեք տարբեր ակումբներում Հրանտ-Լեոն Ռանոսը սկսել է մարզումները «Բորուսիա»-ում