Ջիգարխանյանի ժառանգը պատմել է դերասանի թողած ունեցվածքի մասին

Արմեն Ջիգարխանյանի խորթ որդին՝ Ստեփանը, Առաջին ալիքի «Пусть говорят» հաղորդման եթերում պատմել է դերասանի մահից հետո մնացած անշարժ գույքի մասին:

«Ոչինչ չկա. Ես չեմ պատրաստվում դատի տալ ու  ինչ-որ բանի համար պայքարել: Բայց ես միակ ժառանգն եմ: Վեց ամսվա ընթացքում ուրիշ ոչ ոք չի հայտնվել», - ասել է Ստեփանը:

Ստեփան Ջիգարխանյանի խոսքով՝ ներկայումս ինքը կարող է ժառանգել միայն մեկ սենյականոց բնակարան Գլուխովո գյուղում: Նման բնակելի տարածքն արժե մոտ 10-11 միլիոն ռուբլի, ինչն այնքան էլ շատ չէ մոսկովյան չափանիշներով:

Ստարոկոնյուշնի նրբանցքի բնակարանը, ըստ StarHit հրատարակության, ժառանգել է Արմեն Բորիսովիչի երկրորդ կինը՝ Տատյանա Վլասովան: 2015-ին, կնոջից բաժանվելուց հետո, դերասանը կիսել էր սեփականաշնորհված բնակարանը:

Ինչ վերաբերում է Գլուխովո գյուղում գտնվող բնակարանին, ապա այն իրոք պատկանում էր Ջիգարխանյանին: Միակ մարդը, ում նա հիշատակել է, իր խորթ որդին՝ Ստեփանն էր: Բայց ոչ փող, ոչ գույք, բացառությամբ այս բնակարանի, նրան չի մնացել:

Դերասան Արմեն Բորիսովիչ Ջիգարխանյանը մահացել է 2020 թվականի նոյեմբերի 14-ին, 86 տարեկան հասակում: Ջիգարխանյանի միակ դուստրը՝ Ելենան, մահացել է 1987-ին՝ դժբախտ պատահարի արդյունքում:

Այս թեմայով Արմեն Ջիգարխանյանի ժառանգությունը չի բավականացրել անգամ գերեզմանաքարի համար Վլադիմիր Պուտինը ցավակցական ուղերձ է հղել Ջիգարխանյանի մահվան առթիվ Արմեն Ջիգարխանյանն ապաքինվել է