2022 թվականը ծանր կլինի ԶԼՄ-ների համար. Ժուռնալիստների միության նախագահ

2022 թվականը ավելի ծանր կլինի ԶԼՄ-ների համար, քան նախորդ տարիները։ Այս մասին հունվարի 18-ին տեղի ունեցած քննարկման ժամանակ հայտարարեց Հայաստանի Ժուռնալիստների միության նախագահ Սաթիկ Սեյրանյանը՝ ներկայացնելով վիճակագրություն, ըստ որի՝ 2019-2020 թվականներին լրատվամիջոցների եւ լրագրողների դեմ 176 դատական հայց է ներկայացվել։

Նա նկատեց, որ փողոցից եկած իշխանությունները՝ առաջ քաշելով ժողովրդավարական կարգախոսներ, այժմ աշխատում են մամուլի դեմ՝ որպես ավտորիտար իշխանության հաստատման գլխավոր խոչընդոտ։

Սեյրանյանը հայտարարեց, որ քաղաքացիական հասարակությունը ծառայում է գործող իշխանությունների շահերին՝ երբեմն նույնիսկ հայհոյելով լրատվամիջոցներին։

«Մի օր այս իշխանությունը կփոխվի, եւ արդեն նոր իշխանությունները կսկսեն կոռուպցիոն դրվագներ բացահայտել։ Լրատվամիջոցները գրել են, թե իշխանության գալուց հետո ինչպես է փոխվել ներկայիս պաշտոնյաների ֆինանսական վիճակը։ Իսկ ո՞ւր են հակակոռուպցիոն մարմինները։ Չկան»,- պարզաբանեց նա:

Նրա գնահատմամբ, այժմ Հայաստանում ժողովրդավարության պաշտպանները ԶԼՄ-ներն են, որոնք փորձում են վերահսկել իշխանությունների գործողությունները, սակայն նրանց աշխատանքը բարդանում է նրանով, որ պետական մարմինները հաճախ չեն արձագանքում հարցումներին։

«Նախկին իշխանությունների օրոք էլ մենք ասում էինք, որ խնդիրները լուծելու համար օրենսդրական փոփոխություններ պետք է արվեն։ Բայց չէինք սպասում, որ իշխանությունը, որի ղեկավարն այս ոլորտից է, դասակարգային պայքար կսկսի լրատվամիջոցների դեմ եւ ֆինանսական վնաս կհասցնի նրանց, թեեւ բոլորը լավ գիտեն, թե ինչպես է աշխատել Փաշինյանի լրատվամիջոցը»,- հավելեց Ժուռնալիստների միության նախագահը։

Նա ընդգծեց, որ այս ամենը ներկայացվել է իբր խաղային բիզնեսի դեմ պայքար, բայց հետո պարզվել է, որ նույն առցանց-կազինոները ներկայիս իշխանությունների դրամապանակն են ու Փաշինյանի կնոջ հիմնադրամների դոնորները։

Այս թեմայով Բարի գալուստ, Սրբազան. ողջունում ենք շարժումը. Սաթիկ Սեյրանյան (տեսանյութ) ՀԺՄ նախագահ Սաթիկ Սեյրանյանը մուտքի մոտ դիմավորում է Բագրատ Սրբազանին (տեսանյութ) Խոսքի ազատության ու մամուլի դերն այսօր բազմապատիկ ավելի կարևոր է. Սաթիկ Սեյրանյան Սաթիկ Սեյրանյանը վերընտրվեց ՀԺՄ նախագահ Նոր պատերազմի հավանականությունը շատ մեծ է. Սպարտակ Սեյրանյան Հայաստանի վրա հարձակվել են վաղուց, ընդ որում` ներսից․ Սպարտակ Սեյրանյան