Հայաստանի վրա հարձակվել են վաղուց, ընդ որում` ներսից․ Սպարտակ Սեյրանյան

Սպարտակ Սեյրանյանը ֆեյսբուքյան իր էջում գրում է․ «Տարբեր լրատվամիջոցներում ու հարթակներում, կաբինետներում ու սրճարաններում քննարկվում է. հարևանները զորավարժություններ են անում, կհարձակվե՞ն Հայաստանի վրա, թե՞ ոչ: Ու տարբեր՝ ծայրահեղ ու իրարամերժ պատասխաններ են հնչում` հաճախ կշռադատված, ավելի հաճախ` ոչ:

Ներսից են մեր բանակի ու առաջին հերթին սպայակազմի համատարած վարկաբեկման հետևողական փորձերը, ներսից են մեր ռազմական հաջողությունների անտեսման, նսեմացման կամ նույնիսկ մերժման փորձերը, ներսից ու շատ բարձր մակարդակով է տոտալ գրոհը ազգային արժեհամակարգի դեմ, ներսից ու բարձր մակարդակով է հարձակումը լեզվի, մշակույթի, պատմության, եկեղեցու, հավատքի դեմ, դպրոցական ծրագրերի մեջ Հայ ու Հայոց եզրույթների դեմ:

Այդ հարձակումը սկսվել է վաղուց, բայց վերջին ամիսներին ստացել է համապարփակ տեսք՝ իսկական պատերազմ ազգայինի դեմ: Ու այդ «անտեսանելի պատերազմում» ռազմաճակատի գիծն անցնում է ազգայինի ու ապազգայինի, հաճախ էլ ազգայինի ու հակա-ազգայինի միջև։ Անշուշտ, այդ հարձակման մասնակիցների մեջ շատերը կան, որ չեն էլ գիտակցում, թե ինչ են անում և ում օգտին, բայց շատերն էլ հոյակապ գիտակցում են, թե ինչ են անում և ում օգտին: Ու քիչ չեն նաև դրա համար վճարվողները, տարաբնույթ անմեղ ու կրեատիվ անվանումներով «վարձկաններ» հավաքագրողները: Ներսից ու շատ կազմակերպված, ներսից ու շատ բարձր մակարդակով:
Իսկ մենք քննարկում ենք․ հարևանները Հայաստանի վրա կհարձակվե՞ն, թե՞ ոչ»:

Այս թեմայով Հացի հերթից՝ դեպի տուն․ Սպարտակ անունով արցախցի «խոխան» Զանգվածային ծեծկռտուք Զենիթ-Սպարտակ խաղում Էդուարդ Սպերցյանը խոսել է «Սպարտակ»-ի դեմ խաղից Մոսկվայի «Սպարտակ» ֆուտբոլային ակումբը հայտարարել է նոր գլխավոր մարզչի անունը ՔՊ-ական թեկնածուի կողմից թույլ տված անօրինություններ եմ նկատել. Վեդի համայնքի ղեկավարի թեկնածու Խոսքի ազատության ու մամուլի դերն այսօր բազմապատիկ ավելի կարևոր է. Սաթիկ Սեյրանյան Սաթիկ Սեյրանյանը վերընտրվեց ՀԺՄ նախագահ 2022 թվականը ծանր կլինի ԶԼՄ-ների համար. Ժուռնալիստների միության նախագահ Դառնալ «Հայաստան» դաշինքի նախընտրական ծրագրի համահեղինակ. Սպարտակ Սեյրանյան Ասում եք՝ Կարսը ո՞նց եղավ, Սարիղամիշը ո՞նց եղավ, ծովից-ծովը ո՞նց եղավ. այ, հենց սենց եղավ․ Սպարտակ Սեյրանյան