Մեծ Բրիտանիան բախվել է հակառուսական պատժամիջոցների նոր հետեւանքի. The Daily Telegraph

Ռուսական հատիկավոր վառելափայտի գնման սահմանափակումները խորացնում են Էներգետիկական ճգնաժամը, որին բախվում Է Մեծ Բրիտանիան: Այդ մասին գրում Է The Daily Telegraph թերթը:

Ինչպես նշում Է հրատարակությունը, մինչեւ վերջին ժամանակներս Ռուսաստանը Մեծ Բրիտանիայի համար եղել Է ջեռուցման համար օգտագործվող հատիկավոր փայտանյութի խոշոր մատակարարը, սակայն այժմ բրիտանացի ներմուծողները փորձում են շտապ կարգով գտնել գնումների այլընտրանքային աղբյուրներ: Ռուսաստանից հատիկավոր վառելափայտի մատակարարումների դադարեցումը նոր պատժամիջոցների ֆոնին կհանգեցնի ջեռուցման գների կտրուկ ավելացման կենսավառելիքով աշխատող կաթսայատների տեղերի համար, ասվում Է նյութի մեջ:

Այսպես, կառավարության աջակցության ծրագրի շնորհիվ վերջին տարիներին հազարավոր բրիտանացի տնատերեր եւ գործարարներ անցել են վառելիքի հատկապես այդ տեսակն օգտագործող ջեռուցման համակարգերին: The Daily Telegraph-ի տվյալներով, հատիկավոր վառելափայտի գները երկրում արդեն ավելացել են 25-40 տոկոսով՝ 1 տոննայի դիմաց հասնելով 385 ֆունտ ստեռլինգի մակարդակի:

Ինչպես թերթին տված հարցազրույցում պատմել Է UK Pellet Council առեւտրական կազմակերպությունը գլխավորող Մարկ Լեբուսը, ներկայում շտապ կարգով մշակվում են մատակարարումների միջազգային համակարգի վերակազմավորման այլընտրանքային միջոցներ: Դրա հետ մեկտեղ նա նշել Է, որ ռուսաստանյան հատիկավոր վառելափայտի գնման արգելքը կազդի ամբողջ աշխարհում մատակարարումների վրա:

«Հետեւանքները կզգան նաեւ մյուս այն երկրները, որոնք այժմ պայքարում են այդ նույն մատակարարների լավագույն արտադրանքի համար»,-նախազգուշացրել Է UK Pellet Council-ի ներկայացուցիչը: Լեբուսի խոսքով՝ բրիտանական կառավարությունը կջանա կազմակերպել հատիկավոր փայտանյութերի ներքին արտադրություն: «Մեծ Բրիտանիան չի կարողանա ապահովել անհրաժեշտ քանակությամբ վառելիք, ուստի մենք պետք Է ներմուծենք զգալի ծավալներ, եւ մենք անխուսափելիորեն կներքաշվենք սաստկացող Էներգետիկական ճգնաժամի մեջ»,-ամփոփել Է նա, հաղորդել Է ՌԻԱ Նովոստին:

Այս թեմայով Սուրենավանում բախվել են մարդատար գնացքն ու «Mercedes»-ը․ պարեկները սահմանազատել են տարածքը Արարատում Nissan-ը բախվել է երկաթե արգելապատնեշին և մոտ 7 մետրից ընկել գետը. կա վիրավոր Ավտովթար՝ Երևանում. բախվել են «Toyota Camry»-ն և «Jeep Grand Cherokee»-ն Իրանի դեմ պատժամիջոցների կիրառումը ոչնչի չի հանգեցնի. Ռաիսի Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան Խոշոր ավտովթար-հրդեհ՝ Գյումրիում. բախվել են «Mercedes»-ն ու «ГАЗель» բեռնատարը Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր Ցավալի է. Իրանն արձագանքել է ԵՄ նոր պատժամիջոցների մասին հայտարարությանը Ոստիկանության ակադեմիայի մոտ «Նիվա»-ն բախվել է «KAMAZ»-ին. կան վիրավորներ. shamshyan