«Հայաստանյան ընդդիմությունը ակտիվ գործողությունների պետք է անցնի. Արցախն այլ ելք չի թողնում»

Ընդդիմությունն ինչ-որ մի բան նախապատրաստում է: Այս մասին ԼՈՒՐԵՐ.com -ի հետ զրույցում ասաց քաղտեխնոլոգ Վիգեն Հակոբյանը:

Նա այն կարծիքին է, որ ընդդիմությունն իր բողոքի ակցիաներն ուշացնում է՝ հասկանալու համար՝ Մոսկվայում ինչ կարող է լինել Փաշինյան-Պուտին հնարավոր հանդիպումից հետո:

«ԱԺ-ում հայտնի սկանդալային հայտարարություններից հետո շատերը ընդդիմության կողմից սպասում էին ավելի ակտիվ գործընթացների, և հիմա, երբ չկան նման գործընթացներ, նշանակում է կամ ընդդիմությունը հստակ գիտի՝ ինչ է անելու մոտակա օրերին և չի շտապում հայտարերել այդ մասին, կամ սպասում է հետագա զարգացումներին»,- ընդգծեց քաղտեխնոլոգը:

Անդրադառնալով  Արցախի ԱԺ-ի երեկվա հայտարարությանը՝ մեր զրուցակիցն ասաց՝ գնդակն այս պահին հայաստանյան քաղաքական դաշտում է, սպասում են պատասխանի. «Արցախը բացահայտ արտահայտեց իր կարծիքը իշխանության կողմից առաջարկվող կոնցեպտների շուրջ. իր կոշտ անհամաձայնությունը հայտնեց ՝ օգնություն խնդրելով Հայաստանից, որպեսզի իրեն մենակ չթողնի: Այդ հայտարարությունն ընդունելով՝ Արցախն այլ ելք չի թողնում հայաստանյան ընդդիմությանը, քան որևէ ակտիվ գործողությունների անցնելու»,- ասաց Վիգեն Հակոբյանը:

Հարցին, ինչ պետք է աներ ընդդիմությունը որ չի արել, նա նշեց՝ պետք է միշտ ունենար զանգվածների ռեսուրս, որոնք միշտ պատրաստ կլինեին առաջին իսկ կոչով փողոցում լինելու՝ մոտ 7-8 հազար հոգի. «Ընդդիմությունն ունի նման պոտենցիալ,  քանի որ իրեն ընտրել է մոտավորապես 400.000 մարդ: Նրանք պետք է անընդմեջ աշխատեին և ունեինային միշտ պատրաստ այդպիսի զանգված»,-ընդգծեց նա:

Հետաքրքրվեցինք՝ արդյոք զանգվածային ակցիաների միջոցով կլինի այդ ցանկալի արդյունքը, այն դեպքում, երբ ընդդիմությանը ձայն տված գրեթե կեսը հիասթափված է, քաղտեխնոլոգն ասաց. «Եթե սկսում ես ակցիաների շրջան, ապա դրանք պետք է լինեն հետևողական և անժամկետ: Հիասթափությունը արագ անցնում է, երբ տեսնում են, որ իրենց նախընտրած քաղաքական թիմը սկսում է նորից ճիշտ գործով զբաղվել, որի հեռանկարը հստակ երևում է»: 

Զվարթ Պետրոսյան

Այս թեմայով Ակցիա՝ Պարոնյանի անվան երաժշտական կոմեդիայի պետական թատրոնում (տեսանյութ) «Հայրենիքը բոլորիս կարիքն ունի»․ ակցիա՝ Օպերայի մեծ դահլիճում ընթացող «Ֆրանկոֆոնիա 2024» միջոցառման ժամանակ (տեսանյութ) Լարված իրավիճակ՝ Երևանում․ մեծ թվով ոստիկաններ են կուտակվել, փորձում են բերման ենթարկել ակցիայի մասնակիցներին (տեսանյութ) «Հայաստանը մայր է, մորը չեն հանձնում»․ ակցիա՝ Քաղաքացու օրվան նվիրված համերգի ժամանակ (տեսանյութ) Իրազեկման ակցիա՝ Ազատամուտ գյուղում (լուսանկարներ) Քաղաքացիները շարունակում են ակցիան Աբովյան փողոցում (տեսանյութ) Սա մեր ողջ ազգի խնդիրն է․ ակցիա՝ Իջևանում (տեսանյութ) Իրազեկման ակցիա Իջևանի շուկայի դիմաց (տեսանյութ) «Խաբում եք մարդկանց»․ մարզպետն այցելել է ակցիա իրականացնող տավուշցիներին․ ուղիղ ՈւՂԻՂ․ Բողոքի ակցիա Հրազդանում