Կոռեկտությունից դրդված ես որոշեցի նախապես խոսել Հրայր Թովմասյանի հետ. Միքայել Համբարձումյան

2019 թվականի հոկտեմբերին ԱԱԾ տնտեսական անվտանգության և կոռուպցիայի հակազդման դեպարտամենտում, որը ղեկավարում էի, նյութեր էին նախապատրաստվում այդ ժամանակահատվածում ՍԴ նախագահ Հրայր Թովմասյանի ընտանիքի անդամների կողմից որոշակի իմաստով կասկածելի հանգամանքներում գույք ձեռք բերելու շուրջ, ինչպես նաև ստուգվում էր ՀՀ արդարադատության նախարարության կողմից, որը ղեկավարել էր Հրայր Թովմասյանը, Փաստաբանների պալատի Զաքյան փողոցի վրա գտնվող շենքի օտարման գործարքը: Այս մասին իր ֆեյսբուքյան էջում գրառում է կատարել ՀՀ նախկին ԱԱԾ պետ Միքայել Համբարձումյանը` մանրամասներ ներկայացնելով այս իրադարձություններից:

«Տպավորությունս ...

2019 թվականի հոկտեմբերին ԱԱԾ տնտեսական անվտանգության և կոռուպցիայի հակազդման դեպարտամենտում, որը ղեկավարում էի, նյութեր էին նախապատրաստվում այդ ժամանակահատվածում ՍԴ նախագահ Հրայր Թովմասյանի ընտանիքի անդամների կողմից որոշակի իմաստով կասկածելի հանգամանքներում գույք ձեռք բերելու շուրջ, ինչպես նաև ստուգվում էր ՀՀ արդարադատության նախարարության կողմից, որը ղեկավարել էր Հրայր Թովմասյանը, Փաստաբանների պալատի Զաքյան փողոցի վրա գտնվող շենքի օտարման գործարքը: 

Նյութերի շրջանակներում անհրաժեշտություն էր առաջացել բացատրություններ վերցնել Հրայր Թովմասյանի ընտանիքի անդամներից, այդ թվում հորից: 

Կոռեկտությունից դրդված ես որոշեցի նախապես խոսել Հրայր Թովմասյանի հետ, ներկայացնել իրավիճակն ու համաձայնեցնել իր մերձավոր հարազատներին ԱԱԾ հրավիրելու ժամն ու օրը: Այդ նպատակով կապ հաստատեցի ՍԴ աշխատակազմի նախկին ղեկավար Էդգար Ղազարյանի հետ, ում անձնապես չէի ճանաչում: 

Ինձ զեկուցվել էր, որ Ղազարյանը ՍԴ աշխատակազմի ղեկավարը լինելով հանդերձ նաև մտերիմ, վստահելի հարաբերություններ ունի Հրայր Թովմասյանի հետ, ուստի Էդգար Ղազարյանին զանգահրելով ես հայտնեցի, որ ուզում եմ խոսել Հրայր Թովմասյանի հետ, հատկապես ցանկանում էի համաձայնեցնել վերջինիս հորից բացատրություն վերցնելու հարցը, քանի որ, նույնիսկ, պատրաստ էինք, հաշվի առնելով նրա տարիքը, բացատրությունը վերցնել իր առանձնատանը: 

Հրայր Թովմասյանի հետ տևական ժամանակ խոսել չէր հաջողվում, կապը պահում էի Էդգար Ղազարյանի հետ: Թովմասյանի աղջիկներին ԱԱԾ հրավիրելուց հետո մամուլով սկսվեցին անհիմն ու անհարկի շահարկումները, թե իբր նրանց ընտանիքի անդամների նկատմամբ հետապնդումներ ենք սկսել քաղաքական դրդապատճառներով:

Ես կրկին խոսեցի Էդգար Ղազարյանի հետ, խնդրեցի օբյեկտիվ գնահատել ստեղծված իրավիճակը և բացառել անհիմն հայտարարությունները , հաշվի առնելով, որ մեր կողմից ամեն ինչ նախապես արվել էր դրական մթնոլորտ ապահովելու համար: էդգար Ղազարյանը բավականին ողջամիտ, օբյեկտիվ, հարաբերություններում ազնիվ մարդու տպավորություն թողեց իմ վրա, քանի որ մեր խոսակցությունից հետո անհիմն հրապարակումները, շահարկումները դադարեցվեցին:

էդգար Ղազարյանի այսօրվա քաղաքական նախաձեռնությունը, թե որքանով է իրատեսական դժվար է գնահատել՝ ժամանակը ցույց կտա, բայց, որ նա իր մղումներում և նպատակներում ազնիվ ու հետևողական է, դա ակնհայտ է»,- գրել է նա:

Այս թեմայով Միքայել արքեպիսկոպոս Աջապահյանի նկարով կեղծ հայտարարություն է տարածվում Բա ո՞ւմ դեմ փորձեն պայքարել, միակ ուժը, որ իրենց դեմ կանգնած է, Եկեղեցին է ու հոգևորականությունը. Միքայել արքեպիսկոպոս Աջապահյան Ռուբեն Վարդանյանի հացադուլից հետո Բաքուն որպես պատիժ թույլ չի տվել նրան խոսել հարազատների հետ Գեներալները թող իրենց հարց տան՝ հայրենիքի՞ն են ծառայում, թե՞ հայրենիքից հիշատակ և փլատակներ թողնող վարչակազմին․ Միքայել արք․ Աջապահյան Մենք մահապարտներ ենք, ժողովուրդ, պատրաստ ենք մեռնելու, բայց պիտի գաք մեր հետևից. հստակ պիտի խոսել «Համոզված եղեք՝ խոշտանգումը նկարահանել են, որ տանեն, իրենց գլխավոր ստահակը հաճույք ստանա դրանից». Գագիկ Համբարձումյան Սամվել Վարդանյանի վրա հարձակումը նախապես պլանավորվել է․ «Հայաքվե»-ի հայտարարությունը Իրանը նախապես զգուշացրել է Թուրքիային Իսրայելի դեմ գործողության մասին. Reuters ՀՀ նախագահը և դեսպանը խոսել են Ավստրալիա մուտքի արտոնագրային ռեժիմի դյուրացման հեռանկարների մասին Զարեհ Սինանյանն ու Արա Գոչունյանը խոսել են Թուրքիայի հայ համայնքի ներկայիս իրավիճակի և խնդիրների մասին