Ռուսական կողմնորոշումը «սպառված» է, պետք է նոր դաշնակիցներ փնտրել ու կարգի բերել պետությունը․ Լևոն Շիրինյան

Մինչ Հայաստանում 5-օրյա աշխատանքային այցով գտնվում է ՀԱՊԿ գլխավոր քարտուղար Ստանիսլավ Զասը, ներքաղաքական շրջանակներում առավել ակտիվ քննարկումներ են ընթանում այդ կառույցից ՀՀ-ի դուրս գալու մասին։

Հատկանշական է, որ նման ակնարկներ հնչում են նաև երկրի իշխանությունների կողմից։ Օրերս կայացավ ՀՀ վարչապետ Նիկոլ Փաշինյանի և արտախորհրդարանական քաղաքական ուժերի հերթական հանդիպումը․ մամուլի հրապարակումների համաձայն՝ քննարկված թեմաներից մեկն էլ վերաբերել է ՀԱՊԿ-ի հետ հետագա գործակցության նպատակահարմարությանը։

«Վարչապետի հետ հանդիպման ժամանակ չեմ հիշում, թե լինի մեկը, որը դեմ էր ՀԱՊԿ-ից Հայաստանի դուրս չգալուն, կարելի է ասել, գերիշխողը այդ նախատրամադրվածությունն էր։ Ընդհանուր առմամբ, քննարկել ենք երկրի ինքնիշխանության, պետականության, անկախության ամրապնդման հարցերը։ Այն ինչ կա Հայաստանում, ժողովրդավարություն չէ, պետք է արագորեն կարգի բերել պետությունը»,-ԼՈՒՐԵՐ․ com-ի հետ զրույցում ասաց «Քրիստոնեա-ժողովրդավարական» կուսակցության Լևոն Շիրինյանը, ով ևս հանդիպել է Փաշինյանին։

Քաղաքական գործիչը նշեց, որ ինքը ՀԱՊԿ-ից Հայաստանի դուրս գալու ամենաարմատական կողմնակիցներից է։ 

«Իմ այդ դիրքորոշումը փաստարկված է․ նախ ռուսական  կողմնորոշումը «սպառված է», պետք է հետևենք Ռուսաստանի կործանմանը Ուկրաինայում, սակայն արկածախնդրության չգնանք։ Մենք պետք է նոր դաշնակիցներ փնտրենք, կյանքի կոչենք «Հայկական Խաչմերուկ»-ը։ Որպես ՀԱՊԿ-ին այլընտրանք՝ բնականաբար կնշեմ Միացյալ նահանգներին։ Չմոռանանք նաև Հնդկաստանին, որպես բնական դաշնակցի ու շարքի մի քանի այլ պետություններ»,-ընդգծեց Շիրինյանը։ 

Արա Ալոյան

Այս թեմայով Եթե պետությունը ինչ-որ երգչի աջակցել է, թող ինքն էլ հարկ վճարի. երգչուհի Նանա (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Իտալիան հայտարարել է, որ երկիրը կարող է գայատևել առանց ռուսական գազի Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Հայաստանը պետք է լինի առանց Նիկոլի. ակցիայի մասնակից Կոտայքի ոստիկանապետի դեմ իրավական գործընթաց պետք է սկսել․ պատգամավոր