Դատավորը պահանջում է ԱԱԾ-ից՝ վերացնել իրեն գաղտնալսելու միջոցով ձեռք բերված տվյալները

Երևանի ընդհանուր իրավասության դատարանի դատավոր Դավիթ Հարությունյանի նկատմամբ իրականացված օպերատիվ-հետախուզական միջոցառումների՝ գաղտնալսումների, հեռախոսային խոսակցությունների վերծանումների արդյունքում ստացված տվյալները, որոնք օրինական ուժի մեջ մտած դատական ակտով անթույլատրելի են ճանաչվել և քննիչի հավաստմամբ՝ հանվել գործից, շարունակում են պահվել ԱԱԾ-ում։ Դատավոր Դավիթ Հարությունյանը վերաքննիչ բողոք է ներկայացրել՝ պահանջելով բեկանել Երևանի ընդհանուր իրավասության դատարանի դատավոր Վաչե Մարգարյանի որոշումը և պարտավորեցնել վարույթն իրականացնող մարմնին՝ վերացնել տվյալները։

Հիշեցնենք, որ քրեական գործը, որի շրջանակներում դատավորները գաղտնալսվել են, հարուցվել է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը փոխելու եւ անձնական երաշխավորություն կիրառելու մասին դատավոր Դավիթ Գրիգորյանի 2019թ մայիսի 18-ի որոշումից հետո:

Ֆեյսբուքյան օգտատեր Արտակ Գալստյանը, որը հայտնի է որպես «Վանոյի Արտակ», գրառում էր կատարել, թե այդ որոշումը Դավիթ Գրիգորյանի փոխարեն գրվել է դատավորներ Մխիթար Պապոյանի, Վազգեն Ռշտունու և Արշակ Վարդանյանի կողմից: Մխիթար Պապոյանը հաղորդում էր ներկայացրել իրեն զրպարտելու վերաբերյալ, որի հիման վրա ԱԱԾ-ում հարուցվել է քրեական գործ՝ ՀՀ ՔՕ-ի 344-րդ հոդվածի 2-րդ մասով, այն է` դատավորին զրպարտելը: ԱԱԾ քննչական դեպարտամենտում շուրջ 2.5 տարի քննվող քրեական գործով դատավորներ Մխիթար Պապոյանը, Արշակ Վարդանյանը և Դավիթ Հարությունյանը տուժող են ճանաչվել, Վազգեն Ռշտունին ու Արման Հովհաննիսյանը՝ հարցաքննվել։

Ընդ որում, թեև քրեական գործը հարուցված է դատավորներին զրպարտելու մասին հաղորդման հիման վրա, օպերատիվ միջոցառումներ իրականացվել են դատավորների նկատմամբ։ Գաղտնալսվել են Երևանի ընդհանուր իրավասության դատարանի դատավորներ Դավիթ Հարությունյանը, Արման Հովհաննիսյանը, Վերաքննիչ քրեական դատարանի դատավորներ Մխիթար Պապոյանը, Արշակ Վարդանյանը, այն ժամանակ դատարանի նախագահի պաշտոնը զբաղեցնող Վազգեն Ռշտունին, ինչպես նաև Սահմանադրական դատարանի դատավոր Հրայր Թովմասյանը: Դատավոր Հարությունյանն ու Արշակ Վարդանյանը վիճարկել են իրենց նկատմամբ ՕՀՄ-ներ իրականացնելու թույլտվությունները, ինչի արդյունքում արձանագրվել է դատավորների իրավունքների խախտումը, իսկ ՕՀՄ իրականացնելու արդյունքում ձեռք բերված տվյալները ճանաչվել են որպես անթույլատրելի ապացույց, և վարույթն իրականացնող մարմնի հավաստմամբ` հանվել գործից:

Սակայն, ինչպես արդեն տեղեկացրել ենք, ԱԱԾ-ն հրաժարվել է վերացնել ձայնագրությունները, հեռախոսային խոսակցությունների վերծանումները, ինչը դատավոր Դավիթ Հարությունյանը վիճարկել է դատարանում՝ պնդելով, որ իր վերաբերյալ տեղեկությունները չեն կարող հասանելի լինել երրորդ անձանց։ Բողոքը Երևանի ընդհանուր իրավասության դատարանում քննել է դատավոր Վաչե Մարգարյանը՝ մերժելով այն, ընդ որում, դատարանը սեփական նախաձեռնությամբ որոշել էր բողոքը քննել դռնփակ ռեժիմով։

Այս թեմայով Կարեն Հակոբյանը՝ Գեղարքունիքի առաջին ատյանի ընդհանուր իրավասության դատարանի դատավոր Ադրինե Ղուկասյանը՝ Վերաքննիչ քրեական դատարանի դատավոր «Ժողովուրդ». 36 կգ ոսկու եւ 293 միլիոն ռուբլու անհետացման գործով վկայի կարգավիճակում դատավոր է հարցաքննվել «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր Դատավոր Վահե Միսակյանին խիստ նկատողություն հայտարարվեց «Ժողովուրդ». Դատավոր Մխիթարյանի համար «ապագա կա»-ն վաղուց լուծված հարց է․ նրա ողջ ընտանիքը արդարադատական համակարգում «Ժողովուրդ». Ամենաբարձր օղակներից դատավոր Ռշտունու առաջ հարցեր են դրվել, որոնք անլուծելի են եղել բարոյականության դաշտում ԴԸԺ էթիկայի և կարգապահական հարցերի հանձնաժողովի անդամ ընտրվեց դատավոր Գայանե Խաչատրյանը Իմ նկատմամբ ճնշումներ չկան, ավելին՝ մեր դատարանում ճնշումներ երբևիցե չեն եղել. դատավոր