Եթե քո կառավարումը հանգեցրել է աղետի, պետք է բարոյական պատասխանատվություն ունենալ և հեռանալ

Օրեր առաջ Ֆուտբոլի աշխարհի առաջնության մրցաշարն էր, պարտությունից հետո ֆուտբոլի հավաքականների գլխավոր մարզիչներն իրենց բարոյական պարտքը համարեցին հեռանալ՝ արձանագրելով, որ ձախողել են: Անհասկանալի է՝ ինչպե՞ս կարող է անձը բարձրագոչ ծրագրերի մասին հայտարարություն անել, իսկ մեկ տարի անց՝ ձախողելուց հետո, նորից հավակնել այդ պաշտոնին: Եթե իր առաջնորդությունը հանգեցրել է աղետի, պետք է բարոյական պատասխանատվություն ունենալ, ձախողումը ընդունել ու հեռանալ: Այս մասին նշեց Մայր Աթոռ Սուրբ Էջմիածնի դիվանապետ, Գերագույն հոգևոր խորհրդի անդամ Արշակ եպիսկոպոս Խաչատրյանը:

Անդրադառնալով հարցին, թե արդյոք առկա՞ է եկեղեցի-իշխանություն համագործակցություն, Արշակ եպիսկոպոս Խաչատրյանը ընդգծեց, որ իշխանության հետ համագործակցություն գոյություն չունի, մասնակի պատահական հանդիպումներ են լինում, ինչը համագործակցություն անվանել հնարավոր չէ: «Բանակցային գործընթացի վերաբերյալ Վեհափառ Հայրապետի և բարձրաստիճան եկեղեցականների մակարդակում տեղեկատվություն չկա, պաշտոնական խողովակով չի իրազեկվում, դա արդեն գործելաոճ է դարձել»,- ընդգծեց նա:

Ինչ վերաբերվում է Սփյուռքի գագաթնաժողովին եկեղեցու չմասնակցելու հանգամանքին, ապա եպիսկոպոսը պարզաբանեց, որ սխալ է ներկայացվել, իբր Եկեղեցին չի մասնակցել, քանի որ գրավոր հրավեր չի եղել․ խնդիրը դրանում չէ. «Սփյուռքի գագաթնաժողովին մասնակցելու մասին Սփյուռքի գործերի գլխավոր հանձնակատարը ներկայացրել է Վեհափառ Հայրապետին երկու ամիս առաջ, իսկ նման մասշտաբի միջոցառմանը մարդկանց մասնակցությունն ապահովելու համար բավական ժամանակ է պահանջվում:

Սփյուռքում նշանակալի ազդեցություն ունեցող մարդկանց նույնիսկ հինգ ամիս առաջ պետք է հրավեր ուղարկվի: Իշխանության մոտեցումը հետևյալն էր. կոնցեպտը՝ մեզնից, մասնակցությունը՝ ձեզնից, այսինքն՝ իրենց ընտրած կոնցեպտի մեջ պետք է ուզած-չուզած հարմարվեինք, իսկ Եկեղեցին չի կարող մասնակցել առանց մասնակիցների ընտրության հարցում ներգրավվածություն ունենալու»:

Մանրամասները՝ տեսանյութում:

Այս թեմայով Ինչի՞ եք լռում, ինչի՞ հիմա չեք ասում, որ պետք է պայքարել երկրի համար. Տիգրան Վարդանյանը՝ Մկոյին Խորը վերլուծություն պետք է արվի, թե ինչու են այս թվերը աճել. Արսեն Թորոսյան Հայաստանը ոստիկանական պետություն դառնալու շեմին է. իշխանափոխություն է պետք. Վարդան Օսկանյան (տեսանյութ) ԱԳՆ-ում հրատապ կարգուկանոն պետք է մտցվի, վերածվել է պարզ կամակատարի. Ղալաչյան (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլին հեռացնելու համար նախ պետք է ճշտել, թե ո՞վ է իրական ազգային ընդդիմադիրը․ Շարմազանով Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան Պետք էր կարգի բերել մեր տան դռները. ինչո՞ւ հեղափոխությունից հետո մեզ բաժին հասան ծանր փորձություններ. Փաշինյան «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Հայաստանը պետք է լինի առանց Նիկոլի. ակցիայի մասնակից