Ավստրիայում կատուն կծել է չորս մարդու ու հայտնվել դատարանում

2022 թվականի ամռանը Ավստրիայի Տիրոլ շրջանի Ինսբրուկ քաղաքի փոքրիկ բնակիչը խաղալիս փորձել է շոյել հարևանի կատվին՝ Սիմբային, սակայն վերջինս կծել է աղջնակին։ Կծած տեղը բորբոքվել է, երեխայի ծնողները դատի են տվել կատվի տիրոջը, իսկ հետո իրավիճակն ավելի է սրվել, հայտնում է Augsburger Allgemeine հրատարակությունը:։

Նշվում է, որ հանցագործության մեջ կասկածվող կատուն ինքն էր բաց դռնից մտել տուժածի տուն։ Աղջկա մայրը կենդանուն փակել է լոգարանում ու կանչել անասնաբույժներին։

Սիմբային չորս շաբաթով ուղարկել են կենդանիների ապաստարան՝ թույլ տալով նրան վերադարձնել տիրոջը՝ «տնային կալանքի» պայմանով։ Դատախազությունը մի ամբողջ հետաքննություն է սկսել, ևս չորս տուժող նույն կատվին մեղադրել են «մարմնական վնասվածք» պատճառելու մեջ։ Ավստրիայի ոստիկանությունը պաշտոնական հայտարարություն է տարածել.«Ընտանի կենդանիներին պետք է պահել այնպես, որ ոչ մեկին վտանգ չսպառնա»։

Ի վերջո, գործը հասել է դատարան, սակայն վկաները չեն կարողացել լուսանկարում ճանաչել կատվին։ Ավելին, ապաստարանի աշխատակիցը հաստատել է, որ այնտեղ գտնվելու ընթացքում Սիմբան իրեն դրսևորել է որպես բարի և ընկերասեր կատու։ 2022 թվականի դեկտեմբերին կատուն և նրա տերը արդարացվել են ապացույցների բացակայության պատճառով։ Սակայն, հաղորդվում է, որ մեղադրող կողմը խոստանում է բողոքարկել։

Այս թեմայով Իր տանը մոտ 300 կատու պահող տղամարդն օգնություն է խնդրել Կինն իր ողջ կարողությունը կտակել է իր ընտանի կենդանիներին Կատուն վերադարձել է տերերի մոտ՝ անհետանալուց 11 տարի անց Աղջիկը որոշել է կատու դառնալ և արդեն սկսել է կերպարանափոխությունը (լուսանկարներ) Մութ սենյակում սև կատու մի’ փնտրեք, մանավանդ որ չկա. Մինասյան Իմ ու Անդրանիկ Քոչարյանի միջև սև կատու մի փորձեք անցկացնել. Պապիկյանը՝ լրագրողներին Անհայտ կորած կատուն 9 տարի անց վերամիավորվել է տիրուհու հետ Անհետացած կատվին տերերը գտել են չորս ամիս անց՝ տնից հազար կիլոմետր հեռավորության վրա Կատուն առցանց խանութից պատվիրել է բույսերի 19 փաթեթ Ամուսնական զույգին մահացած են գտել իրենց տանը՝ շրջապատված 150 կատուներով