Իր տանը մոտ 300 կատու պահող տղամարդն օգնություն է խնդրել

Կանադայում կենդանիների բարեգործական կազմակերպությունը միջոցներ է հավաքում մոտ 300 կատուներին աջակցելու համար այն բանից հետո, երբ դրանց տերն օգնություն է խնդրել: Այս մասին գրում է The Guardian-ը։

Բրյուս Ռոբինսոնը դիմել է British Columbia SPCA-ին, քանի որ «չի կարողանում խնամել» իր ընտանի կենդանիներին: Տղամարդը կամավորներին և հիմնադրամի աշխատակիցներին ասել է, որ ինքը մեծ թվով կատուների է ապաստան տվել համաճարակի ժամանակ, երբ շատ մարդիկ լքել էին իրենց ընտանի կենդանիներին՝ տեղափոխվելու պատճառով: Մինչեւ վերջերս նա հասցնում էր խնամել կենդանիներին, սակայն վերջերս կորցրել է աշխատանքն ու այլեւս բավարար գումար չունի ապրելու համար, ուստի օգնություն է խնդրել։

Երբ հիմնադրամի աշխատակիցները ժամանել են Ռոբինսոնի տուն, այնտեղ հայտնաբերել են 298 կենդանի, իսկ կատուներից 15-ը հղի են եղել։ Ինչպես պարզվել է, տղամարդը չի ստերիլիզացրել իր ընտանի կենդանիներին, ուստի կատուներն անվերահսկելիորեն բազմացել են։ Ռոբինսոնը նույնիսկ չի կարողացել պատասխանել կենդանիների քանակի մասին հարցին։ Ավելին, բոլոր կատուներն ունեին անուններ, պարզվել է, որ նրանք ընկերասեր էին և լավ վիճակում էին։

«Ես հայտնվեցի խենթ դրության մեջ։ Ես վատ որոշում կայացրի... Կարծում էի, որ կարող եմ կատուներին խնամել: Ես սիրում եմ նրանցից յուրաքանչյուրին և ցանկանում եմ, որ նրանք տուն ունենան»,- հարցազրույցներից մեկում ասել է տղամարդը:

Ռոբինսոնը փորձել է ուրիշներին նվիրել կատուներին, բայց անարդյունք: Փոխարենը, նա հասկացել է, որ հազարավոր դոլարներ է ծախսում, երբեմն ինքն էլ առանց սննդի է մնում:  

Այս թեմայով Կինն իր ողջ կարողությունը կտակել է իր ընտանի կենդանիներին Կատուն վերադարձել է տերերի մոտ՝ անհետանալուց 11 տարի անց Աղջիկը որոշել է կատու դառնալ և արդեն սկսել է կերպարանափոխությունը (լուսանկարներ) Մութ սենյակում սև կատու մի’ փնտրեք, մանավանդ որ չկա. Մինասյան Իմ ու Անդրանիկ Քոչարյանի միջև սև կատու մի փորձեք անցկացնել. Պապիկյանը՝ լրագրողներին Անհայտ կորած կատուն 9 տարի անց վերամիավորվել է տիրուհու հետ Անհետացած կատվին տերերը գտել են չորս ամիս անց՝ տնից հազար կիլոմետր հեռավորության վրա Կատուն առցանց խանութից պատվիրել է բույսերի 19 փաթեթ Ամուսնական զույգին մահացած են գտել իրենց տանը՝ շրջապատված 150 կատուներով Ավստրիայում կատուն կծել է չորս մարդու ու հայտնվել դատարանում