Մեծամորը պաշտոնապես հռչակվեց ՀՀ 2023 թվականի երիտասարդական մայրաքաղաք

Մեծամորի Մշակույթի տանը մայիսի 19-ին տեղի ունեցավ «Հայաստանի Հանրապետության 2023 երիտասարդական մայրաքաղաք» միջոցառման պաշտոնական բացման արարողությունը, տեղեկանում ենք Արմավիրի մարզպետարանի մամուլի ծառայությունից։

Միջոցառմանը ներկա է գտնվել մարզպետ Էդվարդ Հովհաննիսյանը, ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, Մեծամոր համայնքի ղեկավար Վահրամ Խաչատրյանը, պատգամավոր Թագուհի Ղազարյանը, համայնքների ղեկավարները, Մեծամորի երիտասարդներն ու բնակիչներ։

Մեծամոր համայնքի ղեկավար Վահրամ Խաչատրյանին հանձնեցին խորհրդանշական փոխանցիկ բանալին և հավաստագիրը, որով Մեծամոր համայնքին շնորհվել է «Հայաստանի Հանրապետության 2023 թ․ երիտասարդական մայրաքաղաք» տիտղոսը:

Մարզպետը ողջունեց ներկաներին և շնորհավորեց մեծամորցիներին։

«Այս ծրագիրը ինքնադրսևորվելու, ակտիվ լինելու և նոր հմտություններ ձեռք բերելու հնարավորություններ է տալու մեր երիտասարդներին, նպաստելու է քաղաքների միջև սերտ կապերի, երիտասարդական նախաձեռնությունների և երիտասարդական քաղաքականության ոլորտում բարեխիղճ և գործընկերային հարաբերությունների զարգացմանը։

Այսօր բոլորս ունենք մեկ երազանք․ Հայաստանի բոլոր քաղաքներում, բնակավայրերում ստեղծել երիտասարդության համար այնպիսի պայմաններ, որ մեր երիտասարդներն ապրեն լիարժեք մշակութային կյանքով, որ մարզերում շատ լինեն կրթական տարաբնույթ ծրագրերն ու այլ ծառայությունները:

Վստահ եմ, որ մեր երիտասարդները պատվով են իրականացնելու իրենց առջև դրված բոլոր խնդիրները, իսկ մենք, մշտապես մեր երիտասարդների կողքին կանգնած լինելով, աջակցելու ենք»,- նշեց մարզպետ Էդվարդ Հովհաննիսյանը։

Այս թեմայով Հունվարի 28-ին «Գառնի», «Մեծամոր», «Զվարթնոց» արգելոց-թանգարանները բաց կլինեն «Մեծամոր»-ից հայտնաբերված կարասում կան ականջօղեր, գանգի տակ երևացել են ոսկորներ, ողնաշարի առանձին ողեր Գողության մեղադրանքով հետախուզվող երիտասարդը հայտնաբերվեց Մեծամոր գյուղում Արմավիր-Մեծամոր ճանապարհին բախվել են «Lada»-ն և «Mercedes»-ը․ կա մեկ զոհ և երկու վիրավոր Մեծամորի ատոմակայանում անվտանգության ապահովման ուղղությամբ քայլեր են ձեռնարկվում. Գրոսի ՃՏՊ Մեծամոր-Արմավիր ավտոճանապարհին․ վարորդը տեղում մահացել է Արմավիրի մարզի Մեծամոր համայնքի Նալբանդյան բնակավայրում շչակ է գործարկվելու «Հայաստան» խմբակցության պատգամավորներն այցելել են Մեծամոր Մեծամոր քաղաքի թիվ 1 դպրոցի նախկին տնօրենին ու ամուսնուն մեղադրանք է առաջադրվել Մեծամորի ատոմակայանը խոցելու վերաբերյալ Ադրբեջանի սպառնալիքները պետք է դատապարտվեն