Արևմտյան երկրներն Իսրայելի հետ վերաբերվում են որպես կամակոր երեխայի. Էրդողան

Արևմտյան երկրներն Իսրայելի հետ վերաբերվում են որպես կամակոր երեխայի, իսկ Գազայի հատվածում նրանց դիրքորոշումը վախկոտ է և անամոթ՝ հայտարարել է Թուրքիայի նախագահը՝ ելույթ ունենալով Էր Ռիադում մեկնարկած Արաբական պետությունների լիգայի և Իսլամական համագործակցության կազմակերպության արտահերթ համատեղ գագաթնաժողովի բացմանը:

«Խայտառակություն է, որ արեւմտյան երկրները, որոնք միշտ հանդես են գալիս մարդու իրավունքների եւ ազատությունների օգտին, լռություն են պահպանում Պաղեստինում զանգվածային սպանությունների հետ կապված... Մենք բախվում ենք աննախադեպ բարբարոսության, երբ հիվանդանոցները, դպրոցները եւ փախստականների ճամբարները ենթարկվում են ռմբակոծումների, իսկ խաղաղ բնակիչները՝ զանգվածային սպանությունների»,- ասել է Թուրքիայի նախագահը։

Նա հանդես է եկել ԻՀԿ-ի հովանու ներքո Գազայի վերականգնման համար հիմնադրամ ստեղծելու նախաձեռնությամբ։

Անդրադառնալով ՄԱԿ-ի Գլխավոր ասամբլեայի հոկտեմբերի 27-ին բանաձևին՝ Էրդողանը հայտարարել է, որ քվեարկության արդյունքները ցույց են տվել, որ Իսրայելին աջակցող երկրները փոքրամասնություն են կազմում: Բանաձևին կողմ էր հանդես եկել 121 երկիր, դեմ՝ 14 երկիր, այդ թվում՝ ԱՄՆ-ը։ Թուրքիայի նախագահը հույս է հայտնել, որ Արևմուտքն ականջալուր կլինի այդ քվեարկության արդյունքներին:

Նրա խոսքով՝  կենսականորեն կարեւոր է վառելիք հասցնել այն վայրերում, որոնք դրա սուր կարիքն ունեն, հատկապես Գազայի հիվանդանոցներում։

«Մենք կարծում ենք, որ Իսլամական համագործակցություն կազմակերպության շրջանակում պետք է ստեղծել ֆոնդ Գազայի վերականգնման համար»,- ասել է Էրդողանը։

Այս թեմայով Էրդողանը չեղարկել է իր այցը ԱՄՆ Էրդողանն Իսրայելին մեղադրել է ցեղասպանության մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էրդողանն Իսրայելին մեղադրել է ցեղասպանություն իրականացնելու մեջ Էրդողանը կարող է թողնել իշխող կուսակցության ղեկավարի պաշտոնը Էրդողանը հայտարարել է Պուտինի հետ պայմանավորվածության մասին Էրդողանն Իսրայելին մեղադրել է սադրանքների մեջ Էրդողանը նամակ է հղել Հռոմի պապին Էրդողանը զանգահարել է Ալիևին Էրդողանը պետք է հասկանա, որ ՌԴ–ի հետ բանակցությունների համար միայն Թուրքիան բավարար չէ. Զելենսկի