Հեղափոխական պաշտոնյաների աշխատանքի ՕԳԳ-ն. Սիսիան Պօղոսեան

Շարունակելով ներկայացնել տարբեր բարձրաստիճան պաշտոնյաների աշխատանքի ՕԳԳ-ն՝ այսօր կանդրադառնանք Զբոսաշրջության կոմիտեի ղեկավար Սիսիան Պօղոսեանին:

Նրա նշանակումը հանրությանը հրամցվեց իբրև նոր էջ Հայաստանի զբոսաշրջային քաղաքականության իրացման մեջ, բավական մեծ հույսեր էին կապվում սփյուռքում աշխատած և բավական մեծ փորձ ունեցող անձի տպավորություն թողած Պօղոսեանի հետ: Սակայն, պետք է փաստենք, որ կոմիտեի անգործությունը չի կարող աչքի չզարնվել: Դիցուք՝ կոմիտեի ֆեյսբուքյան էջում տեղադրվում է նյութ, որում ռուս լրագրողը ներկայացնում է Հայաստանի բնության բարիքները և կիսվում  մեր երկրից ունեցած իր տպավորություններով: Ինչպես հասկանում ենք՝ դա լրագրողի անձնական նախաձեռնությունն էր և այդ նյութի ստեղծման գործում կոմիտեն որևէ ներդրում չունի, սահմանափակվել են նյութը կիսվելով: Դրանից էլ գոհ լինենք:

Այնուհետև նույն ֆեյսբուքյան էջում հանդիպում ենք Ֆլայ Առնայի չվացուցակի, գնացուցակի մասին տեղեկությունների, թե ինչու է զբոսաշրջության կոմիտեն կիսվում այդ տեղեկությամբ նույնպես դժվար է ասել, չէ որ դրա համար կա ավիափոխադրողի կայքը և կոմիտեն չէ, որ պետք է զբաղվի ավիափոխադրողի փիառով:

Այս ընթացքում կոմիտեն հասցրեց մշակել Հայաստանի զբոսաշրջային նոր բրենդը, որը, մեղմ ասած, չընդունվեց հասարակության կողմից, եղան բազմաթիվ սարկաստիկ, նույն ծաղրական մեկնաբանություններ: Ի դեպ, հայտարարած մրցույթում էլ հաղթել է «Aha collective» խումբը։ Բանն այն է, որ այս ընկերությունը նորաբաց է, ֆեյսբուքյան էջն ունի 5 հավանում, իսկ ընկերության կայքը նոր-նոր է ձեւավորվում, եւ տարակուսանք է առաջանում, թե ինչպես է ստացվել, որ այս ընկերությունն է հաղթել։ Ավելին՝ ֆինանսավորող կազմակերպությունները նպատակահարմար չեն գտնում հանրայնացնել գումարի չափը, ինչը նույնպես հարցեր է առաջացնում:

Զբոսաշրջության կոմիտեն մի կողմից հայտարարում է Լոռիում զբոսաշրջության ոլորտի բիզնես ներկայացուցիչների, ՀԿ-ների հետ համատեղ իրականացված քննարկումների, մարզի զբոսաշրջային գրավչությանն ուղղված նախագծերի մասին, մյուս կողմից աչք է փակում այն փաստի վրա, որ նույն Լոռիում իշխանությունները ցանկանում են նոր հանքի կառուցման թույլտվություն տալ: Արդյո՞ք դա չի ազդելու մարզի զբոսաշրջային գրավչության վրա․ անշուշտ, ազդելու է:

Անհասկանալի է, թե ինչ է արել կոմիտեն այս ընթացքում հայտնի իրադարձությունների ֆոնին Հայաստան տեղափոխված օտարերկրացիների ռելոկացիան կազմակերպելու համար: Վերջերս մամուլը գրել էր, որ Հայաստան ժամանած ռուսաստանցիների միայն փոքր մասն է որոշել մնալ այստեղ, իսկ սա նշանակում է, որ ռելոկացիոն ծրագրեր իրականացնողներն ակնհայտորեն թերացել են իրենց աշխատանքում:

Հոկտեմբերին  ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նիստում քննարկում էր կազմակերպվել՝  ԵԱՏՄ-ում աշխատուժի ազատ տեղաշարժի հոսքերի կառավարման եւ ներուժի լիարժեք օգտագործման խնդիրների թեմայով: Սիսիան Պօղոսեանը, ով հիմնական զեկուցողներից էր, այդ նիստից ուշացել էր և այդ հանգամանքը զայրացրեց անգամ ՔՊ-ականներին, ինչին Պօղոսեանն անդրդվելիորեն արձագանքեց՝ աննորմալ պրոբկաներ էին:

Այդ իսկ նիստի ընթացքում հասկանալի դարձավ, որ Պօղոսեանը անգամ իր ձեռքի տակ եղած թվերին լավ չի տիրապետում և չի կարող բացատրել այս կամ այն  պրոցեսի տրամաբանությունը, մինչդեռ դա նրա բուն պարտականությունն է: Դիցուք՝ ՔՊ պատգամավոր Խաչատուր Սուքիասյանը հարց էր ուղղել՝ ի՞նչն է պատճառը, որ հոկտեմբեր ամսին հյուրանոցների գները շատ բարձր են՝ 56 հազար դրամ, չէ՞ որ օգոստոսի ծանրաբեռնվածությունը չկա: Պօղոսեանը պատասխանել էր, որ հոկտեմբերի ցուցանիշները չունեն, բայց սեպտեմբերին զբոսաշրջիկների մեծ հոսք է եղել ու այդքան բարձր գները կարող են դրանով պայմանավորված լինել: Այսինքն՝ կարող են, իսկ կարող է և այլ պատճառ է, որի մասին Պօղոսեանը գաղափար չունի։

Որոշակի դրական տենդենցներ առանձնացնել, ամեն դեպքում, կարող ենք: Դիցուք՝ կոմիտեի ջանքերով 2024 թվականին ՄԱԿ ԶՀԿ Գինու զբոսաշրջության 8-րդ համաշխարհային համաժողովը կանցկացվի  Հայաստանում:  Նոյեմբերի 6-8 Լոնդոնում Հայաստանը մասնակցել է «WTM London 2023» միջազգային զբոսաշրջային ցուցահանդեսին: ՀՀ ԷՆ Զբոսաշրջության կոմիտեն 8 ոլորտի կազմակերպությունների հետ միասին ներկայացրել է Հայաստանը որպես հետաքրքիր զբոսաշրջային ուղղություն` ծանոթացնելով հյուրերին մեր երկրի տուր պրոդուկտներին, այդ թվում` հայկական մշակույթին և համեղ ուտեստներին, որոնք ներկայացված էին տաղավարում:

Այս թեմայով Քննարկվել են Հյուսիս-հարավի Տրանշ-4-ի Սիսիան-Քաջարան հատվածի կառուցման ծրագրի մանրամասները Սիսիան Պօղոսեանը վերանշանակվել է Զբոսաշրջության կոմիտեի նախագահի պաշտոնում Սիսիան համայնքի մի շարք գյուղերում գործարկվելու են էլեկտրական շչակներ ՃՏՊ Սիսիան-Գորիս ավտոճանապարհին. կա տուժած Ջերմատները կառուցվել են «Հայանտառ» ՊՈԱԿ-ի «Հրազդան», «Սիսիան» և «Տաշիր» մասնաճյուղերի տարածքներում. ՇՄՆ Սիսիան-«Զանգեր» հատվածում բեռնատարը փակել է ճանապարհը. փրկարարները խցանումից դուրս են բերել 187 մեքենա եւ 312 քաղաքացու Գորիս-Տաթև և Գորիս-Սիսիան ավտոճանապարհները փակ են բեռնատարների համար Սիսիան-Գորիս-Հարժիս ճանապարհին իրականացվում են մաքրման և աղ-ավազով մշակման աշխատանքներ Փաշինյանի թիմակիցների մանիպուլացիաները. Սիսիան Պողոսեան Գորիս-Սիսիան ավտոճանապարհը փակ է, Հարժիսի խաչմերուկում բուք է