Ջերմատները կառուցվել են «Հայանտառ» ՊՈԱԿ-ի «Հրազդան», «Սիսիան» և «Տաշիր» մասնաճյուղերի տարածքներում. ՇՄՆ

ՀՀ ՇՄՆ-ն հայտարարություն է տարածել, որում մասնավորապես ասվում է.

«Ի պատասխան armlur.am լրատվական կայքում հրապարակված «30 հազար դոլար են ծախսել մեկ ջերմոց կառուցելու համար, որոնցից 4-ը հետո քանդվել է. Սիմիդյանի նախարարությունում բարձիթողի վիճակ է» վերտառությամբ գրառման՝ հայտնում ենք հետևյալը.

hամաձայն «Բնապահպանական ծրագրերի իրականացման գրասենյակ» պետական հիմնարկի (այսուհետ ԲԾԻԳ ՊՀ) և ՄԱԿ-ի Պարենի և Գյուղատնտեսության Կազմակերպության միջև 2021 թվականի փետրվարի 11-ին կնքված պայմանագրի՝ ԲԾԻԳ ՊՀ իրականացնում է «Հայաստանի անտառների կայունություն, հարմարվողականության բարձրացում և գյուղական կանաչ աճի խթանում մեղմման միջոցով» դրամաշնորհային ծրագրի «Կլիմայի փոփոխության հետևանքների մեղմում և հարմարվողականություն՝ նոր տեխնոլոգիաների փոխանցման միջոցով» բաղադրիչը։  

Բաղադրիչի շրջանակներում փակ արմատային համակարգով տնկիների աճեցման նպատակով պետք է կառուցվեր 500քմ մակերեսով թվով 6 ջերմատուն։

Ջերմատների կառուցման տեխնիկական առաջադրանքի մշակման համար հիմք է ընդունվել ՀՀ կառավարության 2019 թվականի նոյեմբերի 14-ի N 1612-Լ որոշումը` փոքր և միջին ջերմատնային տնտեսությունների չափանիշները։

Ջերմատների կառուցման մրցույթը հայտարարվել է 2022 թվականի հունիսի 2-ին։

Մրցույթին մասնակցել են 2 կազմակերպություն, որոնցից հաղթող է ճանաչվել «ՎԷՍ Գրուպ» ՍՊԸ-ն։ Ընտրված կազմակերպությունը որևէ անձի հետ փոխկապակցված չէ, որի վերաբերյալ առկա է նաև կազմակերպության ներկայացրած շահերի բախման բացակայության վերաբերյալ հայտարարությունը։

Ջերմատները կառուցվել են «Հայանտառ» ՊՈԱԿ-ի «Հրազդան», «Սիսիան» և «Տաշիր» մասնաճյուղերի տարածքներում, որոնք 2023 թվականին հանձնվել են «Հայանտառ» ՊՈԱԿ-ի կառավարմանը։

Տեղեկացնում ենք, որ «Տաշիր» մասնաճյուղի տարածքում կառուցված ջերմատունը վնասվել է աննախադեպ ուժեղ քամիների, իսկ «Սիսիան» մասնաճյուղի ջերմատունը` տարածքին ոչ բնորոշ ձյան առատ տեղումների պատճառով։

Աննախադեպ ուժեղ քամիների և տարածքին ոչ բնորոշ ձյան առատ տեղումների վերաբերյալ առկա են շրջակա միջավայրի նախարարության «Հիդրոօդերևութաբանության և մոնիթորինգի կետրոն» ՊՈԱԿ-ի կողմից անցկացված հետազոտությունների տվյալները։

«ՎԷՍ Գրուպ» ՍՊԸ-ի կողմից մեկնարկել են վերականգնման աշխատանքները։

Հրապարակված տեղեկատվության այլ հարցադրումները չեն համապատասխանում իրականությանը»։

Այս թեմայով Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ «Նոր Արտամետի միջնակարգ դպրոց» ՊՈԱԿ-ում գործարկվելու է էլեկտրական շչակ Գյումրի, Հրազդան և Վանաձոր քաղաքների մթնոլորտային օդում փոշու պարունակությունը «Ժողովուրդ». 250 մլն դրամ ՀՀ շրջակա միջավայրի նախարարությանը ենթակա ՊՈԱԿ-ին Քննարկվել են Հյուսիս-հարավի Տրանշ-4-ի Սիսիան-Քաջարան հատվածի կառուցման ծրագրի մանրամասները Սիսիան Պօղոսեանը վերանշանակվել է Զբոսաշրջության կոմիտեի նախագահի պաշտոնում Կոտայքի մարզի «Կարենիսի միջնակարգ դպրոց» ՊՈԱԿ-ում գործարկվելու է էլեկտրական շչակ «Ժողովուրդ». 1 օրում 2 դրամաշնորհ՝ «ֆեյքերի» ՊՈԱԿ-ին, որից մեկը՝ 731 մլն դրամի Նորակերտ գյուղում խմելու ջրատարի արտաքին ցանց է կառուցվել