Հեղափոխական պաշտոնյաների աշխատանքի ՕԳԳ-ն. Վահագն Արսենյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Ջերմուկի քաղաքապետ Վահագն Արսենյանին:

Դեռ նախորդ տարվա հոկտեմբերին Արսենյանը խոստանում էր Ջերմուկը դարձնել զբոսաշրջային կենտրոն, ստեղծել նոր աշխատատեղեր և ենթակառուցվածքներ։ Անցել է բավական երկար ժամանակ, սակայն որևէ գրանցված արդյունք այս խոստումների մասով դեռևս չի նկատվում։ Փոխարենը` Արսենյանը շատ սահուն առաջ է տանում ՔՊ ծրագրերը, ի վերջո հենց ՔՊ ցուցակով էլ վերջինս քաղաքապետ է ընտրվել։ Օրինակ` Արսենյանը և Ջերմուկի ավագանին այլևս որևէ խոչընդոտ չեն ստեղծում կառավարության համար` Ամուլսարի հանքի շահագործումը վերսկսելու մասով։ Թե ինչպես է հանքի վերաբացումը նպաստելու Ջերմուկի` զբոսաշրջային կենտրոնի վերածվելուն` դժվար է ասել, համենայնդեպս հանքերի շահագործման խոստում Արսենյանը չէր տվել։ Գաղտնիք չէ, որ մինչ այս ընտրությունները, թե՛ ՔՊ-ն, թե՛ ինքը՝ Վահագն Արսենյանը, պնդում էին, որ Ջերմուկում առաջնայինը բնապահպանական խնդիրներն են, և իրենք թույլ չեն տալու, որպեսզի բնության և զբոսաշրջային գրավչության հաշվին խոշոր հանքաարդյունաբերությունը միլիարդներ վաստակի: 

Ինչ վերաբերվում է ենթակառուցվածքներին, ապա այստեղ իսկապես գրանցվել է որոշակի շարժ։ Սակայն, պետք է հասկանալ, թե ով է այդ իրավիճակում ամենամեծ շահողը և շահառուն, քանի որ շինարարական աշխատանքները իրականացնում է հենց Արսենյանի ընտանիքին պատկանող «Ջերմուկ Գրուպ»-ը` իր ֆինանսական միջոցներով։ Դիցուք` Ջերմուկում կկառուցվի նոր բնակելի թաղամաս՝ բաղկացած մոտ 300 բնակարանից։ Ծրագրի նախագիծը արդեն կա, իսկ կառուցապատման աշխատանքների մեկնարկը կտրվի 2022 թվականի մայիս ամսից։ Ծրագիրը իրականացվում է «Ջերմուկ Գրուպ» ընկերության կողմից։

Նախընտրական խոստումների թվին էին դասվում նաև աշխատատեղերի ստեղծումը և գործազրկության հաղթահարումը, որն ավանդաբար բավական բարձր ցուցանիշներ է արձանագրում Վայոց Ձորի մարզում: Չնայած խոստումներին, այնուամենայնիվ, գործազրկությունը Ջերմուկում շարունակում է աճել, մինչդեռ այս քաղաքն ունի անսպառ տուրիստական ներուժ և հետևաբար նաև հնարավորություններ նոր աշխատատեղեր ստեղծելու մասով: Կամ ավելի ճիշտ կլինի ասել՝ ուներ, քանի որ սեպտեմբերյան ագրեսիայից հետո Ջերմուկն առողջարանային քաղաքից վեր է ածվել ռազմական գոտու:

Մյուս կողմից՝ չենք կարող չնշել նաև այն դրական քայլերը, որոնք կատարվել են համայնքապետի կողմից: Կառուցվում է նոր առեվտրի կենտրոն, որը ենթադրվում է, որ նոր որակ կառաջարկի սպասարկման ոլորտում։ Ձախափնյակ թաղամասում ևս կառուցվում են առևտրի տաղավարներ և սպասարկման ոլորտի այլ կառույցներ։ Դեպի Ջերմուկի խորհրդանիշ՝ «Եղնիկ» տանող ճանապարհը կասֆալտապատվի և կտեղադրվի լուսավորության համակարգ։ Համայնքապետարանի ջանքերով Ջերմուկ համայնքի Գնդեվազ բնակավայրի դպրոցն այսուհետ կունենա արևային կայան։

Այս թեմայով Վահագն Չախալյանը և ևս 4 հոգի ձերբակալվել են՝ կառավարության մոտ ակցիա իրականացնելիս. ՔԿ Պետք է բացառել հայկական ԶՈՒ ցանկացած նահանջ. Վահագն Մելիքյան (տեսանյութ) Վահագն Խաչատուրյանը Լոս Անջելեսի իր կեցավայրում ընդունել է Փասադենայի քաղաքապետ Վիկտոր Գորդոյին Վահագն Խաչատուրյանը հանդիպել է Սան Ֆրանցիսկոյի և հարակից շրջանների հայկական համայնքի ներկայացուցիչների հետ Խաչատուրյանն Ամերիկայի հայկական համագումարի ներկայացուցիչներին ներկայացրել է սահմանազատման աշխատանքները Վահագն Մախսուդյանի գործով իրավունքի և օրենքի նման ժխտողականություն վաղուց չէի տեսել. փաստաբան Ինձ կալանավորում են հորս լռեցնելու համար, բայց դուխներդ չգցեք, շարունակեք մեր արդար պայքարը. Վահագն Մախսուդյան Վահագն Խաչատուրյանն ընդունել է նախարար Նարեկ Մկրտչյանին Ցեղասպանության ճանաչումը հաճախ փորձ է արվել քաղաքական շահարկման թեմա դարձնել. Խաչատուրյան «Այսօր Հայաստանը մեր բոլորիս աջակցության կարիք ունի»․ Վահագն Չախալյանը երթ է իրականացնում (տեսանյութ)