Կոլումբիայում կանգնեցվել է Շակիրայի բրոնզաձույլ արձանը (լուսանկարներ)

Կոլումբիայի Բարանկիլլայիում` Շակիրայի հայրենի քաղաքում, կանգնեցվել է երգչուհու բրոնզաձույլ արձանը։ Այս մասին հայտնում է CNN-ը։

Քանդակի բարձրությունը 6,4 մետր է։ Այն ստեղծվել է նկարիչ Յինո Մարկեսի կողմից, իսկ արձանի պատրաստմանը մասնակցել է ավելի քան 30 մարդ։

«Սիրտ, որը ստեղծագործում է, կոնքեր, որոնք չեն ստում, անզուգական տաղանդ, ձայն, որը հուզում է զանգվածներին և մերկ ոտքեր, որոնք քայլում են հանուն մանկության և մարդկության բարօրության»,- գրված է արձանի մոտ տեղադրված նկարագրության մեջ։

Ինքը՝ երգչուհին, սոցիալական ցանցերում գրել է, որ ուրախ է այս իրադարձությամբ կիսվել ծնողների հետ։

Շակիրան կոլումբիացի երգչուհի է, երգահան, պարուհի, պրոդյուսեր, պարուսույց և մոդել։ Ծնվել և մեծացել է Բարանկիլայում: Լայնորեն ճանաչվել է՝ որպես ամենահաջողակ լատինաամերիկացի արտիստ, ով հաջողության է հասել իսպանալեզու և անգլալեզու երաժշտության շուկայում 2000-ականների սկզբին:

Երգչուհին իր առաջին ստուդիական ալբոմները թողարկել է 1990-ականներին։ Նա բազմաթիվ մրցանակներ ունի: Դրանք ներառում են երեք «Գրեմմի» մրցանակ Լատինական Ամերիկայի ձայնագրման արվեստների և գիտությունների ակադեմիայից, ութ «Լատինական Գրեմմի» մրցանակ և յոթ Billboard Music Awards:

Այս թեմայով Կոլումբիայում թմրակարտելին վնասազերծելու ժամանակ` ինը զինվորական է զոհվել Ստեփանակերտում ադրբեջանցի վանդալները քանդել են ավանդական հայ տատիկի կերպարը ներկայացնող արձանը Ադրբեջանի մշակութային ցեղասպանության հերթական զոհն է դարձել Ալեք Մանուկյանի արձանը. Հովիկ Ավանեսով Արմեն Եգանյանը նշանակվել է Կոլումբիայում ՀՀ դեսպան Երևանում կցուցադրվի «Անահիտ դիցուհու» արձանը Կոլումբիայում գնդակահարել են հայտնի լրագրողի Հարավային Օսիայում տեղադրվել է Պուտինի արձանը Ալիևը որոշում է կայացրել քանդել «Դեդո-Բաբո»-ի արձանը Երդվում եմ՝ մինչև մահանալս քո արձանը դնեմ Հայաստանում․ Սուպեր Սաքոն՝ Թաթուլին (տեսանյութ) Երևանում դիտավորությամբ վնասել են Օղակաձև զբոսայգում գտնվող «Սքեյթ Պարկի» արձանը