Ամերիկյան հետախուզությունը կարծում է, որ չինական հրթիռները լցված են ջրով

Չինաստանի նախագահ Սի Ծինփինի կողմից երկրի բանակում լայնածավալ մաքրումներ են տեղի ունեցել այն բանից հետո, երբ պարզվել է, որ կոռուպցիան խաթարել է իր բանակն արդիականացնելու երկրի ջանքերը: Այս մասին հայտնում է Bloomberg-ը՝ հղում անելով ամերիկյան հետախուզությանը։

Չինաստանի հրթիռային ուժերում և ողջ պաշտպանա–արդյունաբերական բազայում կոռուպցիան այնքան տարածված է, որ ամերիկացի պաշտոնյաներն այժմ կարծում են, որ Սի Ծինփինը դժվար թե դիտարկի առաջիկա տարիներին խոշոր ռազմական գործողություններ իրականացնելու հնարավորությունը, ասել են գործակալության աղբյուրները:

ԱՄՆ հետախուզությունը նշել է Չինաստանում կոռուպցիայի հետևանքների մի քանի օրինակներ, այդ թվում՝ խոսվում է վառելիքի փոխարեն ջրով լցված հրթիռների մասին:

ԱՄՆ-ի գնահատականներով՝ Չինաստանի Ժողովրդա-ազատագրական բանակի ներսում կոռուպցիան խաթարել է վստահությունն իր ընդհանուր հնարավորությունների նկատմամբ, հատկապես, երբ խոսքը վերաբերում է իր հրթիռային ուժերին: Վերջին վեց ամսվա ընթացքում Չինաստանի պաշտպանության մեկ տասնյակից ավելի բարձրաստիճան պաշտոնյաներ ներգրավվել են կաշառակերության հետ կապված գործերում: Գործակալությունն ընդգծում է, որ սա կարող է լինել Չինաստանի կողմից երկրի զինված ուժերի նկատմամբ ամենամեծ ճնշումը ժամանակակից պատմության մեջ։

ԱՄՆ-ում համարում են, որ ռազմական զտումները ցույց են տալիս, որ Չինաստանի առաջնորդի վերահսկողությունը Կոմունիստական ​​կուսակցության վրա մնում է ամուր, և որ նա լրջորեն է տրամադրված կարգապահությունը բարելավելու, կոռուպցիան արմատախիլ անելու և, ի վերջո, Չինաստանի բանակին երկարաժամկետ պայքարի նախապատրաստելու հարցում:

Այս թեմայով ՌԴ–ն կարող է օգնել Չինաստանին նախապատրաստվել Թայվանի վրա հարձակմանը․ Bloomberg Չինաստանը մեծ թվով ռազմական ինքնաթիռներ է ուղարկել Թայվանի ափեր Չինաստանի նախագահը կոչ է արել Արևմուտքին չօգնել Ուկրաինային․ ԶԼՄ Հայաստան-Չինաստան հարաբերությունների հանգրվանային նշանակությունը. «Փաստ» Լավրովը պաշտոնական այցով ժամանել է Չինաստան Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը» Չինուհին փորձել է թունավորել հղի գործընկերուհուն՝ ֆիզարձակուրդի ժամանակ նրա փոխարեն չաշխատելու համար Չինաստանում կապիկները հարձակվել են զբոսաշրջիկների խմբի վրա (լուսանկարներ) Չինուհին 2 տարի ականջակալներով է քնել ու կորցրել լսողությունը Չինաստանում հայտարարել են «X հիվանդության» տարածման սպառնալիքի աճի մասին