Թայվանում վարչակազմի ղեկավարի և խորհրդարանի ընտրություններ են, որոշում են հետագա ուղին․ Զաքարյան

Թայվանում սկսվել են վարչակազմի ղեկավարի և խորհրդարանի ընտրությունները։ Այդ մասին ֆեյբուքյան իր էջում գրում է ՊՆ նախկին փոխնախարար Արտակ Զաքարյանը․

«Վարչակազմի ղեկավարի պաշտոնի համար պայքարողները երեքն են.

Լայ Ցինդեն, որը ներկայացնում է Դեմոկրատական ​​առաջադիմական կուսակցությունը, և հանդես է գալիս Թայվանի անկախության հռչակման օգտին։ Եթե ​​նա հաղթի ընտրություններում, նրա քաղաքականությունը կարող է մեծացնել տարածաշրջանում ռազմական բախումների վտանգը` ներգրավելով Միացյալ Նահանգներին: Այն լրջորեն կվնասի նաև մեր տարածաշրջանում առկա խախուտ ու պայթյունավտանգ խաղաղությանը: Մի կողմից Մերձավոր Արևելքի ահազանգող զարգացումները, մյուս կողմից` եթե Թայվանի շուրջ ևս մեծանա լարվածությունը, ապա կարող ենք համարել, որ հաջորդ ռազմական բախումների և անկայունությունների թատերաբեմը Հարավային Կովկասն է լինելու:

Թայվանում հաջորդ թեկնածուն Հոու Յին Կուոմինթանգիցն է, որը ձգտում է կարգավորել հարաբերությունները և զարգացնել կապերը մայրցամաքային Չինաստանի հետ, ինչում հետաքրքրված են նաև չինացիները։

Եվ երրորդ թեկնածուն` Կե Վենչեն Թայվանի ժողովրդական կուսակցության հիմնադիրն է, որը նույնպես հույս ունի որոշակի սահմաններում զարգացնել հարաբերությունները Պեկինի հետ։ Նա Թայվանում ժողովրդավարության զարգացումը տեսնում է սինգապուրյան մոդելով: Կե Վենչենին չեն համարում ԱՄՆ-ի նկատմամբ բարեկամաբար տրամադրված գործիչ։

Թայվանցիներն այսօր քվեարկում են քաղաքական ուղիների համար, որոնք կորոշեն ոչ միայն Թայվանի ներքին խնդիրները, այլ առաջիկա չորս տարիներին Չինաստանի հետ հարաբերությունների հետագիծը, ինչպես նաև կարող են իրենց ազդեցությունն ունենալ համաշխարհային զարգացումների վրա: Եթե ընտրությունների արդյունքում վտանգվի Թայվանի և Չինաստանի միջև առկա ստատուս քվոն, ապա այն կարող է ունենալ խիստ անցանկալի և վտանգավոր զարգացումներ ինչպես համաշխարհային տնտեսության, այնպես էլ գլոբալ անվտանգության տեսանկյունից»,- գրել է Զաքարյանը։ 

Այս թեմայով Օկուպացված Ստեփանակերտում գտնվող խորհրդարանի շենքի տեղում հսկայական խառնարան է առաջացել (տեսանյութ) Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել Չեմ զարմանա, որ «անպաշտպան ու անմեղ թուրքերի դաժանաբար սպանության» մեղքը Նիկոլը բարդի հայ ժողովրդի վրա․ Արտակ Զաքարյան Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ Կանադան մեր վստահելի գործընկերն է. Սիմոնյանը՝ Կանադայի խորհրդարանի Ներկայացուցիչների պալատի խոսնակին Նոյեմբերյանում գերլարված է. հրելով հեռացնում են ԵԿՄ Տավուշի ղեկավարի մեքենան (տեսանյութ) Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» Մի ողջ Արցախի Հանրապետություն քայքայել, հայաթափել է ու ոչ մի բան՝ դեռ իր տեղում է․ 4 գյուղն ի՞նչ է, որ չհանձնի․ Զաքարյան Մբապեն վերջնական որոշում է կայացրել ՊՍԺ-ում իր ապագայի վերաբերյալ Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը