Պարգևատրումներ ՆԳՆ Փրկարար ծառայությունում

Փետրվարի 16-ին ՆԳՆ Փրկարար ծառայությունում տեղի ունեցավ պարգևատրման արարողություն։

ՆԳՆ ՓԾ տնօրեն-ՆԳ նախարարի տեղակալ, փրկարարական ծառայության գնդապետ Կամո Ցուցուլյանի հրամանով Փրկարար ծառայության մի շարք աշխատակիցներ պարգևատրվեցին 2023 թվականին ծառայողական պարտականությունների կատարման ընթացքում ձեռք բերած հաջողությունների, լավագույն աշխատանքի, մասնագիտական պատրաստվածության, գրանցված արտակարգ դեպքերին, պատահարներին օպերատիվ արձագանքման ընթացքում դրսևորած բարձր պատրաստականության, ինչպես նաև գործառնական պարտականությունների նկատմամբ ցուցաբերած բարեխիղճ վերաբերմունքի համար։

ՆԳՆ ՓԾ տնօրեն-ՆԳ նախարարի տեղակալ, փրկարարական ծառայության գնդապետ Կամո Ցուցուլյանը շնորհավորեց ՓԾ աշխատակիցներին խրախուսման կապակցությամբ՝ ընդգծելով, որ լավ կատարած աշխատանքը մշտապես արժանի և բարձր գնահատական է ստանալու։ Կամո Ցուցուլյանը ներկայացնելով Ծառայության 2023 թվականին կատարած աշխատանքները՝ կարևորեց գրանցած ձեռքբերումները, հաջողությունները, համատեղ արդյունավետ աշխատանքի արդյունքները՝ հատկապես շեշտելով առանձնակի բարդության հրդեհաշիջման և փրկարարական աշխատանքներ իրականացնելիս շարքային կազմի ցուցաբերած անձնուրաց և պրոֆեսիոնալ աշխատանքը։

Հանձնելով պարգևները՝ Ծառայության տնօրենը ևս մեկ անգամ ընդգծեց փրկարարական գործի և փրկարարի կատարած աշխատանքի դերն ու կարևորությունը, հորդորեց մշտապես բարձր պատասխանատվությամբ և պատվով իրականացնել մարդկային կյանքեր փրկելու մարդասիրական առաքելությունը։

Ցուցաբերած խիզախության և բարձր պատրաստականության համար 85 փրկարարական ծառայողները պարգևատրվեցին հուշանվերներով, պատվոգրերով, շնորհակալագրերով:

Նշենք, որ 2023 թվականի ընթացքում կատարած աշխատանքների համար մրցութային կարգով «Տարվա լավագույն ստորաբաժանում» են ճանաչվել ՆԳՆ ՓԾ Երևան քաղաքի փրկարարական վարչության N 7 հրշեջ-փրկարարական և ՆԳՆ ՓԾ Սյունիքի մարզային փրկարարական վարչության Սիսիանի հրշեջ-փրկարարական ջոկատները։

«Տարվա լավագույն ծառայող» անվանակարգում՝

 «Լավագույն խմբի պետ»՝ ՆԳՆ ՓԾ Սյունիքի մարզային փրկարարական վարչության Գորիսի հրշեջ-փրկարարական ջոկատի խմբի պետ, փ/ծ կապիտան Ժիրայր Միրզոյանը,

«Լավագույն հրշեջ-փրկարար»՝ ՆԳՆ ՓԾ Տավուշի մարզային փրկարարական վարչության Իջևանի հրշեջ-փրկարարական ջոկատի 1-ին օղակի հրամանատար, փ/ծ ավագ Մարատ Միրզոյանը,

«Լավագույն ջրափրկարար»՝ ՆԳՆ ՓԾ Գեղարքունիքի մարզային փրկարարական վարչության հատուկ ջրափրկարարական ջոկատի ջրասուզակ, փ/ծ ենթասպա Նարեկ Բաբայանը,

«Լավագույն փրկարար»՝ ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատի ընդհանուր պրոֆիլի փրկարար, փ/ծ ավագ Արթուր Սուքիասյանը։

ՓԾ տնօրենի հրամանով «Տարվա լավագույն փրկարարական ծառայող» ճանաչված փրկարարական ծառայողները խրախուսվեցին դրամական պարգևներով։

Այս թեմայով Վայոց ձորում իրանական համարանիշերով բեռնատարը կողաշրջվել է ՄԻՊ-ն իրականացրել է պարեկային ծառայությունում կանանց ներգրավման հարցերի ուսումնասիրություն Նախադպրոցական ուսումնական հաստատությունները ՆԳՆ փրկարար ծառայության ուշադրության կենտրոնում Փրկարար ծառայությունում մեկ շաբաթում գրանցվել է 471 դեպք ՆԳՆ փրկարար ծառայության տարածքային ստորաբաժանումները շարունակում են ուսուցողական միջոցառումներն Արագածոտնի, Գեղարքունիքի և Լոռու մարզերում ՆԳՆ փրկարար ծառայության ստորաբաժանումները շարունակում են ուսուցողական և իրազեկման միջոցառումները Փրկարար ծառայությունն ամփոփում է անցած շաբաթը Աշխատանքային քննարկում Քրեակատարողական ծառայությունում՝ դատապարտյալների կարիքների գնահատման վերաբերյալ Փրկարար ծառայությունում անցկացվել է Ճգնաժամային կառավարման պետական ակադեմիայի ուսանողների արտադրական պրակտիկան Փրկարար ծառայությունն ամփոփում է անցած շաբաթը