ՀԱՊԿ գլխավոր քարտուղարի ակնարկը. ինչո՞ւ Փաշինյանը ՀԱՊԿ-ն փոխարինեց եվրոպացի դիտորդներով

Հավաքական անվտանգության պայմանագրի կազմակերպության (ՀԱՊԿ) անդամ երկրները շարունակում են կենտրոնացած մնալ Հայաստանի հետ դաշնակցային հարաբերությունների զարգացման վրա, Երևանը մնում է դաշնակից և շարունակում է աշխատել կազմակերպությունում։ Այդ մասին ասվում է «Международная жизнь» («Միջազգային կյանք») ամսագրում ՀԱՊԿ գլխավոր քարտուղար Իմանգալի Տասմագամբետովի հրապարակած հոդվածում։ «Կազմակերպությունը պատրաստ էր խաղաղապահ առաքելություն ուղարկել հայ - ադրբեջանական սահմանին իրավիճակը վերահսկելու համար, սակայն այս աշխատանքի վերջին փուլում Երևանը խնդրեց օրակարգից հանել համապատասխան փաստաթուղթը՝ Բաքվի հետ խաղաղության պայմանագրի ակնկալվող կնքման կապակցությամբ: Միևնույն ժամանակ, շարունակվում է Հայաստանի աշխատանքը կազմակերպությունում, Երևանի բազմակողմ շփումները ՀԱՊԿ շրջանակներում իրականացվում են աշխատանքային ռեժիմով, Հայաստանը եղել և մնում է դաշնակից», - նշել է ՀԱՊԿ գլխավոր քարտուղարն իր հոդվածում:

Տասմագամբետովի հոդվածից պարզ է դառնում, որ ՀԱՊԿ-ն չէ, որ մերժել է Հայաստանին օգնություն տրամադրելը, ինչպես փորձում են ներկայացնել ՀՀ իշխանությունները, այլ հենց Նիկոլ Փաշինյանն է չեղարկել այդ հավանական օգնությունը՝  խնդրելով օրակարգից հանել համապատասխան, նկատենք՝ արդեն պատրաստի փաստաթուղթը: Այդ քայլը Փաշինյանը պատճառաբանել էր նրանով, որ խաղաղապահ առաքելությունը կարող է խաթարել խաղաղության պայմանագիր ստորագրելու գործընթացը: Անվտանգային ռեալ երաշխիքների փոխարեն Փաշինյանը նախընտրեց հայ-ադրբեջանական սահման հրավիրել որևէ լծակ և իրավազորություն չունեցող եվրոպական դիտորդներին, որոնք աչքի առաջ հակառակորդն արդեն երեք անգամ խախտել է հրադադարը, ինչի արդյունքում մենք բազմաթիվ զոհեր և վիրավորներ ենք տվել: Փաշինյանի այս քայլը, որը փաստացի գաղտնազերծեց ՀԱՊԿ գլխավոր քարտուղարը, տեղավորվում է ՌԴ-ին տարածաշրջանից դուրս մղելու Արևմուտքի աշխարհաքաղաքական պլանների մեջ և ավելորդ է անգամ շեշտել, որ չի բխում հայ ժողովրդի շահերից:

Այս թեմայով Ի՞նչ եղավ Վանեցյանի գաղտնալսման գործը, ինչու՞ էր նա խոսում ՀԱՊԿ-ի և Խաչատուրովի մասին հեռախոսով ԵՄ-ում Հայաստանի դեսպան. ՀԱՊԿ-ը լքեց մեզ Մինսկն այսուհետ ռազմական օգնություն կցուցաբերի ՀԱՊԿ երկրներին. Բելառուսը նոր դոկտրին է հաստատել Այստեղ է՞լ է ՀԱՊԿ-ը մեղավոր. Զախարովա Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Ակնկալում ենք Հայաստանի ղեկավարության քաղաքական սթափությունը. ՀԱՊԿ գլխավոր քարտուղար