Արտավազդ Փելեշյանը նշում է 86-ամյակը. ԿԳՄՍ նախարարը շնորհավորել է կինոյի մեծ Վարպետին

Այսօր հայ և համաշխարհային կինոյի հսկաներից մեկի՝ ազգային կինոյի մեծ Վարպետ, վավերագրական կինոյի ականավոր ռեժիսոր, համաշխարհային կինոաշխարհում մեծ ազդեցություն թողած Արտավազդ Փելեշյանի 86-ամյակն է: Այս մասին հայտնում են ՀՀ ԿԳՄՍՆ-ից։

Փելեշյանական կինոն՝ իր հզոր գեղագիտությամբ, անկրկնելի պոետիկայով և էպիկական շնչով, վերահաստատում է գեղարվեստական պատկերի գերիշխանությունը, երբ կինոպատումը կարիք չունի հավելյալ խոսքերի, երբ կադրն է թելադրում ամեն ինչ: Նրա յուրաքանչյուր ֆիլմ հարազատ հողից ու աշխարհից ստացած կենսական լիցքերով հագեցած մի ձոն է բանական մարդուն, որում ներդաշնակվում են տիեզերական բազմաձայնությունն ու արարչագործության լույսը:

Փելեշյանն անհամեմատ ընդլայնել է կինոյի սահմանները և իրական, վավերագրական պատկերին հաղորդել մեծ կինոյի բանաստեղծական ուժը՝ իր ֆիլմերը վերածելով լիովին նոր կինոէսթետիկայի: Նա ստեղծել է բացառիկ, անկրկնելի փելեշյանական կինոաշխարհը:

Կինոյի մեծ Վարպետին մաղթում եմ անսպառ ստեղծագործական եռանդ. բոլոր այն ֆիլմերը, որոնք նա արդեն «տեսել է» իր մտքում, էկրանային կյանք ստանան ու հարատևի այն մեծ կինոտարերքը, որ Արտավազդ Փելեշյան անունն է կրում:

Այս թեմայով Վարչապետը Հայաստանի իշխանության որդեգրած խաղաղության օրակարգի հարցում երկու շատ կարևոր իրադարձություն է նշում Անահիտ Մանասյանը շնորհավորել է Հայաստանում եզդիական համայնքին Նոր տարվա առթիվ Մի փնտրեք դավադրություններ էնտեղ, որտեղ չկան. ԿԳՄՍ նախարարը` «Ակադեմիական քաղաքի» մասին ԲՏԱ նախարարը չի բացառում ռուսական հեռուստաալիքներին առնչվող համաձայնագրի միակողմանի խզումը ԿԳՄՍ փոխնախարարն Էստոնիայից ժամանած պատվիրակության հետ քննարկել է երկկողմ համագործակցության հեռանկարները «Ժողովուրդ». ԱԳ նախարարը և փոխվարչապետը կգնան ԱԺ Էկոնոմիկայի նախարարը ծանոթացել է քաղաքացիների խնդիրներին, լսել նրանց առաջարկները Մայրության և գեղեցկության տոնին ընդառաջ՝ արվեստագետները շնորհավորել են կին զինծառայողներին Այսօր Հայ Առաքելական Եկեղեցին նշում է Ս. Մարիամ Աստվածածնի Ավետման տոնը ՀՀ-ն և Ֆրանսիան ԿԳՄՍ նախարարների մակարդակով պայմանավորվել են ընդլայնել համագործակցությունը