Վերջին 3 տարիներին ԵԽ բանաձևերն ավելի թիրախային են խոսում Ադրբեջանի մասին․ Արման Եղոյան

«Հատկապես վերջին 3 տարիների ընթացքում Եվրախորհրդարանի բանաձևերն ավելի ու ավելի թիրախային են խոսում Ադրբեջանի կողմից վարվող քաղաքականության անթույլատրելիության մասին:

Օրինակ՝ սրանից 2 տարի առաջ, սանկցիաների մասին ոչ ոք չէր խոսում, հիմա, արդեն, խոսում են ոչ միայն անհատական սանկցիաներից, այլև ընդհանուր նավթի և գազի գնման վրա կիրառվող սանկցիաներից։

Ես գիտեմ, որ սա միայն Եվրախորհրդարանի դիրքորոշումը չէ: Շատ անդամ պետություններ պատրաստ են վտանգավոր զարգացումների դեպքում կիրառել այդ գործիքակազմը»,- այս մասին ԱԺ ճեպազրույցների ժամանակ ասաց ՔՊ-ական պատգամավոր Արման Եղոյանը՝ անդրադառնալով երեկ Եվրախորհրդարանի կողմից 2 հայանպաստ բանաձևերի ընդունմանը:

Զրույցի ընթացքում նաև անդրադարձ կատարվեց Ադրբեջանի՝ ԵԽ-ից դուրս գալու հավանական տարբերակին․

«Ես չգիտեմ՝ ԵԽ-ն դրանից ինչ կկորցնի: Եթե որևէ պետություն ինքն է ցանկանում հեռանալ այդ կառույցից, այդտեղ հարց է ծագում, թե ով է ընդհանրապես կորցնում։ Տրամաբանությունը նրանց պիտի հուշի, որ ավելի հավասարակշռված քաղաքականություն վարեն: Ամեն դեպքում, կա կարգուկանոն, ինչպես որ դա հասկանում է այսօրվա միջազգային հանրությունը, որը խաթարված է։ Բայց միջազգային հանրությունը ձգտում է, որ այդ խաթարվածությունը հնարավորինս շտկվի, ոչ թե է՛լ ավելի խորանա»,- հարցի վերաբերյալ նման դիտարկումներով հանդես եկավ Եղոյանը։ 

Այս թեմայով Հետաքրքրվել եմ, մրցավարների մասով խնդիր չկար, թափանցիկ էր. Փաշինյան (տեսանյութ) Հայտնի է դարձել, թե ԱՄՆ նախագահի թեկնածուներից ով ավելի շատ աջակցություն ունի. CNN «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Սրբազանն ասաց ամեն ինչ. Արման Հովհաննիսյան Արման Տեր-Թովմասյանն ազատվել է «Ջրային Կառույցների» ՓԲԸ տնօրենի ժամանակավոր պաշտոնակատարի պաշտոնից Ինչ են քննարկել Ադրբեջանի նախագահն ու Գերմանիայի կանցլերը (տեսանյութ) Հիմա ավելի մոտիվացված եմ Օլիմպիական խաղերի համար. Արթուր Դավթյան Սրբազանն ասաց ամեն ինչ․ Արման Հովհաննիսյան ԱՄՆ Ներկայացուցիչների պալատում Ադրբեջանի դեմ պատժամիջոցներ սահմանող օրինագիծ է ներկայացվել Սեփական իրավունքների համար մարդկանց պայքարը բացարձակ արդարացի է․ Արման Թաթոյան