Արարատում չոր խոտը այրելու հետևանքով կրակը հասել է Mercedes-ին. մեքենան վերածվել է մոխրակույտի

Այսօր՝ մարտի 1-ին, արտակարգ դեպք է տեղի ունեցել Արարտի մարզում: Ժամը 15:15-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արարատ գյուղում ավտոմեքենա է այրվում:

Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել Արարատի թիվ 24 հրշեջ-փրկարարական ջոկատից 1 մարտական հաշվարկ:

Պարզվել է, որ հրդեհը բռնկվել է գյուղացիներից մեկի դաշտում կայանված Mercedes մակնիշի ավտոմեքենայում:

Մինչ հրշեջների ժամանումը՝ կրակի դեմ փորձել են պայքարել գյուղացիները, ապա ժամանած հրշեջները մարել են այն, սակայն ավտոմեքենան ամբողջությամբ երածվել է մոխրակույտի:  Ըստ նախնական տեղեկությունների՝ բարեբախտաբար տուժածներ չկան:

Դեպքի վայր են ժամանել նաև ՀՀ ՆԳՆ ոստիկանության Պարեկային ծառայության Արարատի մարզի գումարտակի 2-րդ վաշտի պարեկները՝ գումարտակի հրամանատար Գրիգոր Բաբաջանյանի, գումարտակի հրամանատարի տեղակալ Աբել Վարդանյանի, վաշտի հրամանատար Գարուշ Սարգսյանի գլխավորությամբ:

Ժամանել են նաև ոստիկանության Արարատի մարզային վարչության պետ Սարիբեկ Ռուստամյան,  ոստիկանության Արարատի բաժնի պետ Ֆիլիպպ ՍտեփանյանՆն ու  բաժնի պետի օպերատիվ գծով տեղակալ Լևոն Անտոնյանը:

Դեպքի փաստով ոստիկանության Արարատի բաժնում փաստաթղթեր են ձևակերպվում:

Ըստ նախնական տեղեկությունների՝ ավտոմեքենայում կրակն առաջացել է, երբ քաղաքացիները դաշտում չոր խոտն այրել են, և այն տարածվելով հասել է մինչև կայանված Mercedes-ը, ինչն էլ դարձել է հրդեհի պատճառ:

Ոստիկանությունը պարզում է դաշտի և Mercedes-ի տիրոջ ինքնությունը:

Այս թեմայով Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Արարատում նույնպես ճանապարհներ են փակվել Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Խոշոր ավտովթար-հրդեհ՝ Գյումրիում. բախվել են «Mercedes»-ն ու «ГАЗель» բեռնատարը Նոյեմբերյանում գերլարված է. հրելով հեռացնում են ԵԿՄ Տավուշի ղեկավարի մեքենան (տեսանյութ) Հայաստանում կարմրուկի լաբորատոր հաստատված դեպքերի թիվը հասել է 342-ի Շրի լանկայում մեքենան մխրճվել է ամբոխի մեջ. 7 մարդ, այդ թվում՝ ութամյա մի աղջիկ մահացել են (տեսանյութ ) Մարզի ԵԿՄ-ի ղեկավարը մեզ ծնող հայհոյեց՝ դեմքին ստացավ, հետո ասաց, որ մեքենան քշեն մեր վրա (տեսանյութ) Ղարաբաղը տվեց, գնաց մտավ բունկերները, անինքնասերը, հիմա հասել ա մեր հողին. երևանցի կին (տեսանյութ) Բագրատաշենում տեղի ունեցած քաշքշուկի հետևանքով վնասվածքներ է ստացել պատգամավոր Գառնիկ Դանիելյանը