Մենք կողմ ենք Հայաստանի և Ադրբեջանի միջև խաղաղության հաստատմանը՝ միջազգային օրենքի շրջանակներում․ Հունաստանի Ազգային պաշտպանության նախարար

Այսօր՝ մարտի 4-ին, Հայաստան կատարած պաշտոնական այցի շրջանակում, ՀՀ պաշտպանության նախարար Սուրեն Պապիկյանը և Հունաստանի Հանրապետության Ազգային պաշտպանության նախարար Նիկոլաոս Դենդիասը համատեղ ասուլիսով են հանդես եկել։ Դենդիասն իր ելույթում մասնավորապես ասել է․

«Մենք՝ միջազգային համայնքը, պետք է ցույց տանք, որ պատրաստակամ ենք կոնֆլիկտների առաջխաղացման դեմն առնել և խաղաղությանն ուղղված մեր բոլոր քայլերն անել՝ միջազգային օրենքի սահմաններում։

Այսօր մենք տարբեր գործնական եղանակներով քննարկեցինք, թե ինչպես կարող ենք մեր երկկողմ հարաբերությունները զարգացնել՝ ռազմական և տեխնիկական համագործակցության շրջանակներում։ Մենք ստորագրել ենք նաև այս տարվա շրջանակում իրականացվելիք ռազմական համագործակցության ծրագրեր, որոնք, անշուշտ, երկու երկրների Զինված ուժերին ավելի կսերտացնեն և կմտերմացնեն։ Նախկինում մենք ևս ունեցել ենք կարևոր ձեռքբերումներ, նախատեսում ենք հաջողված, նորարարական ձեռբերումներ պաշտպանության ոլորտում։

Միևնույն ժամանակ, մենք պետք է պաշտպանության համագործակցություն ստեղծենք մեր երկրների, ինչպես նաև Կիպրոսի, Հնդկաստանի, Ֆրանսիայի և այլ երկրների միջև, որոնք ընդհանուր ընկերներ են թե՛ Հայաստանի, թե՛ Հունաստանի համար։

Թույլ տվեք կրկնել, որ Հունաստանը ամուր կերպով վստահ է, որ ամեն տեսակ խնդիրներ պետք է լուծել խաղաղ ճանապարհով, մենք սկզբունքորեն դեմ ենք ցանկացած ռազմական գործողության այս տարածաշրջանում, մենք գտնում ենք, որ խաղաղությունն է կարևորագույնը, ուստի մենք կողմ ենք Հայաստանի և Ադրբեջանի միջև խաղաղության հաստատմանը՝ միջազգային օրենքի շրջանակներում»,- նշել է Հունաստանի Ազգային պաշտպանության նախարարը։

Այս թեմայով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Քաշքշուկ Հրազդանում ճանապարհ փակած քաղաքացիների և ոստիկանների միջև (տեսանյութ) Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Վահագն Խաչատուրյանն ընդունել է նախարար Նարեկ Մկրտչյանին Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) Թուրքի հետ խաղաղ ապրել չի լինի, մենք պիտի մեր հայրենիքը պահենք ու խափանենք հող տալու գործընթացը (տեսանյութ) Հնդկաստանի ԱԳՆ-ն արձագանքել է Ադրբեջանի՝ Հայաստանին զենք մատակարարելու առթիվ քննադատությանը Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա