Անչափահասներին ծխախոտ կամ ալկոհոլ վաճառելն առաջացնում է իրավական հետևանք. Ոստիկանություն

Անչափահասների շրջանում իրավախախտումների նախականխումը, կանխումն ու խափանումը ՆԳ նախարարության ուշադրության կենտրոնում են։

Ոստիկանության անչափահասների հանցավորության և ընտանեկան բռնության կանխարգելման վարչության ծառայողները պարբերաբար կանխարգելիչ միջոցառումներ են իրականացնում ինչպես ուսումնական հաստատություններում սովորողների, այնպես էլ տնտեսվարողների շրջանում։

Մարտ ամսվա ընթացքում նրանք տարբեր մարզերում իրականացված շրջայցերի ընթացքում տնտեսվարողներին իրազեկել են ալկոհոլային խմիչքների, ծխախոտային արտադրատեսակների և դրանց փոխարինիչների իրացման կանոնները, օրենսդրությամբ սահմանված իրավական նորմերն ու դրանք խախտելու դեպքում իրավական հետևանքները։

«Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» ՀՀ օրենքի 5-րդ հոդվածը սահմանում է ծխախոտային արտադրատեսակները, դրանց փոխարինիչները կամ նմանակները 18 տարին չլրացած անձանց վաճառելու կամ որևէ այլ եղանակով իրացնելու արգելքը։

Վաճառք իրականացնելիս գնորդի տարիքի վերաբերյալ կասկած առաջանալու դեպքում տնտեսվարողը պետք է պահանջի անձը հաստատող փաստաթուղթ և միայն գնորդի չափահաս լինելու դեպքում կարող է վաճառք իրականացնել։

Անչափահասներին ծխախոտային արտադրատեսակներ կամ դրանց փոխարինիչներ վաճառելը կամ որևէ այլ եղանակով իրացնելը առաջացնում է տուգանքի նշանակում՝ 80 000-100 000 դրամի չափով, իսկ վաճառելու կամ իրացնելու մեջ ներգրավելը՝ 150 000-200 000 դրամի չափով։

Վարչական պատասխանատվություն է սահմանված նաև անչափահասներին ալկոհոլային խմիչքներ վաճառելու դեպքում։ Այն առաջացնում է տուգանքի նշանակում՝ 50 000 դրամի չափով։
Նմանատիպ միջոցառումները շարունակական են:

ՆԳ նախարարությունը հետևողական է ինչպես այս, այնպես էլ անչափահասների կողմից ցանկացած իրավախախտման կանխարգելման հարցում:

Ոստիկանությունը հիշեցնում է՝ անչափահասներին ծխախոտ կամ ալկոհոլ վաճառելն առաջացնում է իրավական հետևանք:

Այս թեմայով Կոտայքի ոստիկանապետի դեմ իրավական գործընթաց պետք է սկսել․ պատգամավոր Ռուս կանայք դիմել են ոստիկանություն և հայտնել, որ «Հաղթանակ» այգու տնօրենը ձեռքով հարվածել և թքել է իրենցից մեկի դեմքին Լարված իրավիճակ՝ Երևանի կենտրոնում (տեսանյութ) Թե բա՝ Մեծ Եղեռն, գուցե՝ տխուր միջադեպ... և սա հանուն առևտրի. լրագրողը հեգնանքով մեկնաբանել է Հայոց ցեղասպանություն իրավական եզրույթից վարչապետի խուսափելու հնարքը «Տարեք սրան, արա՛». ինչպես են բերման ենթարկում խաղաղ ակցիայի մասնակիցներին (տեսանյութ) Ոստիկանները Բագրատաշեն-Այրում ճանապարհին բիրտ ուժ կիրառելով՝ ցուցարարների են բերման ենթարկում (տեսանյութ) Այրում-Բագրատաշեն հատվածում շարունակում են կարմիրբերետավորներ ու ոստիկաններ ժամանել (տեսանյութ) Ստորագրությունը իրավական ուժ չունի, տարածքային փոփոխության հարցը կարող է լուծվել հանրաքվեով Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել ԵՄ դիտորդները ՀՀ-ում հետախուզությամբ են զբաղված, ինչով էլ առաջացնում են մյուս երկրների դժգոհությունը