ԿԳՄՍ նախարարության 2025-2027թթ. միջնաժամկետ ծախսային ծրագրի և 2025թ. բյուջեի հայտի հանրային քննարկում

Համաձայն ՀՀ վարչապետի «Հայաստանի Հանրապետության 2025թ. բյուջետային գործընթացը սկսելու մասին» 2024 թվականի հունվարի 24-ի N 71-Ա որոշման հավելվածի 21-րդ կետի` Կրթության, գիտության, մշակույթի և սպորտի նախարարությունը կազմակերպում է նախարարության 2025-2027թթ. բյուջետային հայտի հանրային քննարկումներ:

Քննարկումների ժամանակացույցը՝ ստորև.

Երիտասարդություն, արտաքին կապեր- ապրիլի 1-ին՝ ժամը 12։00

Ժամանակակից արվեստ, գրահրատարակչություն- ապրիլի 2-ին՝ ժամը 17:00

Մշակութային ժառանգություն, հուշարձանների պահպանություն-ապրիլի 3-ին՝ ժամը 11։00

Սպորտ-ապրիլի 3-ին՝ ժամը 15։00

Հանրակրթություն, նախնական և միջին մասնագիտական կրթություն- ապրիլի 4-ին՝ ժամը 14։00

Քննարկումներին հրավիրվում են համապատասխան ոլորտում գործունեություն իրականացնող քաղաքացիական հասարակության կազմակերպությունները/ ներկայացուցիչները։

Մասնակցելու համար անհրաժեշտ է մինչև մարտի 29-ը [email protected] էլեկտրոնային հասցեին ուղարկել մտադրության նամակ՝ նշելով կազմակերպության անվանումը և մասնակցի անուն, ազգանունը, ինչպես նաև զանգահարել Ռազմավարական պլանավորման և մոնիթորինգի վարչություն, հեռ.՝ 010 599689 (671, 571)։ Ձեր մասնակցությունը կհավաստվի հետադարձ նամակով։

ՀՀ ԿԳՄՍ նախարարության 2025-2027թթ․ միջնաժամկետ ծախսային ծրագրի (ներառյալ 2025թ․ բյուջեի) հայտի վերաբերյալ առաջարկություններն ու դիտողությունները խնդրում ենք ներկայացնել գրավոր՝ կից ձևաչափով՝ նախքան քննարկման օրը։

ՀՀ ԿԳՄՍ նախարարության ՄԺԾԾ հայտը հրապարակված է նախարարության պաշտոնական կայքում:

Քննարկումները տեղի կունենան ՀՀ կրթության, գիտության, մշակույթի և սպորտի նախարարությունում (հասցե՝ Երևան, Վ. Սարգսյան 3, Կառավարական N 2 շենք, 5-րդ հարկ):

ԿԳՄՍՆ բարձրագույն կրթության և գիտության կոմիտեն ևս բարձրագույն կրթության և գիտության ոլորտում գործունեություն իրականացնող քաղաքացիական հասարակության կազմակերպությունների ներկայացուցիչներին հրավիրում է մասնակցելու կոմիտեի 2025-2027 թվականների միջնաժամկետ ծախսային ծրագրերի և 2025 թվականի բյուջետային ֆինանսավորման հայտերի հանրային քննարկմանը:

Քննարկմանը մասնակցելու համար անհրաժեշտ է մինչև մարտի 27-ը ներառյալ [email protected] էլեկտրոնային հասցեին ուղարկել մտադրության նամակ՝ նշելով կազմակերպության անվանումը և մասնակցի անուն, ազգանունը: Ձեր մասնակցությունը կհավաստվի հետադարձ նամակով։ Լրացուցիչ հարցերի համար կարող եք զանգահարել կոմիտեի տեղեկատվության և հասարակայնության հետ կապերի բաժին՝ 010 210 140 (109)։

ՀՀ բարձրագույն կրթության և գիտության կոմիտեի 2025-2027 թթ․ միջնաժամկետ ծախսային ծրագրի (ներառյալ 2025 թ․ բյուջեի) հայտի վերաբերյալ առաջարկություններն ու դիտողությունները խնդրում ենք ներկայացնել գրավոր՝ կից ձևաչափով, մինչև քննարկման օրը։

Քննարկումը տեղի կունենա մարտի 28-ին՝ ժամը 15:00-ին, Բարձրագույն կրթության և գիտության կոմիտեում (հասցե՝ ք. Երևան, Օրբելի եղբայրների 22):

Այս թեմայով Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» ԱԺ հանձնաժողովը քննարկում է ընդդիմության ներկայացրած նախագիծը Հայաստանի և Ադրբեջանի միջև սահմանազատման մասին Լիլիթ Մակունցը հանդիպել է Ռամսֆելդի կրթական ծրագրի մասնակիցների հետ «Պաշտպան հայրենյաց» ծրագրի մասնակիցները պատրաստվում են առաջիկա քննություններին Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ» Հորդորում ենք Արցախից ՌԴ խաղաղապահների դուրսբերման իրական պատճառների վերաբերյալ քննարկում սկսել Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ Կրկին մութ ամպեր առողջապահության նախարարության շուրջ Վայոց ձորում իրանական համարանիշերով բեռնատարը կողաշրջվել է Հանրային հեռուստաընկերությունը խուսափել է եկեղեցականներին առիթ ընձեռել` հակադարձելու Եկեղեցուն ուղղված անհիմն մեղադրանքներին