Հայաստանում պաշտոնապես մեկնարկել է Ֆրանկոֆոնիայի երկամսյակը

Մարտի 20-ին Կոմիտասի անվան Կամերային երաժշտության տանը տեղի է ունեցել Ֆրանկոֆոնիայի միջազգային օրվան նվիրված գալա համերգ և պաշտոնական ընդունելություն, որով ազդարարվեց Հայաստանում Ֆրանկոֆոնիայի երկամսյակի պաշտոնական մեկնարկը: Միջոցառումը կազմակերպվել էր Հայաստանի արտաքին գործերի նախարարության և կրթության, գիտության, մշակույթի ու սպորտի նախարարության համատեղ նախաձեռնությամբ:

Միջոցառման բացման արարողության ընթացքում ելույթներով հանդես են եկել ՀՀ ՀՀ ԱԳ նախարարի տեղակալ Պարույր Հովհաննիսյանը, ԿԳՄՍ նախարարի տեղակալ Արթուր Մարտիրոսյանը և Հայաստանում ֆրանկոֆոն պետությունների դեսպանների խմբի նախագահ, ՀՀ-ում Շվեյցարիայի արտակարգ և լիազոր դեսպան Լուկաս Ռոզենկրանցը:

ՀՀ ԱԳ նախարարի տեղակալ Պարույր Հովհաննիսյանն իր ելույթում նշել է, որ Հայաստանի ամբողջ տարածքում կազմակերպվելու են 800-ից ավելի միջոցառումներ՝ Հայաստանի ֆրանկոֆոն դերակատարների, պետական գերատեսչությունների և Հայաստանում հավատարմագրված ֆրանկոֆոն պետությունների դեսպանությունների գործուն մասնակցությամբ: Պարույր Հովհաննիսյանը շեշտել է, որ այս տարվա երկամսյակի ծրագրում բազմաթիվ միջոցառումներ նվիրված են ֆրանսահայ շանսոնյե Շառլ Ազնավուրին, որի 100-ամյակն այս տարի նշվում է ՅՈւՆԵՍԿՕ-ի հետ համագործակցաբար և ընդգրկվել է ՅՈՒՆԵՍԿՕ-ի Հռչակավոր մարդկանց ու կարևոր իրադարձությունների տարելիցների 2024-2025թթ. օրացույցում:

Միջոցառման շրջանակներում Հայաստանում ֆրանկոֆոնիայի տարածման գործում նշանակալի ներդրում ունենալու համար ՀՀ ԱԳ նախարարության պատվո մեդալներով պարգևատրվել են «Հայաստանի Ալյանս ֆրանսեզ» կազմակերպության հիմնադիր և տնօրեն, Ֆրանսերեն դասավանդողների հայկական ասոցիացիայի նախագահ Սյուզան Ղարամյանը և «Լը Կուրիե դ՛Էրևան» («Le Courrier d'Erevan») հայկական ֆրանսալեզու պարբերականի հիմնադիր, Ֆրանկոֆոն լրագրողների միջազգային միության գլխավոր քարտուղար Զառա Նազարյանը:

Համերգի ընթացքում հնչել են ֆրանկոֆոն երկրները ներկայացնող երաժիշտների ստեղծագործություններ՝ Հայաստանի պետական կամերային երգչախմբի և Հնագույն երաժշտության «Տաղարան» համույթի կատարմամբ:

Այս թեմայով Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Հայաստանում կրիպտոակտիվի գնումը և վաճառքը կիրականցվի բացառապես անկանխիկ եղանակով Հայաստանում մարդկանց են խոշտանգում, տարածքներ հանձնում ձեզ չի՞ մտահոգում․ լրագրողը՝ գլխավոր դատախազին Հայաստանում համատարած է անհիմն կալանքների խնդիրը. կալանավորների մեծ մասը դատապարտյալ չէ. ՄԻՊ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Սահմանազատման գործընթացն այսօրվանից մեկնարկել է. Կիրանցի վարչական ղեկավար (տեսանյութ) Հայաստանում կարմրուկի լաբորատոր հաստատված դեպքերի թիվը հասել է 342-ի Հայաստանում օդի ջերմաստիճանը կբարձրանա 4-5 աստիճանով Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան Բռնցքամարտիկներ Գուրգեն Մադոյանը և Նարեկ Մանասյանը հաղթանակով են մեկնարկել Սերբիայում ընթացող Եվրոպայի առաջնությունում