Պարտություն տարվա առաջին խաղում. Հայաստան-Կոսովո՝ 0-1

Հայաստանի ազգային հավաքականն այսօր՝ մարտի 22-ին, ընկերական հանդիպում է  անցկացրել Կոսովոյի ընտրանու հետ և նվազագույն հաշվով պարտություն կրել:

Խաղի 25-րդ րոպեին Կոսովոյի հավաքականի կազմում հանդիպման հաշիվը բացել է Միլոտ Ռաշիցան:

Առաջին կեսի վերջին վայրկյանին Հայաստանի հավաքականի ֆուտբոլիստները հաշիվը հավասարեցնելու իրական հնարավորություն ունեցան. Վահան Բիչախչյանի առաջխաղացումը կանոնների խախտմամբ խոչընդոտելու արդյունքում նշանակվեց տուգանային, որն էլ նպաստավոր դիրքից իրացրեց հենց գյումրեցի խաղացողը: Նրա հուժկու հարվածից հետո գնդակը հետ մղվեց դարպասաձողից:

Երկրորդ խաղակեսում մեր ֆուտբոլիստներն ավելի ակտիվ էին գործում՝ տիրելով նախաձեռնությանն ու քիչ թե շատ վտանգավոր պահեր ստեղծելով մրցակցի դարպասին, որոնք, սակայն, գոլով եզրափակել չհաջողվեց:

Հիշեցնենք՝ սա Հայաստանի ազգային հավաքականի համար 250-րդ հանդիպումն էր: Իսկ ազգային հավաքականի ավագ Վարազդատ Հարոյանը Կոսովոյի ընտրանու հետ մրցավեճում հոբելյանական՝ 80-րդ հանդիպումն էր անցկացնում: 31-ամյա պաշտպանը 22-րդ անգամ է խաղադաշտ դուրս եկել ավագի թևկապով: Կոսովոյի հետ խաղին մարզադաշտից ավելի քան 10 հազար հանդիսական է հետևել:

Մարտի 26-ին Հայաստանի հավաքականը Պրահայում ընկերական խաղ կանցկացնի Չեխիայի հավաքականի հետ:

Աղբյուրը՝ Armsport

Այս թեմայով Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ) Հայաստանի ֆուտբոլի կանանց հավաքականը պարտվեց ռումինացիներին՝ 0:5 (տեսանյութ) «Ուրարտուն» ու «Վանը» խաղացին ոչ ոքի (տեսանյութ) Շատ ուրախ եմ, որ նորամուտս նշեցի ազգային հավաքականում․ Տիգրան Ավանեսյան «Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189 Հայաստանի հավաքականը պարտվեց Չեխիայի ընտրանուն Չեխիա - Հայաստան․ առաջին խաղակեսում՝ ոչ ոքի