Եթե մենք ընտրություն չկատարենք, շատ մեծ է հավանականությունը՝ իրական Հայաստանը կդառնա պատմական Հայաստան. Փաշինյան (տեսանյութ)

Իմ կարծիքով տեղի է ունենում հետեւյալը՝ շատ ցավոտ անցում է տեղի ունենում առաջին հերթին մեր մտքերում, ինչ-որ առումով նաեւ ֆիզիկապես, պատմական Հայաստանից դեպի իրական Հայաստան: Այս մասին այսօր՝ մարտի 23–ին, Գյումրիում ՔՊ նախաձեռնող խմբի հետ հանդիպման ընթացքում ասել է ՀՀ վարչապետ Նիկոլ Փաշինյանը: 

«Այս պրոցեսի մասին մենք պետք է ինքներս մեզ հետ խոսենք եւ խոսենք ժողովրդի հետ: Այս պրոցեսը նոր չէ, այս անցման պրոցեսը նկարագրել է Եղիշե Չարենցն իր «Երկիր Նաիրի» վեպում: 2022-23 թթ ամանօրյա ուղերձում ես հիշատակեցի «Երկիր Նաիրի» վեպը, դրա հետ կապված շատ քննարկումներ եղավ, հենց ռազմավարությունը եւ պրոցեսները ճանաչելու իմաստով շատ քննադատություններ եղավ, ասելով՝ Չարենցի նիհիլիստական գործի վրա հղում անելն ինչքանով է լուրջ: Բայց հետո տեղի ունեցավ ահասարսուռ մի բան, ըստ էության Լեռնային Ղարաբաղում տեղի ունեցավ ճիշտ այն, ինչ նկարագրված է վեպում: Նույնիսկ սարսափելի է՝ ինչ ճշգրտությամբ տեղի ունեցավ այդ ամեն ինչը: Մենք պետք է դրա հետ առերեսվենք, բայց պետք է նաեւ վերաբերմունք ձեւավորենք այդ պրոցեսի նկատմամբ»,-ասաց նա:

Փաշինյանը նշում է, որ երկու մոտեցում կա, ըստ մեկի՝ դիմադրում են պատմական Հայաստանից իրական Հայստանի անցմանը եւ ընդունելի չեն համարում, երկրորդ մոտեցումն այն է, որ այն համարում են անհրաժեշտություն և ապահովելով իրական Հայաստանի անվտանգությունը, բարեկեցությունը, տնտեսական զարգացումը եւ երջանկությունը:

«Իմ մոտեցումն այն է, որ մենք պետք է գնանք այդ ճանապարհով: Սա մեր նոր քաղաքականության որդեգրումն է՝ փլուզվող աշխարհում ՀՀ-ն նոր պայմաններում ավելի մրցունակ դարձնելու, իսկ դա հնարավոր է արտաքին եւ ներքին վերափոխումների միջոցով: Եւ մեր՝ ՔՊ-ի առաքելությունն է առաջնորդել մեր ժողովրդի եւ մեր պետության անցումը պատմական Հայաստանից իրական Հայաստան եւ երկարաժամկետ ինտիտուցիոնալ զարգացումը, որովհետեւ ես կարծում եմ, որ եթե մենք այս ընտրությունը չկատարենք եւ պատմական Հայաստանը լինի մեր գործողությունների հիմնական մոտիվացիան, ես կվախենամ, որ շատ մեծ է հավանականությունը, որ իրական Հայաստանը նույնպես կդառնա պատմական Հայաստան: Ես չեմ ուզում սրել հարցերը, բայց նաեւ ուզում եմ սրել հարցերը, սրել քննարկելու նպատակով: Ինձ մտահոգում է մի բան, որ այդ քննարկումների հիմքում դրվող մոտիվացիան երբեմն պատմական Հայաստանի մոտիվացիան է»,- ասաց նա:

Այս թեմայով Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու 10-15 տարվա ազատազրկում. ի՞նչ պատիժ է նախատեսված ՀՀ տարածքային ամբողջականությունը խախտելու համար Նիկոլ Փաշինյանին քրեական պատասխանատվության ենթարկելու պահանջով հաղորդում ներկայացվեց ՀՀ գլխավոր դատախազություն «Բռնություն մի գործադրեք», «Թուրք եք», «Նիկոլ, դավաճան». Տավուշում լարված վիճակ է ու քաշքշուկ «Նիկոլ, դավաճան». գյումրեցիները ճանապարհ են փակել (տեսանյութ) «Հրապարակ». Նիկոլից հիասթափվածների, Նիկոլ մերժողների և ատողների միջև չկա կոնսոլիդացիա Իշխանությունների 20 քայլն՝ ընդդեմ Հայ Դատի