Հայրավանքում սուբվենցիոն 3 ծրագիր է իրականացվել

Գեղարքունիքի մարզի Գավառ համայնքի Հայրավանք  գյուղում  ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում 2023 թվականին  կառուցվել է արտաքին լուսավորության ցանց, մանկական խաղահրապարակ և ավտոտրանսպորտային սպասարկման կանգառ։

Ինչպես տեղեկացնում են Գավառի համայնքապետարանի աշխատակազմից, սուբվենցիոն 3 ծրագրերի իրականացման համար ներդրվել է 35 միլիոն 86 հազար 435  դրամ, որից 16 միլիոն 913  հազար դրամը ՀՀ կառավարության, 18 միլիոն 173 հազար 435 դրամը Գավառի համայնքապետարանի մասնաբաժինն է։

Հայրավանքի արտաքին լուսավորության ցանցի կառուցման պայմանագրային արժեքը կազմում  է 5 միլիոն 515 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Գավառի համայնքապետարանը։ Շինարարական աշխատանքները մեկնարկել են 2022 թվականի նոյեմբերից  և ավարտվել 2023 թվականի սկզբին։ Ծրագրի իրականացման արդյունքում արտաքին լուսավորության ցանց է կառուցվել Հայրավանքի Համալիրի, Կոլխոզնիկների, Բարի գալուստ, փողոցներում և կենտրոնական փողոցի 1-ին և 3-րդ նրբանցքներում,   շուրջ  1600 մետր երկարությամբ։ Տեղադրվել է ԼԵԴ համակարգով աշխատող 46 լուսատու։ Վերոնշյալ փողոցների բնակիչները արտաքին լուսավորության ցանցից օգտվում են առաջին անգամ։

Հայրավանքի    մանկական խաղահրապարակի և պուրակի  կառուցման պայմանագրային արժեքը կազմում է 23 միլիոն 631 հազար 435 դրամ, որի 45 տոկոսը հատկացրել է ՀՀ կառավարությունը, 55 տոկոսը՝ Գավառի համայնքապետարանը։ Շինարարական աշխատանքները մեկնարկել են 2023 թվականի օգոստոսից և ավարտվել նույն տարվա դեկտեմբերին։ Խաղահրապարակը և պուրակը կառուցվել է Հայրավանքի կենտրոնական մասում։ Ծրագրի իրականացման արդյունքում խաղահրապարակ-պուրակը կահավորվել   է  մանկական խաղարաններով, զրուցարան-տաղավարներով, կառուցվել է լուսավորության ցանց, ցայտաղբյուր։  Ծրագրի շահառու են հանդիսանում Հայրավանք  գյուղի մանկահասակ բոլոր երեխաները։

Հայրավանքի ավտոտրանսպորտային սպասարկման կանգառի կառուցման պայմանագրային արժեքը կազմում է 5 միլիոն 940 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Գավառի համայնքապետարանը։

Շինարարական աշխատանքները մեկնարկել են 2023 թվականի հուլիս ամսից և ավարտվել նույն տարվա օգոստոսին։

Ծրագրի իրականացման արդյունքում Գավառի պատմամշակութային հուշարձանների պատկերով ու նկարագրով արտացոլված կանգառ է կառուցվել Սևան-Գավառ մայրուղու Հայրավանքի հատվածում, գյուղի մուտքի մոտ։

Ծրագրի շահառու են հանդիսանում Հայրավանք  գյուղի  բոլոր բնակիչները։

Այս թեմայով Մի քանի զինատեսակի ներքին փորձարկումներ են իրականացվել, որոնք կկիրառվեն ՀՀ ԶՈւ-ում Կիևը նոր հակահարձակման ծրագիր ունի. Զելենսկի ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում Միայնակ մայրերի և ԼՂ-ից բռնի տեղահանված կանանց համար նոր ծրագիր է մեկնարկել 2023-ին ՀՀ-ում 410 հազար խոշոր եղջերավոր կենդանու համարակալում է իրականացվել. էկոնոմիկայի նախարար Վերապատրաստման ծրագիր՝ Շվեդիայի Սոդերտոն համալսարանի Պետական կառավարման ակադեմիայում Մադինա գյուղում 2023 թվականին սուբվենցիոն երկու ծրագիր է իրականացվել «Զվարթնոց»-ի տարածքում խստացված վերահսկողություն է իրականացվել տաքսամոտորային ուղևորափոխադրումներ կատարողների նկատմամբ «ՀՀ կրթության մինչեւ 2030 թ. զարգացման պետական ծրագրի» շրջանակում իրականացվել է նախատեսված ավելի քան 45 ռազմավարական ծրագիր Այս ի՞նչ ծրագիր է. հնարավոր պատասխանի առնվազն մեկ առարկայական տարբերակ. «Փաստ»