Բախվել են թիվ 10 երթուղու տրոլեյբուսն ու «Toyota» մակնիշի ավտոմեքենան. տրոլեյբուսի վարորդը եղել է խմածության ամենաբարձր աստիճանի

Երևանի քաղաքապետ Տիգրան Ավինյանը բազմիցս խիստ հանձնարարականներ է տվել Երևանի քաղաքի տրանսպորտի վարչության պետին, որպեսզի նա իր հսկողության տակ պահի մայրաքաղաքում ավտոբուսների և տրոլեյբուսների վարորդների կարգապահությունը, որոնց մեջ է մտնում նաև, որ վարորդները երթուղի դուրս գալուց առաջ պարտադիր բուժզննում անցնեն:

Shamshyan.com-ի տեղեկություններով այսօր՝ ապրիլի 5-ին, արտակարգ դեպք է տեղի ունեցել Երևանում:

Ժամը 07:30-ի սահմաններում Թևոսյան փողոցում բախվել են Երևանի քաղաքապետարանի հաշվեկշռում հաշվառված թիվ 10 երթուղին սպասարկող տրոլեյբուսն ու «Toyota» մակնիշի ավտոմեքենան:

Բախման հետևանքով բարեբախտաբար տուժածներ չկան:

Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 1-ին գումարտակի 1-ին վաշտի պարեկները՝ գումարտակի հրամանատար Արամ Դադոյանի, վաշտի հրամանատար Սուրեն Ալեքսանյանի:

Տարածքը սահմանազատել են նույն վաշտի պարեկներ Սամսոն Ալեքսանյանն ու Դավիթ Ղազարյանը:

Վարորդները տեղում ենթարկվել են սթափության փորձաքննության, պարզվել է, որ տրոլեյբուսի վարորդը, ով Երևանի բնակիչ 50-ամյա Յաշա Հայրապետյանն է, եղել է ոչ սթափ՝ խմածության ամենաբարձր աստիճան, իսկ «Toyota»-ի վարորդ Երևանի բնակիչ 55-ամյա Արայիկ Հախվերդյանը եղել է սթափ:Վթարի փաստով ՊԾ Երևան քաղաքի գնդի 1-ին գումարտակում փաստաթղթեր են ձևակերպվում:

Հետաքրքիր է, երբ տրոլեյբուսի վարորդը դուրս է եկել երթուղի, արդյո՞ք դիսպետչերական կետում դիսպետչերը կամ բժիշկը զննել են նրան, հակառակ դեպքում նա, լինելով խմած, չպետք է դուրս գար երթուղի, նրան չպետք է վստահեին տրոլեյբուսը:

Այս թեմայով Մեր հավատքի վրա է հարձակում եղել, ուժ ենք գտնելու, որ վերագտնենք մեզ և քայլենք հպարտ. Մելիքյան (տեսանյութ) Արմավիրի մարզում «BMW»-ն բախվել է երկաթե արգելապատնեշին և 20 մետր գլորվել ձորը Խորենացու փողոցում բախվել են «Daewoo»–ը և «Mercedes-Benz»–ը․ կան տուժածներ Այրվել է MAN մակնիշի ավտոբուս Ալիևի հետ Հայաստանը հանձնելու փոխըմբռնում է եղել իշխանության կողմից. Գառնիկ Դանիելյան ՀՀԿ-ն եղել է պայքարի խրամատում, շարունակելու է մնալ պայքարի ամենաթեժ կետերում. Տիգրան Աբրահամյան (տեսանյութ) Այո, ՔՊ-ից եղել են բանագնացներ, որոնք համոզել են, որ վերջ տանք սրան, օրհնել եմ ու ճանապարհել․ Սրբազան (տեսանյութ) Սևան-Գավառ ավտոճանապարհին մեքենաներ են բախվել․ կան հոսպիտալացվածներ Ես ֆուտբոլիստ եմ եղել ժամանակին և մենք մրցույթների ժամանակ մտածում էինք ոչ թե մեր վերջին հանգրվանի, այլ հաջորդ խաղի մասին. Բագրատ Սրբազան (տեսանյութ) ՀՀ-ում նախորդ տարվա ապրիլի համեմատ 24 թվականի նույն ժամանակահատվածում սննդամթերքն ավելի էժան է եղել