«Նպատակ ունենք միահյուսել «Ատլետիկո»-ի և «Սարդարապատ»-ի փիլիսոփայությունը, գիտելիքները` դարձնելով առավել լավը». Սևան Կարիան

Մադրիդի «Ատլետիկո» ֆուտբոլային ակումբի ակադեմիայի ներկայացուցիչներն  ամռանը՝ հունիս ամսին, ֆուտբոլային ճամբար կանցկացնեն «Սարդարապատ» ֆուտբոլային ակումբի պատանեկան թիմերում մարզվող երեխաների և այլ ցանկացողների համար:

Այս մասին լրագրողների հետ հանդիպման ժամանակ հայտնեցին ակումբի ներկայացուցիչներ «Սարդարապատ» ՖԱ հիմնադիր նախագահ Սևան Կարիանը, գլխավոր տնօրեն Անուշ Անանյանը և Մադրիդի «Ատլետիկո»-ի միջազգային զարգացման բաժնի համակարգող Կարլոս Կանո Լորենցոն:

«Մենք նպատակ ունենք խորացնելու մեր մեթոդաբանությունը` առավել զարգացնելով այն, առավել հագեցնելով այն` ներկայացնելով հայ պատանիներին: Մադրիդի «Ատլետիկո»-ի ակադեմիան մեծագույնն է Եվրոպայում: Նպատակ ունենք միահյուսել «Ատլետիկո»-ի և «Սարդարապատ»-ի փիլիսոփայությունը, գիտելիքները` դառնալով առավել լավը»,-ասաց «Սարդարապատ» ՖԱ հիմնադիր նախագահ Սևան Կարիանը: Վերջինիս խոսքով` ապագայի հեռանկարային նպատակը մեկն է՝ մարզչական փոխհամագործակցության տևական զարգացումը:

«Ատլետիկո»-ի միջազգային զարգացման բաժնի համակարգող Կարլոս Կանո Լորենցոյի խոսքով` լինելով առաջին անգամ Հայաստանում, նպատակ կա ավելի շատ տեղեկանալ հայկական ֆուտբոլից:

««Սարդարապատ» ակումբի միջոցով փորձելու ենք կամրջել երկրները` Հայաստան բերելով «Ատլետիկո»-ի ակադեմիայի փիլիսոփայությունը, մեթոդաբանությունը: Այս ամենում մեր առաջին քայլը կլինի ամռանը կայանալիք ֆուտբոլային ճամբարը: Ճամբարին կմասնակցեն բուն «Ատլետիկո»-ի ակադեմիայի մասնագետները»,-առանձնացրեց Լորենցոն:

Ֆուտբոլային ճամբարը  նախատեսված է 9-15 տարեկան պատանիների և աղջիկների համար: Ճամբարին կարող են մասնակցել ոչ միայն «Սարդարապատ» ակումբի, այն նաև ուրիշ թիմերի երեխաներ: Ճամբարին կմասնակցի 40 երեխա:

Այս թեմայով Ադրբեջանցիների 96․2%-ը «Զանգեզուրը, Իրավանը և Գյոյչան» (Սյունիք, Երևան և Սևան) համարում է ադրբեջանական պատմական հողեր․ Արմա Թաթոյան Դրամավարկային քաղաքականությունը ձախողված է. արմատական բարեփոխումների խիստ կարիք ունենք. Սուրեն Պարսյան Կան որոշակի խնդիրներ ՀՀ-ՌԴ հարաբերությունների համատեքստում, ունենք երկխոսություն այդ հարցի շուրջ Գործ ունենք ՀՀ արտաքին քաղաքական սխալ հաշվարկների հետ՝ Արցախի հարցը փակված չէ. Աշոտ Ղուլյան (տեսանյութ) Ունենք երեք նոր քաղբանտարկյալներ Տավուշից. Ռուբեն Մելիքյան Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Մենք ունենք գիտության ոլորտի ֆինանսավորման ծավալային ահռելի աճ. ԱԺ փոխնախագահ Գործ ունենք ոչ թե սահմանազատման, այլ միակողմանի զիջումների հետ. դեմ ենք դրան. «Բարձունք» կրթական շարժում