«Ադրբեջանում լուրջ անհանգստացել են այս թեմայի առթիվ. հույս ունեմ՝ այս գործընթացը կհանգեցնի Ռուբեն Վարդանյանի և պատանդ պահվող մեր մյուս հայրենակիցների ազատ արձակմանը»

Տաթևիկ Հայրապետյանը ֆեյսբուքյան իր էջում գրում է. «Ռուբեն Վարդանյանի առաջադրումը 2024-ի Խաղաղության նոբելյան մրցանակի՝ իր բարեգործական և մարդասիրական գործունեության համար հիստերիայի մեծ ալիք է առաջ բերել Ադրբեջանում։

Ադրբեջանական մամուլը թիրախավորում է ոչ միայն Վարդանյանին, ում խնդիր է դրված ներկայացնել որպես «ահաբեկիչ», այլև դատապարտում են Արևմուտքին՝ նման քայլի գնալու համար։ Տարբեր մեկնաբաններ նշում են, որ այս մրցանակաբաշխությունը «կառավարվում է հայկական սփյուռքի կողմից», որ «չկա որևէ սկզբունքայնություն այս միջոցառման վերաբերյալ»։ Ըստ ադրբեջանցի պատգամավոր Ռասիմ Մուսաբեկովի՝ այս առաջադրումը PR ակցիա է, որի նպատակը Վարդանյանի դուրս բերումն է Բաքվի բանտից, բայց իրենք չպետք է թույլ տան, որ դա տեղի ունենա։

Իշխող ուժի մեկ այլ պատգամավոր Հիքմեթ Բաբաօղլուն էլ նշել էր, որ Վարդանյանը «ռևանշիստ է» ու «քրեական հեղինակություն»։ Պատգամավորի խոսքով՝ որոշ դեպքերում Խաղաղության Նոբելյան մրցանակը ծառայում է քաղաքական նպատակների համար։

«Նման հանցագործին որպես խաղաղության Նոբելյան մրցանակի թեկնածու առաջադրելը փաստացի վարկաբեկում է հենց այս մրցանակը։ Բայց մենք նաև տեսնում ենք, որ խաղաղության Նոբելյան մրցանակը երբեմն ծառայում է քաղաքական նպատակների։ Խաղաղության Նոբելյան մրցանակի հանձնման հանձնաժողովը հարգում է նաև այն անհատներին, ովքեր տարբեր ժամանակներում հանցագործություններ են կատարել իրենց երկրում, սակայն Արևմուտքի կողմից ճանաչված են որպես արևմտյան արժեքների և մարդու իրավունքների պաշտպան: Ռուբեն Վարդանյանի դեպքը լրիվ այլ դեպք է»։ Նա նաև նշել էր, որ Ադրբեջանը պետք է ամեն ինչ անի այս գործընթացը տապալելու համար։

Այս թեմայով Ռուբեն Վարդանյանի թեման շարունակում է փոթորկել ադրբեջանական լրատվադաշտը․ ադրբեջանագետ «Կառավարությունում մեզ որևէ հույս չեն տվել, մտածում ենք՝ մեր նախաձեռնած պայքարով որևէ բան կփոխենք». Կիրանցի գյուղապետ ՀՅԴ-ին ատում են Թուրքիայում, Ադրբեջանում և ՔՊ-ում. Գեղամ Մանուկյան (տեսանյութ) ՔՊ-ն մերժեց քննարկել ՀՀ-ի ու Ադրբեջանի միջև սահմանազատման գործընթացը խորհրդարանում Ո՛չ Արմեն Աշոտյանի և ոչ էլ, մեր տեղեկությամբ, որևէ այլ մեղադրյալի կողմից որևէ «վնաս» չի «վերականգնվել». Մելիքյան Ադրբեջանում ականի պայթյունից սահմանապահ է վիրավորվել «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել Ալիևը Բլինքենին ասել է, որ Ադրբեջանի և Հայաստանի միջև սահմանազատումից բացի սկսվել է սահմանագծման գործընթացը Մոտ ապագայում Ռուբեն Վարդանյանը ազատ է արձակվելու. Ադրբեջանի հարցերով փորձագետ Ունենք երեք նոր քաղբանտարկյալներ Տավուշից. Ռուբեն Մելիքյան