Վրաստանն աջակցում է ՀՀ-ի տարածքային ամբողջականությանը, ինչպես նաև՝ ԵՄ-ի հետ երկխոսության զարգացմանը (տեսանյութ)

Հայաստանի և Վրաստանի հարաբերությունները նոր մակարդակի են անցել «Հայաստանի Հանրապետության և Վրաստանի միջև ռազմավարական գործընկերության հաստատման մասին» հռչակագրի ստորագրումից հետո։ Այս մասին հայտարարել է Վրաստանի փոխարտգործնախարար Լաշա Դարսալիան Երևանում հայ-վրացական համաժողովի մասնակիցներին ուղղված իր տեսաուղերձում։

Նրա խոսքով, միայն իրենց ընդհանուր պատմությունն ու աշխարհագրական դիրքը չէ, որ բացառիկ բնույթ են հաղորդում Երևանի և Թբիլիսիի հարաբերություններին։

«Մեր երկրները միշտ հավատարիմ են եղել մեր ժողովուրդների փոխվստահության, բաց լինելու և, առաջին հերթին, բարեկամության սկզբունքներին», - ասել է Դարսալիան։

Նա նշել է, որ Վրաստանը անվերապահորեն աջակցում է Հայաստանի ինքնիշխանությանն ու տարածքային ամբողջականությանը, ինչպես նաև Հարավային Կովկասում կայունությանն ու խաղաղ գոյակցությանը։

Դարսալիան հույս ունի, որ Հայաստանի և Ադրբեջանի միջև խաղաղության համաձայնագրի ձեռքբերման գործընթացը կպահպանի դրական դինամիկա։ Նա կրկին ընդգծել է, որ Վրաստանը պատրաստ է նպաստել տարածաշրջանում խաղաղության և կայունության ապահովմանը։ Այս կապակցությամբ դիվանագետը հիշեցրել է խաղաղ հարևանության նախաձեռնությունը, որը հիմնված է Հարավային Կովկասի բոլոր երեք երկրների հավասար մասնակցության և փոխշահավետ համագործակցության սկզբունքների վրա։

Փոխարտգործնախարարը նշել է նաև, որ Վրաստանը հատկապես ողջունում է ԵՄ-ի հետ քաղաքական երկխոսությունն ակտիվացնելու Հայաստանի կառավարության ջանքերը։

«Մենք բաց ենք այս ոլորտում հայ գործընկերների հետ փորձի փոխանակման հեռանկարները քննարկելու համար»,- ասել է նա։

Դարսալիան հավելել է, որ համապարփակ համագործակցության հիմքում ընկած է երկու ժողովուրդների դարավոր ամուր բարեկամությունը:

Այս թեմայով Ուղղակի ամաչում եմ հայ ոստիկանների համար. Բագրատ Սրբազան (տեսանյութ) «Հանուն Ալիևի և Ադրբեջանի» օպերացիա են անում Տավուշում, հայ ոստիկանը թուրքի համար ճանապարհ է բացում. Նաիրա Զոհրաբյան (տեսանյութ) «Փնտրի'ր հացահատիկը». Լուկաշենկոն գյուղնախարարին ստիպել է դաշտում մատներով փորել հողը (տեսանյութ) Փաշինյանը թուրք-ադրբեջանական ծրագիր է իրականացնում, Աշոտյանին կալանավորել են դրա բացահայտման համար (տեսանյութ) Վերջին շաբաթներին իրավիճակն այնպիսին է, որ հնարավորինս շուտ պետք է հանդիպել դեսպանների հետ (տեսանյութ) «Նայեք՝ ոստիկանները ոնց են ծիծաղում». ոստիկանությունը փակել է դեպի Կիրանց տանող ճանապարհը (տեսանյութ) Սա պետական դավաճանություն է` թշնամուն հանձնել ՀՀ-ի տարածքը. մեր գյուղը այսպես է ընկալում սա (տեսանյութ) Ադրբեջանը մեր իսկ ձեռքերով է սահմանագծում իրականացնում, ինչը միակողմանի զիջում է. Օհանյան (տեսանյութ) «Էս ի՞նչ արիք էս ժողովրդի հետ», «Հերթով թող մինի վրա տրաքեն». Կիրանցում գերլարված իրավիճակ է (տեսանյութ) Գյուղի անչափահաս էրեխեքին էլ են տարել, վաղը թուրքը գալու ա, ոստիկանները դուրս կգա՞ն թուրքի դեմ (տեսանյութ)