Բարեկամության կամուրջներ Ռուսաստանի կառավարությանն առնթեր ֆինանսական համալսարանում

2024 թ․ ապրիլի 25-ին Ռուսաստանի կառավարությանն առնթեր Ֆինանսական համալսարանում, «Բարեկամության կամուրջներ» մասշտաբային ծրագրի շրջանակում տեղի է ունեցել թեմատիկ տոն՝ նվիրված Հայաստանի և Ռուսաստանի մշակույթներին, ավանդույթներին և սովորույթներին։ 

Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 32-րդ ամյակին նվիրված հանդիպման կազմակերպիչ է հանդես եկել համալսարանի Արտասահմանյան ուսանողների և դասխոսների հետ աշխատանքի վարչությունը։

Ինչպես հայտնում է Ֆինանսական համալսարանի կայքը, միջոցառմանը ներկա էին Հայաստանի Հանրապետության դեսպանության ներկայացուցիչները և հանրապետության նշանավոր գործիչները, հասարակական կազմակերպությունների ղեկավարները, Ռուսաստանի Դաշնության արտաքին գործերի նախարարության և Ռոսսոտրուդնիչեստվոյի աշխատակիցները։  

Միջոցառումը աչքի է ընկել Ֆինանսական համալսարանի ուսանողների վառ ելույթներով, որոնք ասմունքել են բանաստեղծություններ և կատարել երգեր ինչպես ռուսերեն, այնպես էլ հայերեն լեզուներով։ Տոնին յուրահատուկ կոլորիտ է հաղորդել «Բերդ» պարի կատարումը, ինչպես նաև դուդուկահարների «Ծիրանի համույթ» ակումբի սաների ելույթը, որոնք երաժշտական ստեղծագործություններ են ներկայացրել հայկական ամենահին ժողովրդական գործիքով։ Երկու մշակույթների երկխոսությունը շարունակվել է դուդուկի և բալալայկայի ինքնատիպ դուետով և ռուսական ու հայկական երաժշտության միաձուլմամբ, ինչպես նաև  պարարվեստի «FRAPPE» ստուդիայի ելույթով, որը ռուսական ազգային պար է ներկայացրել։  Տոնական երեկոն ավարտվել է «Քոչարի» պարի համատեղ կատարմամբ։

Թեմատիկ տոնի հյուրերը նաև մասնակցել են վարպետության դասերի, ծանոթացել ազգային խոհանոցի առանձնահատկություններին և համտեսել հայկական և ռուսական ավանդական ուտեստներ։

Միջոցառման շրջանակում ԴԻԱԼՈԳ կազմակերպության նախագահ Յուրի Նավոյանը համալսարանի ղեկավարությանը նվիրել է «Գրքային դիվանագիտություն» ծրագրի հրատարակությունները․ հայ-ռուսական համաձայնագրերի «Հայաստանի Հանրապետություն և Ռուսաստանի Դաշնություն․ դաշնակցային փոխգործակցության 30 տարի» եռահատորյակը, ԴԻԱԼՈԳ մատենաշարում լույս տեսած հայ և ռուս հեղինակների գրքերը, ինչպես նաև «Լիտերատուրնայա Արմենիա» ամսագրի թարմ համարը, որը լույս է տեսել իր ղեկավարած կազմակերպության հովանավորությամբ։  

Այս թեմայով Վլադիմիր Պուտինը և Սի Ցզինպինը քննարկել են ուկրաինական ճգնաժամը Նիկոլ Փաշինյանն ընդունել է ՀԲ-ի և Միջազգային ֆինանսական կորպորացիայի ղեկավարությանը Ռուսաստանի հայերի միությունը ընդլայնված նիստի որոշմամբ իր զորակցությունն է հայտնում «Տավուշը հանուն հայրենիքի» շարժմանը (տեսանյութ) Ռուսաստանի միջուկային զորավարժություններին ևս մեկ երկիր կմասնակցի. Պուտին Պեսկովը հայտնել է՝ ով է «հրահրել» Ռուսաստանի միջուկային զորավարժությունները ՆԱՏՕ-ն Ռուսաստանի հետ պոտենցիալ հшկամարտության է պատրաստվում․ ՌԴ ԱԳՆ ԼՂ-ից տեղահանված անձանց ֆինանսական աջակցության համար պետբյուջեից ավելի քան 48 մլրդ դրամ կհատկացվի Ռուսաստանի ևս մի մարզում միգրանտներին արգելվել է տաքսի վարել Ցուցարարները Վրաստանի խորհրդարանի շենքի մոտ պատռել են Ռուսաստանի դրոշը Ռուսաստանի ագրեսիվ քաղաքականության ֆոնին՝ Հայաստանի և Ադրբեջանի միջև համաձայնությունը կարևոր գործոն է. Ուկրաինայի ԱԳՆ