Զուգադիպությո՞ւն, թե գծված ծրագիր

ՔՊ-ական պատգամավոր Անդրանիկ Քոչարյանն այսօր ոչ ավել, ոչ պակաս կասկածի տակ է դրել Հայոց ցեղասպանության զոհերի իրական թիվը, անվստահություն հայտնելով նաև պատմական արխիվների հանդեպ, ինչն էլ փաստացի արտահայտում է ոչ միայն անձամբ Քոչարյանի, այլ իշխող քաղաքական թիմի կարծիքը: Նիկոլ Փաշինյանը և թիմակիցները ցանկանում են խմբագրել Եղեռնի միջազգային ճանաչման և դատապարտման գործընթացը: Ամենը սկսեց այն բանից, որ ՔՊ-ն հրաժարվեց «Հիշում եմ և պահանջում եմ» արտահայտության «պահանջում եմ» բաղադրիչից, իսկ այժմ՝  իրավական գործընթացին փորձում են տալ զուտ պատմական փաստերի ճշգրտման նշանակություն: Գաղտնիք չէ, որ թուրքական կողմի համար միշտ վիճահարույց է եղել պահանջատիրության բաղադրիչը և այդ մասին բարձրաձայնվել է դիվանագիտական ամենաբարձր մակարդակով:  Չմոռանանք, որ 2022-ից Փաշինյանի թրենդային հայտարարությունների շարքում տեղ գտավ «Մասիսիը մերը չէ ` հետեւաբար այն պետք չէ պաշտամունքի վերածել» թեզը: Իրական ու պատմական Հայաստանների մասին նոր դիսկուրս ծավալած ՀՀ վարչապետը քանիցս հայտարարել է որ ինքն իրեն համարում է մի երկրի վարչապետ, որի ամենաբարձր գագաթը Արագածն է ու կառավարության պաշտոնական հանդիպումների սրահներից մեկում միտումնավոր հենց Արագածի կտավ է փակցված , այդպես Փաշինյանը ի հեճուկս թուրքերի մերժում է ձյունառատ Մասիսը:

Իսկ ինչ է այսօր ասել Անդրանիկ Քոչարյանը: «Գիտեմ, որ վարչապետ Նիկոլ Փաշինյանը նպատակ ունի նաև ցեղասպանության հետ կապված իրական հիմքեր կառուցել, առարկայական դարձնել ցեղասպանության ենթարկված մեր հայրենակիցների ամբողջ ցանկը: Մինչև հիմա, մենք այդ անվանական ցանկը չենք կարողացել հավաքել, պետք է կենտրոնանաք այդ ցանկը փաստարկված հավաքագրելու համար: Ունենք թանգարան, ցեղասպանության հետ կապված ամեն ինչ ունենք, գիտաժողովներ, գրքեր, դոկտորական աշխատանքներ, բայց պետք է ունենանք ամենակարևորը՝ այդ միլիոնուկեսի անուն, ազգանունը, որտե՞ղ, ո՞նց, ի՞նչ պայմաններում, որպեսզի դա լինի շատ թիրախային»,- ասել է նա:

Անդրանիկ Քոչարյանը, անշուշտ, պատահական անձ չէ: ՔՊ-ում ընդունված ցանկացած որոշում, որն իշխող քաղաքական թիմի պատկերացմամբ պետք է հանրային լայն ռեզոնանս առաջացնի, նախ տարածվում է հենց Քոչարյանի շուրթերով:  Չմոռանանք, որ Փաշինյանը այն աստիճան է ցանկանում բարելավել հարաբերությունները Թուրքիայի հետ, որ անգամ, ըստ որոշ տեղեկությունների, ցանկանում է Սահմանադրության մեջ ամրագրել ցեղասպանության պահանջատիրությունից հրաժարվելը, ինչպես նաև հրաժարվել ազգային սիմվոլիկայից՝ դիցուք Արարատ լեռից: 

Պատահականությո՞ւն էր արդյոք, որ Քոչարյանի այս հայտարարությունն արվեց Ֆրեզնոյում Սողոմոն Թեհլերյանի գերեզմանն այրելու օրը և ապրիլի 24-ի հերթական տարելիցից ընդամենն օրեր առաջ: Պատահականությո՞ւն էր, թե ծրագրավորված և համակարգային դարձած քաղաքականության մի մաս...

Այս թեմայով Տոկաևը կես օրով եկավ Երևան, որից հետո պարզվեց, որ ՀՀ-ի և Ադրբեջանի արտգործնախարարները կհանդիպեն Ղազախստանում․ Քոչարյան Մի ժամանակ «իգնոռ» էին անում, հիմա թեթևակի խոսքից բռնում-տանում են, դա վախի հետևանք է. քաղտեխնոլոգ (տեսանյութ) Վեդիի ոստիկանության բաժնում եմ. Քոչարյան Հող հանձնողները և Ցեղասպանությունը մոռացության տվողները չեն մարսելու․ Ռոբերտ Քոչարյան (տեսանյութ) Ռոբերտ Քոչարյանը տիկնոջ հետ Ծիծեռնակաբերդի հուշահամալիրում է (տեսանյութ) Այսօր լրանում է Հայոց ցեղասպանության 109-րդ տարելիցը․ Ռոբերտ Քոչարյան «Կվտանգվի՝ կվերականգնենք, ինչպես 90-ականներին»․ Անդրանիկ Քոչարյանը՝ Տավուշում գազատարի վտանգվելու մասին Տավուշում կատարվողը ստորություն է. Լևոն Քոչարյան (տեսանյութ) Ո՞նց թե՝ «պետք ա ուրախ լինենք՝ 50 մետրի վրա Ադրբեջանն ա», ամիսներ առաջ էթնիկ զտում էին անում. Լևոն Քոչարյան (տեսանյութ) Բագրատ Սրբազանի դեմ խոսացողները պատրաստվում են ապրիլի 24-ի իրենց ՆԱՄԱԶԻՆ․ Կարեն Քոչարյան