Տեղի է ունեցել ՀՊՏՀ Գյումրու մասնաճյուղի և Գ.Վ. Պլեխանովի անվան ՌԴ տնտեսագիտական համալսարանի կազմակերպած միջազգային գիտաժողովի բացումը (լուսանկարներ)

Այսօր հանդիսավոր կերպով բացվեց ՀՊՏՀ Գյումրու մասնաճյուղի և Գ.Վ. Պլեխանովի անվան Ռուսաստանի տնտեսագիտական համալսարանի կողմից կազմակերպված «Նոր տնտեսական աշխարհակարգը․․․անցյալի դասերն ու ժամանակի մարտահրավերները» խորագրով միջազգային երկրորդ գիտաժողովը՝ նվիրված Հայաստանի պետական ​​տնտեսագիտական ​​համալսարանի Գյումրու մասնաճյուղի հիմնադրման 25-ամյակին։

Նախորդ գիտաժողովը՝ նվիրված Սպիտակի երկրաշարժի 30-րդ տարելիցին, անցկացվել էր 2019թ-ին:

Վերջին տարիներին համաշխարհային տնտեսության կրած փոփոխությունները, պատերազմական իրավիճակը էական ազդեցություն ունեցան բազմաթիվ երկրների սոցիալ-տնտեսական զարգացման ընթացքի վրա՝ ձևավորելով նոր տնտեսական աշխարհակարգ: Արդյունքում կազմակերպվեց երկրորդ միջազգային գիտաժողովը, որը կրում է  «Նոր տնտեսական աշխարհակարգը․․անցյալի դասերն ու ժամանակի մարտահրավերները» խորագիրը:

Գիտաժողովի բացման առիթով գիտաժողովի կազմկոմիտեի նախագահ, ՀՊՏՀ ռեկտոր Դիանա Գալոյանի ուղերձը ներկայացրեց տնտեսագիտության դոկտոր, պրոֆեսոր Արարատ Գոմցյանը: Ողջույնի խոսքով հանդես եկան  նաև Գ. Վ. Պլեխանովի անվան Ռուսաստանի տնտեսագիտական համալսարանի պրոֆեսոր Ալեքսանդրա Լեշչինսկայան,  հայտնում Գյումրու համայնքապետի գլխավոր խորհրդական Հայկ Սուլթանյանը,  Շիրակի պետական համալսարանի ռոկտոր Երվանդ Սերոբյանը և ՀՊՏՀ Ամբերդ հետազոտական կենտրոնի տնօրեն Դավիթ Հախվերդյանը:

 «Նոր տնտեսական աշխարհակարգը․․․անցյալի դասերն ու ժամանակի մարտահրավերները» խորագրով միջազգային գիտաժողովին մասնակցության հայտեր են ներկայացրել ՀՀ-ի և ՌԴ-ի տարբեր համալսարանների, կառույցների ավելի քան 100 ներկայացուցիչներ, ավելի քան 20 կառույցներից:

Գիտաժողովի լիագումար նիստին ներկայացված էր երեք զեկուցում: Առաջին  զեկուցմամբ հանդես եկավ տնտեսագիտության դոկտոր, պրոֆեսոր Արարատ Գոմցյան, ով եղել է 25-ամյա պատմություն ունեցող մեր բուհի հիմնադիրներից: Զեկուցման թեման էր՝ Հայաստանի պետական տնտեսագիտական համալսարանի Գյումրու մասնաճյուղի քառորդ դարը:

Оценка экономического развития стран ЕАЭС в условиях современных реалий / ԵԱՏՄ երկրների տնտեսական զարգացման գնահատումը ժամանակակից իրողությունների համատեքստում/ թեմայով զեկուցմամբ հանդես եկավ  Գ. Վ. Պլեխանովի անվան Ռուսաստանի տնտեսագիտական համալսարանի կայուն զարգացման ամբիոնի պրոֆեսոր Ալեկսանդրա Լեշչինսկայան:

Լիագումար նիստի հաջորդ զեկուցողն էր Հայաստանի անկախ համալսարանի ղեկավար, Մոսկվայի տնտեսագիտության բարձրագույն դպրոցի պրոֆեսոր, Լյուքսեմբուրգի համալսարանի գիտաշխատող, Հայաստանի Ամերիկյան Համալսարանի պրոֆեսոր Զարուհի Հակոբյանը: Զեկուցման թեման էր՝ Regulation of Social Media Platforms: The Mechanism for Solving Polarization in Networks. / Սոցիալական մեդիա հարթակների կարգավորում. ցանցերում բևեռացման լուծման մեխանիզմը/:

Լիագումար նիստից հետո գիտաժողովի աշխատանքները շարունակվեցին երեք բաժանմունքներում՝

• Համաշխարհային տնտեսության և ֆինանսական շուկաների զարգացման հեռանկարները կայուն զարգացման համատեքստում,
• Տեղեկատվական տեխնոլոգիաների, կրթության և զբոսաշրջության դերը նոր տնտեսական աշխարհակարգի ապահովման գործում,
• Նոր տնտեսական աշխարհակարգի իրավական, սոցիալ-քաղաքական և մշակութային առանցքները:

Գիտաժողովին ներկայացված հոդվածները ենթարկվելու են գրախոսման և տպագրվելու են գիտաժողովի  նյութերի երկու ժողովածուներում:

Այս թեմայով Թուրքիայի խոշորագույն պետական բանկը դադարեցրել է ռուբլիով գործառնությունները Սեպտեմբերի 9-ից 11-ը առաջին անգամ կանցկացվի իր մասշտաբով եզակի «Երևանյան երկխոսություն» միջազգային համաժողովը. ԱԳՆ «Բա եթե դրանք պետական արժեք են, ինչո՞ւ եկամուտ չեն բերում պետությանը». Նիկոլ Փաշինյանը՝ պատմամշակութային ժառանգության մասին Կառավարությունը լուծարում է ԱՆԻՖ-ը՝ պետական բյուջեից ընկերությանը տված 1.7 մլրդ դրամի միջոցներով Հայաստանը կմասնակցի «Riga Food-2024» միջազգային ցուցահանդեսին Պետական բյուջեի ընդհանուր եկամուտները նվազել են․ ինչ են պատմում թվերը Դատախազությունը պահանջում է Գյումրու նախկին քաղաքապետ Վարդան Ղուկասյանից բռնագանձել 218 մլն դրամ և 17 անշարժ գույք «Միջազգային հանրության լռությունը պայմանավորված է Հայաստանի իշխող շրջանակների լռությամբ». «Փաստ» Ագրարայինում խախտել են կանոնադրությունը, իսկ ԿԳՄՍՆ-ն ու վարչապետը հաստատել են․ «Հրապարակ» Ուկրաինայի պետական ​​պարտքը երեք ամսում ավելացել է 3,2 մլրդ դոլարով