Երկու եղբայրների կողմից ոստիկանության ծառայողներից մեկին սպանելու, մյուսին վիրավորելու վերաբերյալ քրգործն ուղարկվել է դատարան

Ավարտվել է եղբայրներ Ս. և Հ. Գալստյանների կողմից 2019թ. հոկտեմբերի 16-ին «Չի-Չի» գեղեցկության սրահից գողություն կատարելուց հետո Ազատության պողոտա և  Բաբայան փողոցի խաչմերուկում ՀՀ ոստիկանության երկու ծառայողների նկատմամբ, նրանց ծառայողական պարտականությունները կատարելու հետ կապված, բռնություն գործադրելու, նրանցից մեկի հաշվեցուցակային զենքը հափշտակելու և դրանով ոստիկանության մյուս ծառայողին սպանելու դեպքի առթիվ հարուցված քրեական գործի նախաքննությունը: Այս մասին հայտնում են ՀՀ գլխավոր դատախազության հանրային կապերի բաժնից:

ՀՀ քննչական կոմիտեի ԵՔՔՎ ծանր հանցագործությունների քննության բաժնում քննված քրեական գործով եղբայրներից Ս. Գալստյանին մեղադրանք է առաջադրվել մի խումբ անձանց կողմից նախնական համաձայնությամբ, պահեստարան կամ շինություն ապօրինի մուտք գործելով գողություններ կատարելու և իշխանության ներկայացուցչից նկատմամբ իր ծառայողական պարտականությունները կատարելու հետ կապված կյանքի կամ առողջության համար ոչ վտանգավոր բռնություն գործադրելու  համար: Նրա նկատմամբ որպես խափանման միջոց է ընտրվել կալանավորումը:

2020թ. ապրիլի 3-ին քրեական գործից վերջինիս վերաբերյալ անջատված մասը մեղադրական եզրակացությամբ ուղարկվել էր դատարան:

Նախաքննությամբ պարզվել է, որ մյուս եղբայրը՝ Հ. Գալստյանը, բացի վերոնշյալ հանցավոր արարքներից, կատարել է մի շարք գողություններ, որոնցից մի քանիսը՝ անչափահաս Ռ. Մ.-ի հետ, ով, իր հերթին, գողություն է կատարել Ա. Հ.-ի հետ:

Նախաքննությամբ ձեռք բերված բավարար փաստական տվյալների համակցության հիման վրա Հ. Գալստյանին մեղադրանք է առաջադրվել պահեստարան կամ շինություն ապօրինի մուտք գործելով (այդ թվում նաև մի խումբ անձանց հետ) բազմադրվագ գողություններ կատարելու, կամ դրանց հանցակցության, դիտավորությամբ գույք ոչնչացնելու կամ վնասելու, իր  ծառայողական գործունեության հետ կապված անձի սպանության, կյանքի կամ առողջության համար ոչ վտանգավոր բռնություն գործադրելով կամ դրա սպառնալիքով զենքի հափշտակության, իր ծառայողական պարտականությունները կատարելու հետ կապված իշխանության ներկայացուցչի նկատմամբ բռնություն գործադրելու համար: Նրա նկատմամբ որպես խափանման միջոց է ընտրվել կալանավորումը:

Անչափահաս Ռ. Մ.-ին մեղադրանք է առաջադրվել բազմաթիվ դրվագներով նմանատիպ գողություններ կատարելու համար, ում նկատմամբ խափանման միջոց է ընտրվել ծնողի հսկողությանը հանձնելը, իսկ Ա. Հ.-ին մեղադրանք է առաջադրվել նմանատիպ գողություն կատարելու, նմանատիպ գորղություններին հանցակցության, գողության փորձ կատարելու, ինչպես նաև համակարգչային տեխնիկայի օգտագործմամբ որիշի գույքի զգալի չափերով հափշտակություն կատարելու համար: Վերջինիս նկատմամբ որպես խափանամն միջոց է ընտրվել ստորագրություն չհեռանալու մասին:

Քրեական գործի նախաքննության օրինականության նկատմամբ հսկողություն իրականացնող դատախազը հաստատել է մեղադրական եզրակացությունը և այսօր՝ 2020թ. հունիսի 5-ին, քրեական գործի հետ ուղարկել է Երևան քաղաքի ընդհանուր իրավասության դատարան՝ ըստ էության քննելու համար:

Այս թեմայով ՀԻՄԱ. «Հայաքվեն» հանցագործության մասին հաղորդում է ներկայացնում դատախազություն «ՀայաՔվեն» հանցագործության մասին հաղորդում կներկայացնի դատախազություն՝ կապված «սահմանազատման» հետ. «Փաստ» Պետությանը վերադարձված 2 հողամասերն ամրացվեցին Պետական գույքի կառավարման կոմիտեին․ դատախազություն Նիկոլ Փաշինյանին քրեական պատասխանատվության ենթարկելու պահանջով հաղորդում ներկայացվեց ՀՀ գլխավոր դատախազություն «Հրապարակ». ՊԵԿ նախկին փոխնախագահը հրավիրվել է դատախազություն Վլադիմիր Գասպարյանի դստերը շնորհված «փոխգնդապետի» կոչումն անվավեր է ճանաչվել․ Դատախազություն Տավուշի նախկին մարզպետ Հովիկ Աբովյանը հաշտության համաձայնություն է կնքել դատախազության հետ Դադարեցվել է Արաքս գետի հունը խախտած ընկերության ընդերքաօգտագործման իրավունքը 2023 թվականի ընթացիկ և ավարտված քրեական վարույթներով պետական բյուջե է վերականգնվել 32 մլրդ դրամ. Գլխավոր դատախազություն Աջափնյակի N 207 մսուր-մանկապարտեզը 2002-2003 թթ․ օրենքի խախտմամբ օտարվել է. նախաձեռնվել է քրեական վարույթ