Բեյրութի պայթյունը պահանջեց՝ ՀՀ-ն նույնպես ներկայացուցիչ ունենա այնտեղ. Զարեհ Սինանյան

Օգնությունը, ընդհանուր առմամբ, բաղկացած էր 3 ինքնաթիռների բեռից. առաջին և երրորդ ինքնաթիռները նախատեսված էին Լիբանանի կառավարության և ժողովրդի համար, իսկ երկրորդ ինքնաթիռի բեռը՝ լիբանանահայ համայնքի համար: Այն բաղկացած էր դեղամիջոցներից, առողջապահական գույքից, ինչպես նաև սնունդից: Մեր երկրորդ նպատակը՝ տեղում իրավիճակին ծանոթանալն էր, որովհետև բնական է՝ պայթյունից անմիջապես հետո մենք ահագնացող նորություններ էինք ստանում՝ պայթյունի ուժգնության, համայնքին հասցված վնասների, ինչպես նաև համայնքում տիրող տրամադրությունների մասին: Այս մասին այսօր ասաց Սփյուռքի գործերի գլխավոր հանձնակատար Զարեհ Սինանյանը՝ Լիբանանի մայրաքաղաք կատարած իր այցից մանրամասներ ներկայացնելու համար հրավիրված ասուլիսին:

«Բեյրութի նավահանգստում տեղի ունեցած պայթյունը պահանջեց, որպեսզի ՀՀ-ն նույնպես ներկայացուցիչ ունենա տեղում, որը կծանոթանա իրավիճակին և, որի հիման վրա  ՀՀ կառավարությունը կմշակի իր հաջորդ կարճաժամկետ, միջնաժամկետ և երկարաժամկետ ծրագրերը: Այցելության ընթացքում հանդիպումներ անցկացրինք մեր մի խումբ հայրենակիցների հետ. Կիլիկիո կաթողիկոս Արամ Առաջինի, Կաթողիկե համայնքի կաթողիկոս-պատրիարք Տեր Գրիգոր Պետրոս 11-րդի, Մերձավոր Արևելքի հայ ավետարանական եկեղեցիների միության նախագահ վերապատվելի Մկրտիչ Կարագյոզյանի, Հայկազյան համալսարանի ռեկտոր Փոլ Հայդոսթյանի, Լիբանանի հայոց թեմի առաջնորդ գերաշնորհ Տեր Շահե արքեպիսկոպոս Փանոսյանի, ինչպես նաև Լիբանանի հայ համայնքի տարբեր բնագավառների ներկայացուցիչների հետ»,- ընդգծեց Սինանյանը:

«Հանդիպումներ ունեցանք հոգևոր առաջնորդների, տարբեր կուսակցություններ և մշակութային կազմակերպություններ ներկայացնող մեր հայրենակիցների, լիբանանահայ մամուլի ներկայացուցիչների հետ: Այցելեցինք բժշկական հաստատություններ, պայթյունից տուժած անհատների տներ, որպեսզի տեսնենք, թե կորուստներն ինչ բնույթ են կրում: Հանդիպեցինք նաև տարբեր անհատների հետ, որպեսզի ավելի համապարփակ և օբյեկտիվ պատկերացում կազմենք այն իրավիճակի հետ կապված, որը տիրում է Լիբանանում»,- նշեց գլխավոր հանձնակատարը:

Հիշեցնենք, որ օգոստոսի 4-ին հզոր պայթյուն էր տեղի ունեցել Լիբանանի մայրաքաղաք Բեյրութում: Հայաստանից դեպի Բեյրութ իրականացվել է հումանիտար օգնության երեք չվերթ: Առաջին չվերթը կայացել է օգոստոսի 8-ին, երկրորդը՝ օգոստոսի 9-ին` Արցախի ժողովրդի անունից, երրորդը՝ օգոստոսի 11-ին: 

Հայաստանից ուղարկված երեք օդանավերով Լիբանանից հայրենիք է ժամանել շուրջ 100 հայ, որոնք Բեյրութում բնակության խնդիրների առաջ են կանգնած եղել նավահանգստում տեղի ունեցած պայթյունից հետո:

Այս թեմայով Սանկտ Պետերբուրգի բուհերից մեկում պայթյուն է տեղի ունեցել, կան տուժածներ ՈւՂԻՂ. ՌԴ ԱԳՆ պաշտոնական ներկայացուցիչ Մարիա Զախարովայի ճեպազրույցը Ուկրաինական ԱԹՍ-ն Ռուսաստանում հարվածել է գնացքին. պայթյուն է տեղի ունեցել (տեսանյութ) Պայթյուն՝ Արարատի մարզի Արարատ գյուղի բենզալցակայաններից մեկում․ ժամանել է հրշեջների 2 մարտական հաշվարկ Արտակարգ դեպք՝ Երևանում. պայթյուն-հրդեհ՝ «Տոչկա» ակումբում Սիսիանում նռնակի պայթյունի հետևանքով համայնքի անչափահաս բնակիչը մարմնական վնասվածքներ է ստացել․ ՔԿ Արցախի պողոտայում պայթյուն է տեղի ունեցել «Mercedes»-ում Սյունիքում 14-ամյա տղան սինդրիկ հավաքելիս վնասվել է և հոսպիտալացվել․ կասկածելի պայթյուն է եղել ՖԻԴԵ-ի դասակարգման նոր աղյուսակում Հայաստանն ընդհանուր առմամբ ունի 8 ներկայացուցիչ Տավուշում ականի պայթյունից սակրավորի աջ ոտնաթաթը պոկվել է․ Ոսկան Սարգսյան