Մայրը 1,5-ամյա դստերը 6 օրով թողել է միայնակ բնակարանում և գնացել զվարճանալու. վերջինս սովից մահացել է

Մեծ Բրիտանիայում դատարանը 9 տարվա ազատազրկման է դատապարտել երիտասարդ կնոջը, ով իր 1,5-ամյա դստերը 6 օրով միայնակ թողել է բնակարանում. վերջինս սովից մահացել է: Այդ մասին հայտնում է BBC-ն:

Վերֆի Կուդին երեխային փակել է բնակարանում և գնացել վեցօրյա երեկույթի՝ նշելու իր 18-ամյակը: Մայրը դստերը մենակ է թողել 5 օր, 21 ժամ 58 րոպե: Ըստ դատարանի՝ նա հաջողացրել է լինել Լոնդոնում ու Քովենտրում և զվարճացել է «անհոգ դեռահասի» պես:

Տուն վերադառնալուց հետո աղջիկը զանգահարել է շտապօգնություն և ասել, որ իր երեխան չի արթնացել: Ժամանած բժիշկներն աղջնակին գտել են անշնչացած վիճակում: Հիվանդանոցում բժիշկները պարզել են, որ երեխայի մահվան պատճառը քաղցն ու գրիպն է եղել: Փոքրիկի մոտ նկատվել են նաև ջրազրկման նշաններ և տակդիրից առաջած ուժեղ ցան:

Աղջիկը սկզբում ոստիկաններին ասել է, թե իբր իր երեխայի հետ մշտապես բնակարանում է եղել, ինչպես նաև` թե դստերն իր հետ տարել է Լոնդոն: Սակայն, անվտանգության տեսախցիկներից և նրա սմարթֆոնից ստացված տեսանյութը հակառակն է ապացուցել: Դատարանը Վերֆի Կուդին դատապարտել է 9 տարվա ազատազրկման:

Այս թեմայով Փաշինյանի ամենամեծ սխալն այն է, որ ինքը ծնվել է. Զոհվածի հայր «Վայոց Ձոր» բժշկական կենտրոնում 32-ամյա ծննդկանի երեխան մահացած է ծնվել 2023-2024 թվականներին քանի՞ հոգի է ծնվել, մահացել, ամուսնացել և ամուսնալուծվել Հայաստանում ամեն տարի մեկ տասնյակից ավելի երեխա ավտովթարի զոհ է դառնում Ծնվել է Արփինե Հովհաննիսյանի դուստրը Մեկնարկում է «Ծնվել եմ Արցախում» ծրագիրը Արցախի տաղանդների համար Մաhացած 25 օրական երեխային տեղափոխել են հիվանդանոց. ողբերգական դեպք՝ Երևանում Սպանված ոստիկանը 38 տարեկան էր, ամուսնացած էր, ուներ նորածին երեխա ՀՀ-ում 17 տարեկանների ամուսնությունից 23 երեխա է ծնվել․ արդարադատության նախարարի տեղակալը տվյալներ է ներկայացրել Համալիրում առաջին դասարանցիների շնորհավորանքի արարողություն են կազմակերպում, 500 երեխա կմասնակցի