Պաշտոնի հասած նախկին ակտիվիստների կարճ հիշողությունը

Հայաստանում 2022 թվականի փետրվարից, ամենայն հավանականությամբ, կարձանագրվի էլեկտրաէներգիայի սակագնի աճ: Այս մասին այսօր հայտնել է ՀԾԿՀ նախագահ Գարեգին Բաղրամյանը:

Սակայն, ուշագրավն այստեղ ոչ այնքան թանկացման փաստն է, ինչն իրականում ավելի քան սպասելի էր, այլ այն հանգամանքը, որ թանկացումը տեղի է ունենում այն իշխանությունների օրոք, որոնք մշտապես աչքի են ընկել էլեկտրաէներգիայի սակագնի բարձրացման դեմ բողոքելով:

Նիկոլ Փաշինյանը և նրա թիմակիցները մասնակցել են Էլեկտրիկ Երևան շարժմանը: Ընդ որում, ոչ միայն այդ շարժմանը, այլ նաև տրանսպորտի սակագնի դեմ ցույցերին, Մաշտոցի պուրակում բողոքի ակցիաներին: Այդ ակցիաներին մասնակցում էին Հայկ Մարությանը, Դանիել Իոաննիսյանը, Զարուհի Բաթոյանը և մյուսները: Հայկ Մարությանի ներկայիս խոսնակը՝ Հակոբ Կարապետյանը, Էլեկտրիկ Երևանի գործով նույնիսկ  տուժող էր ճանաչվել:

Այն ժամանակ, որպես ընդդիմադիր, որպես ակտիվիստ` նրանք դեմ էին էլեկտրաէներգիայի թանկացմանը և կառավարությունից պահանջում էին քայլեր գործադրել թանկացումները կանխելու համար, իսկ այսօր, լինելով կառավարության անդամներ, զբաղեցնելով այլ զանազան պաշտոններ, վերջիններս ուսերն են թոթվում և հայտարարում, որ ոչինչ փոխել հնարավոր չէ. էլեկտրաէներգիայի թանկացումը այլընտրանք չունի ստեղծված իրավիճակում:

Ընդդիմադիր Փաշինյանը բազմիցս է ԱԺ ամբիոնից անդրադարձել էլեկտրաէներգիայի թանկացման հարցին:

Արդեն վարչապետ Փաշինյանը կրկին խոսել է այս հարցի շուրջ և հուսադրող հայտարարություններ արել:

Ինչպես տեսնում ենք՝ նախկինում ակտիվիստ, այսօր արդեն պետական պաշտոններ զբաղեցնող անձինք ոչ միայն մոռացել են, թե ինչի համար էին տարիներ առաջ պայքարում, այլ բացահայտ կերպով հրաժարվում են կատարել նաև ի պաշտոնե տված խոստումները:

Այս թեմայով Այս սահմանազատումը հաղթանակ է, ցավոտ է պատմականից իրական Հայաստան անցումը. Փաշինյան (տեսանյութ) Սահմանն անցնում է այնտեղով, որտեղով անցնում է. Փաշինյան (տեսանյութ) Երևան-Թբիլիսի-Երևան գնացքներից մեկի պետը պարբերաբար ՀՀ է տեղափոխել մաքսային հսկողությունից թաքցված դեղորայք․ (տեսանյութ) Երևան ժամանած ԿՀՎ 20 հոգուց բաղկացած պատվիրակության կազմում առանցքային կերպարներ կան Ձեր սրտերում դաջված են՝ Նիկոլ Փաշինյան, Աննա Հակոբյան, Ալեն Սիմոնյան. տավուշեցին՝ ոստիկաններին (տեսանյութ) Մշակութային գործիչները առանց Կիրանց մտնելու վերդարձան Երևան (տեսանյութ) Մենք ուժեղ մարզական ավանդույթների սկիզբ ենք դնում մեր հանրապետությունում. Փաշինյան Թշնամություն ունեն, ուզում են գյուղը թուրքին հանձնեն, Բաքուն վաղն էլ Երևան կգնա. Կիրանցում լարված է (տեսանյութ) Երևան են բերվել ոստիկաններ Հայաստանի գրեթե բոլոր մարզերից (տեսանյութ) Դավթաշեն-Աշտարակի խճուղի հատվածում՝ Աշտարակ քաղաքից դեպի Երևան ուղղությամբ, նոր արագաչափ է տեղադրվել