Հարավկորեական ապրանքանիշը ներողություն է խնդրել` գովազդում կանանց կովերի հետ համեմատելու համար

Հարավկորեական Seoul Milk ընկերությունը ստիպված է եղել ներողություն խնդրել գովազդի համար։ Մարդիկ զայրացել են, որ ապրանքանիշն իր տեսանյութում կանանց համեմատել է կովերի հետ, հայտնում է New York Post-ը:

Կաթնամթերքի ապրանքանիշի գովազդում, որը զայրացրել է մարդկանց, մի խումբ կանայք արածում են մարգագետնում` նմանակելով կովերի, այնուհետև վերածվում են երկկճղակավորների:

«Վերջապես, մենք կարողացանք ֆիքսել նրանց տեսախցիկով` անարատ մաքրության հետ միասին», - ասում է տղամարդու ձայնը:

Գովազդը տեղադրվել է ընկերության YouTube ալիքում նոյեմբերին և վիրուսային կերպով տարածվել: Սոցցանցերի օգտատերերը դժգոհել են, որ տեսանյութը նվաստացուցիչ է և սեքսուալ ենթատեքստ ունի:

«Ես այլևս երբեք չեմ գնի ձեր ապրանքը», - մեկնաբանություններում դժգոհել են մարդիկ:

Ընկերությունը ներողություն է խնդրել՝ ասելով, որ տեսանյութում իրականում նկարահանվել են տղամարդիկ, այլ ոչ թե կանայք։

«Մենք լրջորեն ենք վերաբերվում այս միջադեպին, կանցկացնենք ներքին աուդիտ և միջոցներ կձեռնարկենք, որպեսզի դա չկրկնվի», - ասվում է հաղորդագրությունում։