Գնել Սանոսյանը ներկայացրել է Վանաձոր համայնքի ղեկավարի պաշտոնակատար Արկադի Փելեշյանին

Տարածքային կառավարման և ենթակառուցվածքների նախարար Գնել Սանոսյանը ներկայացրել է Վանաձոր համայնքի ղեկավարի պաշտոնակատարին: Այս մասին հայտնում են Վանաձորի համայնքապետարանից:

ՀՀ վարչապետ Նիկոլ Փաշինյանի 2022 թվականի մայիսի 13-ի թիվ 514-Ա որոշմամբ Արկադի Փելեշյանը նշանակվեց Վանաձոր համայնքի ղեկավարի պաշտոնակատար:

Համայնքի ղեկավարի նորանշանակ պաշտոնակատարին Վանաձոր համայնքի ավագանու անդամներին և համայնքապետարանի աշխատակազմին ներկայացրեց ՀՀ տարածքային կառավարման և ենթակառուցվածքների նախարար Գնել Սանոսյանը։ Նիստին ներկա էր նաև Լոռու մարզպետ Արամ Խաչատրյանը։ Նախարարն իր խոսքում շնորհակալություն հայտնեց համայնքապետարանի աշխատակազմին՝ ստեղծված բարդ իրավիճակում աշխատանքները կազմակերպելու համար, ինչը հնարավորինս զերծ է պահել համայնքը կոլապսի ենթարկվելուց։

Գնել Սանոսյանն խոսեց նաև անելիքների մասին․ «Օգտվելով տրված իրավական կարգավորումներից՝ արդեն ունենք ժամանակավոր պաշտոնակատար, ով քաղաքը կղեկավարի այնքան ժամանակ, մինչև բուն իրավական գործընթացները կկարգավորվեն ինչպես հարկն է և ինչպես օրենքն է։ Հասկանում եմ, որ չափազանց բարդ ժամանակահատված է, շատ պարտավորություններ և անելիքներ կան, որոնք նշված խնդիրների պատճառով չեն իրականացվել, բայց մյուս կողմից գիտեմ, որ ավագանու անդամ լինելը, հետագայում նաև համայնքի ղեկավարի առաջին տեղակալ լինելը բավական համոզիչ են այն առումով, որ քաջածանոթ եք քաղաքի խնդիրներին։ Պարոն Փելեշյան, հույս ունեմ, որ առաջ եկած խնդիրները իրավական հնարավորությունների պարագայում արագ կկարգավորեք Ձեր լիազորությունների շրջանակում։ Մեկ անգամ ևս շնորհավորում եմ։ Համոզված եմ, որ ջանք ու եռանդ չեք խնայի քաղաքի առջև ծառացած խնդիրները կարգավորելու համար»։

Արկադի Փելեշյանը շնորհակալություն հայտնեց ՀՀ վարչապետին՝ վստահության համար՝ հավաստիացնելով, որ քաջատեղյակ լինելով համայնքի խնդիրներին՝ իր լիազորությունների սահմաններում ջանք չի խնայի դրանց արդյունավետ լուծման համար։

Այս թեմայով Արցախը Հայաստանին կապող այլընտրանքային ճանապարհը մինչեւ մայիս կասֆալտապատվի. Գնել Սանոսյան Գնել Սանոսյանը 2-օրյա այցով Սյունիքում է Մինչև 1920-ականների բոլոր քարտեզներում Ալ լճերը նշված է որպես ՀՀ տարածք, բայց հայտնի չէ, որոնք հիմք կընդունվեն. Գնել Սանոսյան «Ժողովուրդ». Գեղարքունիքի մարզպետարանից եկածները նախարարությունում նոր պաշտոններ են ստանում Գնել Սանոսյանն ու Հայկ Խանումյանը քննարկել են Արցախի վարչատարածքային բարեփոխումների ընթացքը ԵՄ-ն փորձում է կենտրոնացումն ուղղել դեպի Սյունիք. ԵՄ դեսպանը՝ Սանոսյանին Գնել Սանոսյանը՝ փոխնախարարի ազատման պատճառ. «Ժողովուրդ» Գնել Սանոսյանը ճանաչողական այց է կատարել Քաղավիացիայի կոմիտե և «Զվարթնոց» օդանավակայան Գեղարքունիքում իմ ղեկավարման ժամանակահատվածում իրականացված ծրագրերն անհամեմատ շատ եւ բազմաբնույթ են եղել մարզի պատմության մեջ. Գնել Սանոսյան Գնել Սանոսյանը նոր պաշտոն ունի