Ինչու է Արթուր Վանեցյանի որդին ազատվել բանակից. «Հրապարակ»

«Հրապարակ» թերթը գրում է.

«Վերջերս համացանցում հրապարակումներ եւ գրառումներ եղան, որ Արթուր Վանեցյանի ավագ որդին, որը զորակոչային տարիքի է, չի ծառայել` խուսափել է հայկական բանակում պարտադիր զինծառայությունից: Բնականաբար, հեղինակները պնդում էին, որ Արթուր Վանեցյանն է որդուն ազատել բանակից` օգտագործելով իր կապերը:

Մենք հետաքրքրվեցինք, թե ինչպես է Արտյոմ Վանեցյանին հաջողվել խուսափել բանակից` ինչ հիմքով եւ ինչ ժամկետով: Նա մեզ պատմեց, որ երբ եկել է զորակոչի ժամանակը, ինչպես զորակոչի ենթակա բոլոր մյուս երիտասարդները, անցել է բժշկական հետազոտություն, եւ անսպասելիորեն հայտնաբերվել է առողջական ինչ-որ խնդիր, որի պայմաններում զորակոչի ենթակա անձն ազատվում է զինծառայությունից` ճանաչվում է ոչ պիտանի պարտադիր զինվորական ծառայության համար: Իհարկե, զինծառայությունից ազատվում է կարճաժամկետ․ մի քանի տարի անց զորակոչից ազատված անձը կրկին բուժզննություն է անցնում, եւ եթե պարզվում է, որ առողջական խնդիրը վերացել է, նրան զորակոչում են:

Սակայն ուշագրավն այն է, որ այս ախտորոշումն ու զինծառայության ոչ պիտանի լինելու հանգամանքը Արտյոմ Վանեցյանը շատ ծանր է տարել եւ 2019 թվականին պաշտպանության նախարարին դիմում է գրել` խնդրելով, որ կրկին բժշկական փորձաքննություն նշանակեն` իր հետ կապված, եւ թույլ տան ծառայել հայկական բանակում: Սակայն դիմումը մերժվել է:

Իսկ այդ շրջանում, երբ նրան ազատել են զինծառայությունից, Արթուր Վանեցյանն արդեն մի քանի ամիս պաշտոն չուներ ու սուր քննադատության էր ենթարկում իշխանություններին եւ Նիկոլ Փաշինյանին։ Այնպես որ՝ չէր կարող որեւէ կերպ ազդել փորձաքննության եւ բժշկական հանձնաժողովի եզրակացության վրա: Արտյոմը մեզ տրամադրեց նաեւ դիմումի պատճենը»:

Առավել մանրամասն՝ թերթի այսօրվա համարում

Այս թեմայով Կհաջողվի՞ փարատել Փաշինյանի կասկածները․ «Հրապարակ» Ինչու Սրբազանը․ ում թեկնածություններն են քննարկվել․ «Հրապարակ» Կիրանցիների վրա «աշխատում» են ուժայիները․ «Հրապարակ» Հունիսի վերջին Ադրբեջանցիները կժամանեն Կիրանց (Հրապարակ) Խորին ցավակցություններս եմ հայտնում Իրանի եղբայրական ժողովրդին և բարեկամ պետությանը․ Արթուր Վանեցյան «Հրապարակ»․ Նիկոլ Փաշինյանն անձամբ է հետևում լայվերին Ինչ են քննարկել Սրբազանն ու քաղաքական ուժերը փակ ֆորմատով․ «Հրապարակ» Իշխանականների սիրելի ռեստորաններն ու փաբերը մեծ վնասներ են կրել․ «Հրապարակ» 30 մլն դրամ՝ մոդուլային-շարժական շենքեր ձեռք բերելու համար․«Հրապարակ» Կտրվի առավել ակտիվ գործողությունների մեկնարկ․ «Հրապարակ»