Կարճ ասած՝ բերդում գտնվելու 100 օրը Գերասիմի վրա ունեցել է 0 ազդեցություն. պաշտպան

ՀՅԴ-ական Գերասիմ Վարդանյանն անհերքելիորեն քաղաքական բանտարկյալ է, սակայն նույնիսկ ինձ մոտ ուղղակի զարմանք է առաջացնում այս հարցի շուրջ ներհայաստանյան տարբեր շրջանակների ու տարբեր ժամանակահատվածներում ակտիվ իրավապաշտպան գործունեություն ծավալած անձանց եւ կազմակերպությունների մեղմ ասած անտարբեր վերաբերմունքը։ Այս մասին այսօր՝ օգոստոսի 19-ին, ֆեյսբուքյան իր էջում գրել է Գերասիմ Վարդանյանի պաշտպան Բենիկ Գալստյանը։

«Արդեն 100 օր է, ինչ Գերասիմ Վարդանյանը գտնվում է անազատության մեջ։

Հիշեցնեմ, որ Գերասիմը կալանավորվեց 2022թ. մայիսի     12-ին դեռեւս 2020թ. նոյեմբերի 9-ին կատարված արարքի համար, ընդ որում՝ կալանավորվեց բառիս բուն իմաստով 4-րդ փորձից, մինչ այդ նույն փաստական տվյալներով առկա մեղադրանքով եւ նույն հիմքերի առկայության պայմաններում դատարանները 3 անգամ մերժել էին ՀՀ ԱԱԾ քննչական դեպարտամենտի քննիչ Սուրեն Նավոյանի միջնորդությունները։

Առավել աբսուրդայինն այն է, որ Գերասիմը կալանավորվեց այն պատճառաբանությամբ, որ չի վճարում իր նկատմամբ կալանավորման 3-րդ միջնորդությունը մերժելուց անմիջապես հետո ընտրված 60.000.000 ՀՀ դրամ գրավը։ Իսկ չվճարելու պատճառները բոլորի, առաջին հերթին՝ կալանավորման որոշում կայացրած դատավոր Դավիթ Արղամանյանի համար առավել քան պարզ էին՝ Գերասիմը պարզապես այդքան գումար չուներ եւ երբեւէ չի ունեցել։ 

Գերասիմն անհերքելիորեն քաղաքական բանտարկյալ է, սակայն նույնիսկ ինձ մոտ ուղղակի զարմանք է առաջացնում այս հարցի շուրջ ներհայաստանյան տարբեր շրջանակների ու տարբեր ժամանակահատվածներում ակտիվ իրավապաշտպան գործունեություն ծավալած անձանց եւ կազմակերպությունների մեղմ ասած անտարբեր վերաբերմունքը։

Իրավիճակի սյուրեալիզմը կայանում է նաեւ նրանում, որ Գերասիմն արդեն 100 օր է, ինչ անազատության մեջ է գտնվում «Ազատություն» լրատվակայանի հետ տեղի ունեցած միջադեպով հարուցված գործով։

Այն «Ազատություն» լրատվակայանի, որը գործում է դեռեւս 1953 թվականից եւ այդ ժամանակահատվածից մինչ օրս ակտիվորեն լուսաբանում է տարբեր երկրների իշխանությունների կողմից բազմաթիվ անձանց նկատմամբ քաղաքական հայացքների համար իրականացվող հետապնդումները (օրինակի համար՝ Ալեքսանդր Սոլժենիցին)։

Այն «Ազատություն» լրատվակայանի, որը հիշյալ ժամանակահատվածից ֆինանսավորվում է ԱՄՆ կառավարության կողմից, որի հոգաբարձուների խորհրդի կազմում է ԱՄՆ համաշխարհային մեդիայի գործակալությունը(U.S. Agency for Global Media)։

Ինձ անկեղծորեն հետաքրքրում է՝ արդյոք ԱՄՆ դաշնային կառավարության մաս կազմող հիշյալ գործակալությունը տեղեկություն ունի Գերասիմի գործի եւ դրանում առկա մի շարք հետաքրքիր հանգամանքների մասին, առհասարակ ինչպես է դրան վերաբերվում։

Այնուամենայնիվ ցանկանում եմ հատուկ շեշտադրել, որ Գերասիմը պինդ է եւ ամուր, չունի եւ վստահ եմ՝ չի ունենալու որեւէ տեսակի առողջական խնդիր, կարճ ասած՝ բերդում գտնվելու 100 օրը Գերասիմի վրա ունեցել է 0 ազդեցություն»,- գրել է Գալստյանը։

Այս թեմայով Մենք մեր ընկերներով Տիգրանաշենում ենք․ ՀՅԴ ԳՄ անդամ Գերասիմ Վարդանյան (տեսանյութ) Իշխանության և Ալիևի ուզածը նույնն է. կատաստրոֆիկ է, երբ քո երկրի ղեկավարին ուղղորդում է մարդ, ով պատերազմել է քո երկրի հետ. Արման Վարդանյան (տեսանյութ) Այս սրբազան շարժումը մարմնավորում է ավելի քան 10 000 000 հայերիս՝ հզոր ու մեծ Հայաստանի ընդհանուր երազանքը. «Միասնություն» ազգային շարժում Շարժումն ունի առաջնորդ, ունի ոգի, ունի նպատակ, մնում է միայն չխանգարել․ Արա Վարդանյան Արդեն ՀՀ-ում դիմակավոր բանդաներն են հարցեր լուծում ու անում են իրավապահների թողտվությամբ. Վարդանյան (տեսանյութ) Այս շարժումը բոլորիս մասին է. Էլինար Վարդանյան Ի՞նչ էիք կարծում, որ գնաք Նիկոլի հետ հանդիպման հայրենասիրությունն ա արթնանալո՞ւ մեջը․ Տիգրան Վարդանյան Միջազգային ճնշումը պետք է շարունակվի. Դավիթ Վարդանյանը France 24-ի եթերում խոսել է Ռուբեն Վարդանյանի հացադուլի մասին Ռուբեն Վարդանյանը համաձայնել է ընդհատել հացադուլը. նրան թույլ է տրվել խոսել ընտանիքի հետ «Ով մտածում է՝ հայկական չի, իրա ․․․»․ Գերասիմ Վարդանյան (տեսանյութ)