ՀՀ ֆինանսների նախարարն ընդունել է ԵՏՀ Կոլեգիայի անդամ-նախարար Բակիտժան Սագինտաեւին

ՀՀ ֆինանսների նախարար Տիգրան Խաչատրյանը սեպտեմբերի 6-ին ընդունել է Եվրասիական տնտեսական հանձնաժողովի Տնտեսության և ֆինանսական քաղաքականության հարցերով Կոլեգիայի անդամ-նախարար Բակիտժան Սագինտաեւի գլխավորած պատվիրակությանը:

Ֆինանսների նախարարությունից տեղեկացնում են, որ Տիգրան Խաչատրյանը բարձր է գնահատել ԵՏՀ գործունեությունը Եվրասիական տնտեսական միության շրջանակներում անդամ երկրների միջեւ համագործակցության ու առեւտրատնտեսական կապերի ընդլայնման տեսանկյունից:

Բակիտժան Սագինտաեւն իր հերթին նշել է, որ Հայաստանը և ԵԱՏՄ-ն երկարամյա հաջող համագործակցության փորձ ունեն, ինչի շրջանակում բազմաթիվ համատեղ ծրագրեր և նախաձեռնություններ են իրականացվել: Նա ողջունել է ներկա տնտեսական իրավիճակում ՀՀ կառավարության՝ բիզնես միջավայրի բարելավմանն ու մասնավոր ներդրումների խթանմանն ուղղված քայլերը, կարճաժամկետ և երկարաժամկետ գործողությունների ծրագրերը:

Հանդիպման ընթացքում կողմերը քննարկել են նաև տնտեսական և բիզնես ներդրումների ներգրավման և փոխադարձ տնտեսական հետաքրքրություն ներկայացնող հարաբերությունների զարգացման, ինչպես նաև կայուն գործընկերային կապերի ամրապնդման վերաբերյալ հարցեր:

Այս թեմայով Աշխատանքային պայմանագիր ունեցող բոլոր անձինք 2024-ից պետք է հայտարարագիր ներկայացնեն․ ֆիննախ Եթե ԼՂ-ի պարտքի իրավունքը վերցնում է ՀՀ-ն, արդեն մենք կորոշենք՝ ներվի քաղաքացիներին, թե ոչ. ֆիննախ Խաղաղության խաչմերուկը եթե իրականանա, պահուստային ֆոնդում գումար կա ենթակառուցվածքների համար. ֆիննախ ԼՂ տեղահանվածներին տրամադրվելիք միջոցները ու ծրագրերը բյուջեում ներառված չեն. ֆիննախ 2024թ ՊՆ ծախսերը կկազմեն 555 մլրդ դրամ, ինչը 7.3%-ով ավելի է ընթացիկ տարվա համեմատ. ֆիննախ 2024-ի բյուջեում կներառենք ԼՂ-ից տեղահանվածների թոշակները 30 մլրդ-ի չափով. ֆիննախ Սոցապնախարարության 2024-ի բյուջեն 755 մլրդ է, ընդհանուր ծախսերի 25%-ը նրան է բաժին հասնում․ ֆիննախ 2024թ.-ին վարկային միջոցները կկազմեն 21 մլրդ դրամ, որոնք կտրվեն տարբեր գերատեսչությունների. ֆիննախ ԱԳՆ-ին հատկացրել ենք իրենց հայտից 1 մլրդ-ով պակաս գումար՝ 16 մլրդ 616 մլն դրամ. ֆիննախ Արցախի գանձապետական հաշիվներում եղած 3,1 միլիարդ դրամը ամբողջությամբ ուղղվել է աշխատավարձերի վճարմանը. ԱՀ ֆիննախ