ԱՄՆ-ում անգլերենի ուսուցչուհին ձերբակալվել է 15-ամյա աշակերտի բռնաբարության համար

ԱՄՆ-ում անգլերենի 37-ամյա ուսուցչուհուն ձերբակալել են 15-ամյա աշակերտին բռնաբարելու մեղադրանքով։ Այս մասին հայտնում է WTVD-ն։

 

Միջադեպը տեղի է ունեցել Հյուսիսային Կարոլինայի Ջոնսթոն շրջանի ավագ դպրոցում։ Ըստ դատական ​​փաստաթղթերի՝ կինը առնվազն մեկ անգամ սեռական հարաբերություն է ունեցել աշակերտի հետ։ Հանցագործության օրը օգոստոսի 12-ն է։

 

Հայտնի է, որ կինը ուսումնական հաստատությունում աշխատանքի է անցել 2021 թվականի մայիսին։ Սեպտեմբերի 2-ին նա ձերբակալվել է և մեղադրվել երեխայի նկատմամբ անպարկեշտ վերաբերմունքի և անչափահասի նկատմամբ բռնաբարության մեջ, իսկ չորս օր անց դատարանը նրա նկատմամբ խափանման միջոց է ընտրել կալանավորումը և 1 մլն դոլարի չափով գրավը։

 

Նշվում է, որ սա Ջոնսթոն շրջանի ավագ դպրոցի աշակերտների նկատմամբ ոտնձգությունների առաջին դեպքը չէ։ 2010 և 2011 թվականներին դպրոցի երկու աշխատակիցներ մեղադրվել են սեռական հանցագործությունների մեջ. դրվագներից մեկում խոսքը մի ոստիկանի մասին է, ով զբաղվում էր ուսումնական հաստատության պաշտպանությամբ։