Սոթքում վիճակը ծայրահեղ ծանր է․ թշնամին շարունակում է հարվածել, բնակիչները ահաբեկված փախուստի են դիմել․ նոր մանրամասներ

Արդեն տեղեկացրել ենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները հրետանայինյ միջոցների, ականանետերի ու ԱԹՍ–ների կիրառմամբ կրակ են բացել միանգամից մի քանի ուղղություններով տեղակայված հայկական դիրքերի ուղղությամբ։ 

ՀՀ պաշտպանության նախարարությունից հայտնում են, որ մասնավորապես հրտեկոծման են ենթարկվել Սոթքի, Վարդենիսի, Գորիսի, Կապանի, Արտանիշի և Իշխանասարի ուղղությամբ տեղակայված դիրքերը։ Հարվածներ են հասցվում նաև քաղաքացիական ենթակառուցվածքերին։ Հայկական կողմ ունի զոհեր և վիրավորներ։

«Սոթքում վիճակը ծայրահեղ ծանր է։ Ադրբեջանցիները շարունակում են գրադ կայանքից հարվածներ հասցնել քաղաքացիական ու ռազմական ենթակառուցվածքների վրա։ Մարդիկ երեկ կեսգիշերվանից ահաբեկված փախուստի են դիմել և լքել գյուղը։ Սոթքում այս պահին գրեթե ոչ ոք չի մնացել։ Ընդհանուր առմամբ, այս պահին դատարկվել են սահմանամերձ Սոթք, Կութ, Նորաբակ գյուղերը»,- ԼՈՒՐԵՐ․ com-ի հետ զրույցում նշեց գյուղի բնակիչներից մեկը, նշելով, որ ինքն ու իր ընտանիքը վաղ լուսաբացին են հասել Երևան։

Նա նշեց, որ ադրբեջանական զինուժի գնդակոծության թիրախում եղել է նաև Սոթքում տեղակայված զորամասը, որը մեծ վնասներ է կրել։ Բացի այդ, թշնամու հարվածներից տուժել են համայնքային նշանակության տարբեր հաստատություններ, տնտեսություններ, մի քանի տասնյակ տներ և այլն։

«Մարդիկ կորցրել են հույսը, որ կվերադառնան գյուղ։ Վերադառնալու ցանկություն էլ, ճիշտն ասած, չունեն, որովհետև մտածում են, որ այնտեղ ապագա չկա և վտանգում են իրենց ու երեխաների կյանքը»,-նշեց մեր զրուցակիցը։

Երիտասարդն առայժմ դժվարացավ նշել, թե ադրբեջանական վերջին ագրեսիայի հետևանքով կոնկրետ քանի մարդ է տուժել, վիրավորվել կամ մահացել Սոթքում։ 

Հիշեցնենք, որ Ադրբեջանի ագրեսիայի առնչությամբ Հայաստանի կառավարությունն արդեն դիմել է ՌԴ-ին, ՄԱԿ-ի անվտանգության խորհրդին և ՀԱՊԿ-ին։

Արա Ալոյան

Այս թեմայով Հետ ենք գնում, ագրեսիա հո չենք կիրառելու, մենք մշակույթի մարդ ենք. Արսեն Գրիգորյան (տեսանյութ) Տավուշի սահմանամերձ գյուղերի բնակիչները սպասում են ինչ-որ վատ իրադարձության. Կիրանցի բնակիչը նշում է՝ անորոշության մեջ են ՌԴ ԶՈւ-ն գրավել է Ռաբոտինո, Գլուբոկոյե, Լուկյանցի գյուղերը Քաղաքացիները պահանջում են Փաշինյանի հրաժարականը, նա գյուղերը հանձնելու որոշում է կայացրել․ BBC 300 մլն դրամի ներդրում սահմանամերձ համայնքում. կնքվեց խեցգետնաբուծության զարգացման պետական աջակցության մասնակցության առաջին պայմանագիրը «Բոլոր սահմանամերձ բնակավայրերում ունենք դպրոցներ, որոնք այս պահին դիտարկման ներքո են գտնվում»․ ՄԻՊ Հաջորդը լինելու է Կողբից Սոթք ընկած հատվածը. Դավիթ Ջամալյան Նոյեմբերյան համայնքը չի աջակցում սահմանազատման գործընթացին Գյուղերը հանձնել, գնացել բասկետբոլ ա խաղում (տեսանյութ) Էդ 4 գյուղերը թուրքի գյուղեր են, հայկականը մեր գյուղն ա. բերքաբերցի պապիկ